Chez Bistro

營業中

休息中

揀咗呢度同朋友慶祝，因為餐廳充滿了高雅氣氛，又不失提供咗舒適嘅用餐環境，服務都好優質，價錢相對親民，好適合慶祝生日或紀念日。 香草蒜蓉白酒汁紐西蘭蜆，白酒煮蜆係我必點嘅菜式，蜆不獨可以配清酒，即使換上白酒都同樣滋味，蜆好大粒又鮮甜仲要完全食唔到沙粒 ，入口滑；配白酒忌廉汁，更加係無懈可擊嘅組合，超鮮甜，我連汁都飲哂。鮮蠔周打魚湯，開頭以為係用咗某D魚先會咁鮮，後來先知原來係加咗蠔，蠔肉身肥美大大隻啖啖肉。炭燒日本佐賀金星豚，肉香濃郁質感好嫩細膩，脂肪比例同炭燒嘅火喉啱啱好，食落有驚喜同滿足，回味無窮！！香焗蘋果金寶伴雲呢拿雪糕，焗完出嚟又香甜，我好鍾意食雲呢拿雪糕上面d紅色粒粒酸酸地，成個配搭熱凍酸甜全部組合好perfect～成個dinner都好味，朋友都食得好開心。