Rosie

營業中

休息中

最近成日見到啲人介紹深水埗啲意粉，搞到我都勁想試🥹但係我懶於排咁耐，都係等個熱潮減淡返先～然後俾我搵到鰂魚涌開咗間新Cafe專門食親民價的高檔意大利 pasta！佢仲有另一間分店係葵芳～夜晚放工去食啱啱好，鍾意食意粉嘅要試下！-香草牛油封門牛肉汁意粉🍝店員首先會即場用火槍燒溶上面嘅牛油🧈儀式感滿滿牛肉汁意粉有啲似平時嘅肉醬意粉，不過豬肉變咗濃郁的牛肉醬。而封門牛肉生熟程度啱啱好！好重牛味- 辣芝士醬明蝦扁意粉🌶️香辣的醬汁完全蓋過咗意粉，但係因為用上扁意粉，形狀恰好能夠承載醬汁！我會形容呢個醬汁好衝擊🤣🔥是奶油的濃郁與辣椒的刺激！辣得來好過癮，有啲似韓式嘅辣。鍾意食辣嘅唔好錯過-朱古力心太軟配開心果意式手工雪糕🍦第一次食心太軟配開心果雪糕～是餐後的完美結尾朱古力心太軟外脆內軟，流心的朱古力 🍫濃而不甜，雪糕上面仲有開心果碎同cream-藍水母🪼打卡一流嘅咖啡！上面係藍色飲料，然後漸變到底係咖啡shot，美觀又清爽。-朱古力鮮奶🍼又係一個打卡嘅嘢飲！朱古力好澎湃！但甜而不膩，朱古力的濃郁與牛奶的順滑造成完美結合。