影片
更多
2025-04-03
367 瀏覽
啱啱開幕嘅「啟德零售館」真係勁大，有成70萬呎，梗係要即刻去朝聖啦～而家韓國超人氣薄餅店【Pizza Maru】又嚟開新分店啦，今次係香港第七間，開咗喺啟德體育園，打卡又食嘢一舉兩得！新店裝修好有feel，運動元素滿滿，牆上有圖又有植物牆，好有活力～仲有好多高清電視，可以邊食邊睇波，爽呀！我哋叫咗個「韓國烤肉芝加哥薄餅」($223)，10吋大大個，上面堆滿晒牛小排、辣肉腸、番茄、香芹，料多到誇張！配埋佢哋招牌嘅Maru番茄醬，酸酸甜甜又夠濃，好惹味～最正係個批邊，唔止有雙倍Mozzarella芝士，仲加咗杏仁、蜜糖同糖霜，拉起仲有芝士瀑布！睇到都開心～餅底用黑米同多種穀物整成，咬落去軟熟有彈性，一流！批邊嗰啲糖霜加杏仁真係好正，甜甜地中和咗芝士嘅鹹，層次感爆燈～趁熱食仲有流心效果，影完相記得即刻食呀！之後我哋又試咗個「煙燻鴨胸泡菜卡邦尼意粉」($183)，材料有煙燻鴨胸、泡菜、洋蔥、蘑菇、黑醋、辣椒碎同香芹，卡邦尼醬好creamy，泡菜微酸微辣，食落開胃又唔膩，好有驚喜！飲品就揀咗「Peach Lime Iced Tea」($48)，桃味香香甜甜，冰茶又夠爽，仲有薄荷葉，飲落唔會太凍又
啱啱開幕嘅「啟德零售館」真係勁大，有成70萬呎，梗係要即刻去朝聖啦～而家韓國超人氣薄餅店【Pizza Maru】又嚟開新分店啦，今次係香港第七間，開咗喺啟德體育園，打卡又食嘢一舉兩得！
新店裝修好有feel，運動元素滿滿，牆上有圖又有植物牆，好有活力～仲有好多高清電視，可以邊食邊睇波，爽呀！
我哋叫咗個「韓國烤肉芝加哥薄餅」($223)，10吋大大個，上面堆滿晒牛小排、辣肉腸、番茄、香芹，料多到誇張！配埋佢哋招牌嘅Maru番茄醬，酸酸甜甜又夠濃，好惹味～
最正係個批邊，唔止有雙倍Mozzarella芝士，仲加咗杏仁、蜜糖同糖霜，拉起仲有芝士瀑布！睇到都開心～餅底用黑米同多種穀物整成，咬落去軟熟有彈性，一流！批邊嗰啲糖霜加杏仁真係好正，甜甜地中和咗芝士嘅鹹，層次感爆燈～趁熱食仲有流心效果，影完相記得即刻食呀！
之後我哋又試咗個「煙燻鴨胸泡菜卡邦尼意粉」($183)，材料有煙燻鴨胸、泡菜、洋蔥、蘑菇、黑醋、辣椒碎同香芹，卡邦尼醬好creamy，泡菜微酸微辣，食落開胃又唔膩，好有驚喜！
飲品就揀咗「Peach Lime Iced Tea」($48)，桃味香香甜甜，冰茶又夠爽，仲有薄荷葉，飲落唔會太凍又唔會膩，配韓食啱啱好，解膩一流～
張貼
