雲家小鍋米線 (328廣場)

營業中

休息中

好冇過嚟食米線，就算平日下晝三點幾都係咁多人。荃灣係總店，舖頭唔大，所以經常都人頭湧湧，都有好多人外賣，佢哋每碗嘅米線都係即叫即煮，所以都要花少少時間等一等。今日主要想嚟食佢哋嘅秘制豬頸肉，今次終於可以散叫一份小食嘆下，但係都叫返碗米線先夠飽。麻酸辣腩肉墨魚春卷米線🍜米線分酸辣、麻辣、麻酸辣，湯底肉味濃郁得來唔會太油膩，同埋佢哋份量真係好多，好似食緊肉醬意粉咁。腩肉唔會大肥，墨魚肉春卷好索味好淋。😋烤豬頸肉成份都幾多，先炸再燒，所以食落唔會好油，切成細條好好食，又可以放返落米線嗰度索湯一齊食。其實最鍾意佢哋嘅米線口味唔會太鹹，酸度、辣度、麻度都可以調校，啱我呢啲溫和口味。