影片
更多
2024-06-05
71 瀏覽
係西洋菜南街近太子果邊，旺角行完街過去都好方便牆身印有越式既圖案好靚座位都幾闊唔洗人貼人咁坐Menu超多款揀同朋友兩個女仔叫咗兩碗粉麵同埋啲小食加飲品河內生熟牛肉河粉同埋越式香茅豬扒撈檬超級大碗!!!無論粉麵既份量定係肉既份量都好多仲有好多香料湯粉會另外付埋辣椒同青檸可以自己調味先試一口湯底聞落已經好香，飲落同樣地勁濃郁既香味會忍唔住一啖又一啖咁飲落去同埋湯好夠熱上枱果陣生牛肉仲係粉紅色打完卡先醒起要快啲浸落湯度!好快就由粉紅變做熟既褐色啦每塊都夠薄好滑同熟牛肉一樣牛味都好濃厚而熟牛肉就厚身好多好有咬口一開始落咗兩粒辣椒仔覺得都唔算好辣就再加多兩粒結果發現原來係因為碗太大湯太多去到後面後勁就出嚟好爽! 但唔太食得辣既要小心~枱面上有用嚟撈檬粉既汁好開胃好好食，朋友話如果可以再酸多小小會更開心不愧係menu上面有推薦既香茅豬扒撈檬豬扒係今晚MVP!影完相發現食果陣仲有一塊係底份量超滿足之餘豬扒煎到超香口加埋香茅好惹味又唔會太重搶咗肉既味每樣小食都好吸引本身朋友想試小食拼盤但因為我太想食串燒所以就散叫咗三樣越式手打炸蝦餅(細)、酥香軟殼蟹(1隻)、香茅沙嗲串燒(3串)價錢相宜但份量都唔細先
牆身印有越式既圖案好靚
座位都幾闊唔洗人貼人咁坐Menu超多款揀
同朋友兩個女仔叫咗兩碗粉麵同埋啲小食加飲品
河內生熟牛肉河粉同埋越式香茅豬扒撈檬
超級大碗!!!無論粉麵既份量定係肉既份量都好多
仲有好多香料
湯粉會另外付埋辣椒同青檸可以自己調味
先試一口湯底
聞落已經好香，飲落同樣地勁濃郁既香味
會忍唔住一啖又一啖咁飲落去
同埋湯好夠熱
上枱果陣生牛肉仲係粉紅色
打完卡先醒起要快啲浸落湯度!
好快就由粉紅變做熟既褐色啦每塊都夠薄好滑
同熟牛肉一樣牛味都好濃厚
而熟牛肉就厚身好多好有咬口
一開始落咗兩粒辣椒仔覺得都唔算好辣
就再加多兩粒
結果發現原來係因為碗太大湯太多
去到後面後勁就出嚟
好爽! 但唔太食得辣既要小心~
枱面上有用嚟撈檬粉既汁
好開胃好好食，
朋友話如果可以再酸多小小會更開心
不愧係menu上面有推薦既香茅豬扒撈檬
豬扒係今晚MVP!
影完相發現食果陣仲有一塊係底份量超滿足之餘
豬扒煎到超香口
加埋香茅好惹味又唔會太重搶咗肉既味
每樣小食都好吸引
本身朋友想試小食拼盤
但因為我太想食串燒所以就散叫咗三樣
越式手打炸蝦餅(細)、酥香軟殼蟹(1隻)、香茅沙嗲串燒(3串)價錢相宜但份量都唔細
先食咗串燒，有雞、牛肉同豬頸肉
超中意食雞所以揀咗雞串燒
沙嗲醬好多花生好惹味串燒既香茅味比較濃
軟殼蟹好大隻
咬落都啖啖肉
而蟹腳好脆口好正
同朋友一致認為炸蝦餅係最好食既小食
枱面上有甜酸醬可以自己加
我覺得炸蝦餅同埋甜酸醬兩者之間係密不可分既程度!!
就算已經隔咗陣(因為太多野食唔知食邊樣先XD)都仲係好香好脆口
蝦滑好足料
非常好食
飲品係牛油果沙冰同椰青
雖然佢地唔算特飲所以無得跟麵有優惠價但都非常推薦!!
表面已經好多牛油果粒
而打成沙冰既牛油果量都唔少
好豐富既口感
不過甜度就無得自己揀
我覺得岩岩好，好好飲
椰青好清甜
同埋超多椰子肉
如果有叫到既一定一定要舀晒所有椰子肉先得!!!
好厚肉好清甜
超級推薦!!!
而且店員都好好人
上菜都好快~
張貼
