HIKARI

本身我都唔打算寫食評，因為老實說佢地的食物係無咩問題，主食比甜品出色。然而，服務同環境就令就令人好唔舒服。我地坐樓上榻榻米，一去到已經覺得好侷促，同職員講佢地話可以開大少少個冷氣，但由於佢四周都擺咗檯燈，地燈，所以都繼續熱。食到中途，好明顯佢又較細番個冷氣，總之我地一邊食就一邊流汗。第二，我地見到有好多飛來飛去等昆蟲，向職員查詢有無蚊拍，因為我地見到收銀處係有，但職員敷衍了事，只係同我哋講因為近排落雨，所以就一定多昆蟲。佢冇去處理嗰啲昆蟲，令到我哋成餐飯都食得好不安。我知道呢間餐廳喺荃灣都算出名，因為成晚都係full House ，但係冇諗過佢哋服務態度係咁敷衍。