STEKKA MASTER

營業中

休息中

西環有好多間餐廳，我平時都會去坐吓，但係食完呢間餐廳之後真係返唔到轉頭！佢嘅午餐整得好好，睇得出師傅好有功架同埋係非常有心機！Lunch set同朋友每人一個，首先有個南瓜忌廉湯，軟滑細緻，濃郁南瓜蓉啖啖香甜，仲有生牛肉火箭菜，平時唔食生牛肉嘅我都竟然覺得入口即化！炭燒羊架真係要試下！佢會令本身唔鍾意食羊嘅朋友重新愛上，因為每啖都肉汁鮮嫩，而且沒有臊味，香草味道均勻，燒得非常好👍🏻難怪午餐呢到爆曬人，真係極好味，無呃你！另外仲有個貓耳朵粉，係意大利嘅特色嘢，平時長條型意大利粉同朋友可能好難分配，但係貓耳朵粉一粒粒，就好似港式通粉咁好有質感。甜品有大大球雲呢拿雪糕配蛋糕，滋味滿分。