一鍋堂 (新都會廣場)

營業中

休息中

上星期早放工，嚟到葵芳嘅一鍋堂，店內空間闊落，傾計食嘢都夠晒舒服。裝潢以日系風格為主，仲有好多霓虹燈嘅打卡位！我哋今晚就叫咗C套餐嘅120分鐘火鍋放題，揀咗滋補花膠雞鍋，花膠湯香醇濃郁，滋補養顏又健康。✨火鍋配料無論係海鮮或者肉類嘅火鍋配料都有好多選擇，冰山蚌、帆立貝同沙白蜆，肉質飽滿，鮮嫩甘甜，仲提升咗湯底鮮味，海蝦同白鱔片同樣鮮甜爽口。黑毛和牛同牛脊肉口感軟腍，肉汁豐富，而西班牙伊比利亞黑毛豬肉嫩多汁，唔使再加其他調味料都好好食！✨自助區有熟食、前菜、蔬菜同多款丸類，店員仲會不停會refill 呢～✨飲品除咗罐裝同盒裝飲品，仲有好多自家製飲品。我就鍾意玫瑰花黑枸杞茶，可以清熱解渴，而且仲有少少玫瑰花🌹嘅香味。✨雪糕店內仲有自助雪糕機，可以自己唧雪糕🍦，盒裝雪糕都有唔同口味選擇。