影片
更多
2018-01-04
2442 瀏覽
同朋友係尖沙咀兜嚟兜去都諗唔到食咩😣諗住去返韓國街搵嘢食嘅時候經過呢間餐廳，見到好似ok咁就入咗去啦😆點解叫意大利餐廳🤔？我都唔知，因為佢係咁寫😂呢度要裝修好懷舊，入到去燈光昏暗，每一枱都有支蠟燭喺度🕯店員仲要係著住好整齊嘅西裝🤵🏻今次同朋友嗌咗Set dinner，有餐湯同飲品😚啲湯好稠，同朋友研究咗好耐到底係咩湯🤔(應該就係南瓜湯🎃) 一邊有啲煙肉碎喺度。 另外呢度啲牛油都幾得意，形狀就好似通粉咁， 不過略厭麵包烘得唔夠熱，所以搽牛油嘅時候有啲難融🤔#燒牛柳 ($138)😋好味指數：(7/10)小編就嗌咗六成熟，朋友嗌咗五成熟。我哋兩份牛都係一份淋而一份比較韌😢應該因為係啲根位嚟🤔不過食落去肉味都幾香😚另外佢嘅汁都幾得意，係蘑菇汁嚟嘅，有超多蘑菇係面😱今次叫咗薯菜，係一舊薯蓉嚟嘅😆另外配紫椰菜，都幾特別😚#西西里式大蝦意粉 ($208)😋好味指數：(6.5/10)試咗幾啖朋友嘅意粉，一共有4隻蝦，全部都好大隻😍食落口都幾彈牙，仲有小小膏😳不過意粉就比較普通，只係類似茄汁意粉，冇咩配料😚
點解叫意大利餐廳🤔？我都唔知，因為佢係咁寫😂
呢度要裝修好懷舊，入到去燈光昏暗，每一枱都有支蠟燭喺度🕯店員仲要係著住好整齊嘅西裝🤵🏻
今次同朋友嗌咗Set dinner，有餐湯同飲品😚
啲湯好稠，同朋友研究咗好耐到底係咩湯🤔(應該就係南瓜湯🎃) 一邊有啲煙肉碎喺度。 另外呢度啲牛油都幾得意，形狀就好似通粉咁， 不過略厭麵包烘得唔夠熱，所以搽牛油嘅時候有啲難融🤔
#燒牛柳 ($138)
😋好味指數：(7/10)
小編就嗌咗六成熟，朋友嗌咗五成熟。我哋兩份牛都係一份淋而一份比較韌😢應該因為係啲根位嚟🤔不過食落去肉味都幾香😚
另外佢嘅汁都幾得意，係蘑菇汁嚟嘅，有超多蘑菇係面😱
今次叫咗薯菜，係一舊薯蓉嚟嘅😆另外配紫椰菜，都幾特別😚
#西西里式大蝦意粉 ($208)
😋好味指數：(6.5/10)
試咗幾啖朋友嘅意粉，一共有4隻蝦，全部都好大隻😍食落口都幾彈牙，仲有小小膏😳
不過意粉就比較普通，只係類似茄汁意粉，冇咩配料😚
張貼
