影片
港鐵佐敦站 D 出口, 步行約4分鐘
繼續閱讀
電話號碼
23666424
營業時間
今日營業
11:30 - 23:45
星期一至日
11:30 - 23:45
公眾假期
11:30 - 23:45
公眾假期前夕
11:30 - 23:45
以上資料只供參考, 請與餐廳確認詳情
食評 (396)
📍 Tivoli 意大利餐廳 (佐敦)佐敦柯士甸道130號地舖👉ROAST TENDERLOIN😋😋😋😋.8/5呢塊烤牛肉真係好嫩，外脆內滑，肉汁豐富，搭配埋特製醬汁，更加提升咗味道，食完真係唔想停口！👉是日餐湯呢碗南瓜濃湯滑得嚟又香濃，南瓜嘅甜味好突出，配埋少少香草，飲落去好暖心，冬天必試！👉Lemon Tea呢杯檸檬茶酸甜適中，檸檬味清新，仲有啲茶香，飲完可以消暑又提神，真係好舒服！回頭: yesYesyes!!!餐廳裝修勁有feel，而且環境好懷舊，但係價錢唔貴本身好早入座嘅時候冇人隔咗陣已經坐滿晒😆😆
繼續閱讀
呢個扒房好有歷史，每次經過都深深被門口嘅懷舊feel吸引左‼️門口窗邊仲可以見證住手工pizza嘅製作過程一入到去，整個氛圍好有老香港嘅感覺，並帶有另一種浪漫感❤️嚟到當然要食「燒牛柳餐」，先有welcome bread，如果個法包可以bake一bake，脆口會更好！「南瓜忌廉湯」呢個湯就正正常常～～「燒牛柳」有三大塊牛柳，肉質係軟腍有彈性，配上傳統嘅蕃茄蘑菇汁，好有英式風味，薯蓉亦好加分，唔係用薯粉開的，質感細滑帶有薯粒的😋
繼續閱讀
今日就同朋友去左Tivoli意大利餐廳餐廳由1979開業至今, 環境好有氛圍, 每枱仲有真既蠟燭放喺枱上, 超級浪漫晚市套餐都有幾款唔同選擇除咗主菜之外，仲有即日餐湯同餐飲餐湯好creamy, 濃稠度岩岩好, 仲有超多蘑菇粒, 飲完即刻暖笠笠主菜份量超大, 五成熟牛肉火候啱啱好, 肉質腍身, 好容易就可以切開, 加上經典蒜蓉蘑菇汁, 咬落好Juicy 旁邊放左蘑菇, 蕃茄, 薯蓉等配菜, 全部都好夾, 薯蓉入面仲有薯仔粒增加口感, 另有紫椰菜可以清一清個口腔
繼續閱讀
最近同朋友去咗尖沙咀 Tivoli 意大利餐廳歎餐晚飯，間餐廳喺尖沙咀漆咸道南，環境幾企理，個裝修好舒適，啲枱櫈間距都幾闊落，又有蠟燭燭光晚餐。四個人嘅套餐仲要可以升級包埋咖啡或者茶，人均二百六十幾蚊，真係幾抵食。一開始上嘅係忌廉餐湯，個湯質地香滑，熱辣辣咁好開胃。佢嗰個忌廉餐湯唔會太漏，多材料，啲忌廉味香濃但又唔會太肥膩，飲落去暖笠笠。雜菜湯嘅賣相幾清新，裡面有紅蘿蔔、西芹、洋蔥同薯仔等，啲菜切得唔會太大，好入味，湯底清甜！蒜蓉飽就香口靚仔，個包烤到金黃香脆，蒜蓉牛油香味撲鼻。個飽夠晒熱辣，掂飽邊會聽到好靚嘅「卡嚓」聲，蒜蓉牛油味香而唔嗆。白菌牛柳係主打菜式，牛柳嘅火候掌握得好好。個牛柳切開嗰陣仲係粉紅色嘅肉，熟度啱啱好，肉質軟嫩多汁。配埋香濃嘅野生蘑菇醬汁，個味道層次豐富，食落去好滿足。跟住上菜嘅係菠菜煙肉蛋麵，啲蛋同意粉一撈就變得好滑，配埋香口嘅煙肉同清甜嘅菠菜，味道層次豐富。意粉嘅軟硬度啱啱好，仲要帶住啲微微嘅韌性。海鮮薄餅嘅餅底做得幾好，薄薄脆脆，配料新鮮。啲海鮮冇腥味，配埋香濃芝士同蕃茄醬，好開胃。薄餅邊緣仲要烤到金黃香脆，食落去真係幾過癮。田園沙律啲生菜同水果都幾新鮮，配料有草莓、藍莓、香蕉、提子等，配埋佢哋嘅汁，都幾開胃。最後仲有咖啡或茶收尾，我叫咗檸檬茶檸檬水做到一個完美嘅句號。整體嚟講，Tivoli 嘅出品水準幾穩定，啲嘢食份量都算充足，價錢又抵食。如果想搵個地方同朋友慢慢傾偈歎餐意大利菜，呢度都係一個唔錯嘅選擇。其他MENU
繼續閱讀
今次黎到呢間懷舊西餐廳食飯整個氛圍都好古典見佢由1979年到而家都屹立不倒仲見到好多熟客光顧就黎試下佢有咩過人之處我地叫左個牛柳餐🐮晚上七點半結帳做到$118 感覺好抵食😆一坐底 店員會為你點亮餐枱上既紅蠟燭🕯️即刻有個浪漫既氛圍然後上左麵包同餐湯做前菜🍞南瓜粟米湯🥣餐湯係南瓜粟米湯🎃🌽好食到材料既原味唔會落過多既調味料而且濃稠度都啱啱好飲落好舒服 好開胃Roast Tenderloin of beef牛柳熱辣辣出住煙咁上枱🥩伴隨住經典蒜茸蘑菇汁既香味🍄🟫超吸引 份量好大份 三塊牛柳今次叫左7成熟外面焦脆內裡軟腍而且火侯掌握得好好好輕易就切得開 唔會乾又唔會血淋淋配菜都好夾塊牛柳薯茸入面有薯粒🥔有口感有層次牛油味唔會太重配埋牛柳一齊食都唔會搶左牛味仲配有紫椰菜🥬可以清潔下口腔既味道令我每一啖都可以食到好香既牛味係好好食既牛柳餐！最後叫埋兩杯凍檸茶結束今晚晚餐🍋🍹整體餐廳氣氛好好 好浪漫希望呢啲老字號可以長做長有啦！
繼續閱讀