餃掂手工餃子雲吞專門店

常說，媽媽包的餃子最好食，我認為除了那溫馨的感覺之外，自己做的餃子足料兼靚料亦是重要的原因。我媽咪不做餃子但愛吃，所以平日行街我都會留意下一些餃子專門店，見到好就帶佢去食，近日發現了這間餃掂手工餃子雲吞專門店。店內除了餃子雲吞之外，飲品醬汁等都是自己做，仲可以外賣，非常有家的味道。 酸薑蘿蔔 $130/$150例如玻璃樽內酸漬薑果，酸薑唔太辣、酸蘿蔔夠爽，味道調校得好。可以外賣返屋企食，但百幾蚊樽覺得有啲貴！ 自家製山楂雪梨水 $86我哋人多叫一楂，大概分到十杯，沒有多加糖，自然的酸甜，不錯。 黃金原味皮蛋 $28  椰菜酸辣雲耳 $25先來兩款小吃，糖心皮蛋幼滑，雲耳酸咪咪幾開胃。所有餃子都可以選擇灼或煎、跟湯與否及份量。 招牌狀元九鼎湯 $20先介紹一下招牌狀元九鼎湯，自說不惜工本、古法虔製，最重要是絕無味精，成份方面有去濕的粉葛、扁豆、赤小豆、養生的陳皮及蜜棗、鮮美的活鯪魚、鰂魚、排骨及紅蘿蔔。果然是足料靚湯，湯清味醇厚，入來此店，必喝之選。至尊松茸豬肉餃配狀元湯 （灼）$105我喜歡餃子與狀元湯分開上，不會混淆味道；這一道多配上兩款松茸醬，倍增粒粒口感，亦令味道昇華。餃