海悠

營業中

休息中

佢哋係一樓都有幾個舖位，用手機落單就方便唔使等人嚟落單。介紹一下半隻蒜蓉粉絲蒸龍蝦同埋清蒸3A瀨尿蝦都係$68，真係超乎你想像。瀨尿蝦都爆膏，成隻手板咁長。龍蝦係花龍，肉質勁爽彈，加埋蒜蓉粉絲勁惹味。另外除咗炸子雞，仲叫咗個芝心咕嚕肉同埋招牌秘製蟹黃醬海皇炒飯。炸子雞的確高質$68半隻真係唔知邊度搵。芝心咕嚕肉，用咗豬頸肉包芝士，仲用山楂做汁，的確好功夫。秘製蟹黃醬海皇炒飯，鹹香鮮味主要係蟹黃醬，炒飯配料有魷魚鬚粒同埋蝦，海鮮鮮味十足。食過真係會上癮。