戀 (QRE Plaza)

營業中

休息中

對自己好一點，朋友推介位於灣仔「戀」的居酒屋，今日係灣仔做完野順便去食埋Lunch。居酒屋環境寬敞舒適，座位亦好闊落，好適合一大班朋友或家人聚會。餐牌好厚，種類多元化，有刺身、壽司、鍋物、串燒等等。除了單點，午市亦有午市定食，好多選擇，價錢合理。特上壽司拼盤（$238）配麵豉湯、甜品和飲品壽司拼盤有三文魚、吞拿魚、帶子、炸蝦牛油果反卷。壽司飯和醋比例剛剛好，不會一夾就散，而且飯入面已經放了wasabi，其中三文魚夠肥美，帶子厚身大粒，夠鮮甜。日式糯米糍（$58）以為係雪糕，原來唔係，糯米糍外皮煙煙韌韌，入面有蘋果果肉，超香蘋果味，但又不會過甜。