影片
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
影片
相片
香草牛油封門牛肉汁意粉
+608
+29
食家推介
好開心，Rosie開到嚟鰂魚涌，令到太古坊返工嘅我，放工都可以嘆靚靚意粉同嘢飲。Rosie喺葵芳已經好受歡迎，佢係以平民價錢食高檔意粉聞名，設計同出品都好特別，同一般連鎖意粉店唔同。不過我知道，飲品係佢另一個秘密武器…藍水母 $68用上蝶豆花、鮮奶同咖啡造成嘅超現實飲品。一層層嘅顏色化開，影相真係一流。最重要係飲落相當唔錯，唔會好甜，咖啡味亦足夠。朱古力鮮奶 $48另一杯強力飲品，朱古力上面鋪滿朱古力粉同白朱古力，比一般拉花嘅咖啡更靚仔。飲落熱辣辣嘅鮮奶同朱古力，喺冬天真係會令人舒服好多。龍蝦濃湯蟹肉帶子麵 $198呢度嘅名物。與其話係汁意粉，不如話係用濃味嘅龍蝦湯做湯底，再放一個墨魚意粉同蟹肉帶子上上面。咁樣講係因為龍蝦湯本身已經又多又夠味，係可以就咁飲。襯埋味道相近嘅蟹肉同帶子，其實一定係好食。辣芝士醬明蝦扁意粉 $138如果話龍蝦湯已經夠晒濃味，咁呢個辣芝士醬就係超濃味。辣度唔算好高，但食落係會感覺到，芝士醬濃厚之餘係非常多，鍾意重味人士真係啱晒。朱古力心太軟配開心果意式手工雪糕 $88咁嘅組合，唔使形容之好食啩？但佢仲有啲儀式感，會拉起個包裝等啲開心果忌廉跌落嚟。開心果雪糕算係幾有味道，加上粒粒嘅開心果，比雲呢拿味會更豐富。心太軟就正常發揮了。可以收工喺附近食個靚意粉，飲靚嘢飲，喺咁舒服嘅環境同朋友傾吓偈，都可以緩和一下返工嘅壓力😌。
繼續閱讀
聽朋友介紹pasta迷必來鰂魚涌新開Rosie Cafe，地點就腳， 環境舒適。放工約朋友聚餐的好地方。 另一分店在葵芳。相比連鎖店意粉，它以親民的價格提供高檔意大利Pasta，認真的製作。 店員好nice，不停為你加檸檬水。*鵝肝松露香菇意大利飯* 是其中的亮點，鵝肝煎得很香好肥美。Risotto 醬汁濃郁搭配松露和香菇好creamy，口感層次分明。*蒜香雞翼* 雞皮外脆內嫩多汁，炸蒜香直擊味蕾，令人食指大動。*香草牛油封門牛肉汁意粉* 上菜時店員用火槍燒溶牛油和Rosemary滲出淡淡的香草香味 。經火槍燒過的封門牛柳外邊更香內裡肉嫩。牛味香濃。意粉彈牙入味，牛肉汁濃郁醇香。飲品方面， *西柚梳打* 清新解膩， 陣陣西柚的清香撲鼻，不會太甜 。*焦糖咖啡* 拉花有心機好美。 喜歡咖啡的甘香配合焦糖的甜味加上香滑的奶。
繼續閱讀
