Sick Burger (希雲街)

營業中

休息中

漢堡包店雖然名為”Sick Burger”，但我食完之後一啲”Sick”嘅感覺都冇。而且我覺得可以再去食添😛😛銅鑼灣店係Sick Burger 第二分店，總店位於馬鞍山，對我嚟講實在太遠喇。當我知道佢哋喺港島開分店就即刻衝去食。漢堡包店周圍都有，要突圍而出確實唔容易。呢間店嘅賣點除咗店主係米芝蓮廚之外，食材配搭方面融入港式風味，新鮮感十足。▫️Sick! Burger (HKD62) - 第一次食就試吓呢個招牌漢堡包先。所有漢堡包都係即叫即製，店內嘅開放式廚房可以睇到店員整包嘅過程。漢堡選用美國安格斯牛肉，混入牛腩肉及牛肩胛而製成。配料有自創梅子醬、柚子、芝士及生菜。相中嗰份小食係加咗+$34轉一口雞套餐。上次我去食店舖仲係喺試業階段，印象中好似仲未有銅鑼灣店限定口味漢堡呢。