影片
更多
2021-04-19
7624 瀏覽
位於大館入面嘅Madame Fu一直係唔少人嚟打卡食中式fusion菜同埋afternoon tea嘅地方，有唔少人為咗佢嘅靚靚裝修而嚟影靚相，呢日我就同朋友嚟食佢同雪花秀聯成推出嘅「Best of Me」afternoon tea set，預早上網book位嘅話可以揀係Pink Room、outdoor抑或普通位置坐，我就揀咗普通位，裝修都幾靚，以綠色為主調，梳化同擺設都有種熱帶風情，仲有棵熱帶樹啱晒影相，侍應都好helpful，影相又有一手🤣🤣不過總體嚟講都係唔係好值得嚟🥲🥲每人around $300嘅已經係酒店級嘅價錢，但成個set份量極細，每樣都得個一啖，我哋兩個女仔正常食量食完都唔夠飽🥲🥲要出去食其他嘢，味道方面又唔算出色仲有部份有伏lol雖然個set送埋雪花秀嘅護膚品仲有coupon，但如果放多啲成本係食物上會更好，呢個價錢去酒店食仲大份好多好食好多🙈上層甜品：神石榴血橙莎當妮慕絲杯 - 酸酸咪咪幾開胃都ok，不過底下個啫喱有少許藥水味😶韓式柚子泡芙 - 泡芙皮太腍，個柚子cream又太甜，唔好食🙁草莓忌廉芝士慕絲餅 - 正常發揮，cream cheese屬軟滑口感，面頭有
上層甜品：
神石榴血橙莎當妮慕絲杯 - 酸酸咪咪幾開胃都ok，不過底下個啫喱有少許藥水味😶
韓式柚子泡芙 - 泡芙皮太腍，個柚子cream又太甜，唔好食🙁
草莓忌廉芝士慕絲餅 - 正常發揮，cream cheese屬軟滑口感，面頭有pat士多啤梨醬酸酸地減低膩感
百利甜酒巧克力提拉米蘇杯 - 呢款算係甜品入面最好食👍🏻👍🏻，朱古力杯入面裝住軟滑帶濃濃咖啡味嘅tiramisu，咬落去仲滲出少少酒
榛子巧克力馬卡龍 - 口感幾脆，不過甜咗啲，唔知點解叫榛子朱古力但我淨係食到開心果味❓
中層：
原味鬆餅＆葡萄乾和蔓越莓鬆餅配德文郡忌廉及Madame Fu特色玫瑰果醬
份量太少，每人只有1件仔，個玫瑰果醬係幾好食嘅，我自己未食過好多人推介文華東方個隻玫瑰果醬，不過呢隻都ok，只係個scone失色咗😓😓個面唔脆口，內裡又有啲漿口，牛油味亦唔夠香，一個tea set入面最重要就係scone，呢個就做得唔好喇
下層鹹點：
鵝肝慕絲多士配濟州柳橙果醬 - 鵝肝醬幾香嘅，不過都係普通貨色啦，亦食唔出有柳橙果醬嘅元素❓
釜山墨汁海鮮酥盒 - 酥皮幾脆唔錯，入面有粒蝦仔加墨汁，細細件唔夠喉😂
韓式豆醬雞配蛋沙律三明治 - 個包夠鬆軟都ok
泡菜芝士薄脆 - 呢個係最失色嘅鹹點，泡菜濃烈嘅味道同成個tea set好唔夾，有啲奇怪🤔🤔
另外包咗茶／咖啡／果汁，我哋叫咗ginger tea同中式茉莉，都係偏淡，尤其茉莉實在太淡喇冇乜味～另外仲加錢要咗杯signature mocktail，要成$75但只係梳打水加好假嘅橙汁，就算個樣幾靚都無用🙈🙈
人均消費：$340
推介指數（10分為滿分）：5.5分
張貼