餐廳開左在屋企附近咁耐都未試過，上星期五終於在無安排下突然試到，本身餐廳裝修已另我感覺係幾舒服，平時夜晚行過見客量不多，心諗價錢一定不太平，睇見餐牌價錢在同區夜晚都比較貴小小，但不竟想試好耐，就試吓佢。當晚叫了1個沙律，2個粉，2杯咖啡。餐牌只有一款沙律，無激素雞胸明蝦藜麥沙律，入面仲有車厘茄，燕麥片，全部都係我喜歡的食材，但蝦是雪藏蝦，如果用新鮮蝦會更好，沙律汁是芒果味，感覺幾清新不油膩（筆左上碟先記得影相）柚子胡椒汁青口大管粉，第一次食大管粉，感覺有啲似上海年糕，但柚子胡椒汁配搭得很好，青口都算新鮮，仲有個汁可以檔湯飲。我和朋友都比比目魚橄欖油扁意粉（正確名稱唔記得）2份很厚肉的比目魚，夠份量，加了一個炒磨菇，味道唔錯，但魚及意粉味道偏淡，應該屬健康之選系列，這個就一般。黑糖薑母咖啡，有很濃厚的薑味，咖啡味都很香甜度適中短笛咖啡，細細杯，味道帶甘苦，不帶酸味，正正是我喜歡的味道，份量又剛好，唔怕飲完瞓唔著2杯咖啡個拉花都好好，因為奶的份量適當望見心情都靚啲。雖然得2個侍應，但服務都好細心有禮貌，會再幫襯
繼續閱讀
好耐都冇去探索新餐廳lu~~今次我去咗公司附近新開的cafe，呢度既裝修以溫暖的木質為主，營造出一種溫馨而浪漫的氛圍✨。尤其是夜晚，柔和的燈光映照著每一個角落，令成個空間都俾人感覺非常放鬆。呢度既音樂輕柔舒緩，伴隨著輕聲的交談，讓人感受到一種悠然自得既用餐體驗，特別適合同閨蜜聚會或約會。📸👯♀️鵝肝松露香菇意大利飯這道意大利飯真是讓人驚喜😍，鵝肝煎得外焦內嫩，入口即化，帶有濃郁的奶香和迷人的松露香氣，意大利飯的口感軟滑又有嚼勁，每一口都充滿了豐富的滋味，令人愛不釋口！✨蒜香雞翼（小食)雞翼外皮香脆金黃，內裡鮮嫩多汁，蒜香味濃烈，真的非常適合和朋友們分享👯♀️，或者自己一口接一口地享用，最後都忍唔住叫多咗一份😋🍵抹茶鮮奶這杯清新可口的抹茶鮮奶，茶香濃郁，搭配滑溜的鮮奶，讓人感覺非常舒適🍃，甜度剛好，完全不會過甜，喝了讓人心情愉悅😊。🧁朱古力心太軟配開心果意式手工雪糕甜品絕對不能錯過！濃郁的朱古力漿緩緩流出🍫，搭配香濃的開心果雪糕，冷熱相間，口感層次豐富，瞬間讓人心情大好，幸福感爆棚，打卡able！💖🍝香草牛油封門牛肉汁意粉這道意粉用火槍燒溶的香草牛油令人印象深刻🔥，牛肉汁的味道濃郁而香醇，搭配香滑的牛油，讓每一口都充滿了誘人的香氣，吃得非常過癮，讓人回味無窮！🤤如果想搵一個環境靜靜地可以girls talk或者傾心事, 呢間係一個唔錯嘅選擇呢🩷
繼續閱讀
前幾日放工去鰂魚涌買嘢，順便食埋晚餐，見到有間新開嘅cafe，之前係葵芳見到呢間cafe都好想試下，原來係鰂魚涌開咗分店，咁緊係要試下啦！香草牛油封門牛肉汁意粉 封門柳煎到外焦內嫩，意粉被牛肉汁重重包圍，仲帶有一絲絲牛肉絲，口感相當豐富，店員仲會用火槍燒溶牛油，即時散發陣陣牛油同rosemary香氣，令人食慾大增。龍蝦濃湯蟹肉帶子麵墨魚汁意粉上面鋪滿蟹肉，整個口腔都充滿蟹肉，相當滿足，仲有一大粒帶子，肉質鮮嫩，龍蝦湯味道濃郁，平民價錢食到高質意粉。朱古力心太軟配開心果意式手工雪糕開心味意式手工雪糕，味道十分香濃，配上開心果粒粒口感十足，朱古力心太軟甜而不不膩，冷與熱嘅口感，夠曬刺激味蕾。芒果沙冰沙冰打得非常幼滑，芒果味道香甜，冰涼解渴。
繼續閱讀