Tivoli 意大利餐廳

營業中

休息中

屋企人介紹呢間食牛扒，好好味，製作好用心，所以今日一家人黎食。餐廳環境好有氣氛，職員服務好好，果然係老字號牛扒餐廳，侍應好用心講解餐牌。一嚟到已送上熱辣辣嘅餐包，冇諗過餐飽到製作得咁好味。我哋嗰個都揀呢度嘅signature晚餐「燒牛柳」，$168好抵食，包咗餐湯同飲品。今日嘅餐湯係蘑菇忌廉湯，啱晒我，最鍾意。牛柳軟硬適中，鎖住肉汁，有質素，大份抵食。配上蘑菇汁，唔係剩係得汁仲有好多蘑菇；值得一讚佢哋嘅薯菜係自家製，非常之新鮮好味！！另外我哋叫咗兩杯Mocktail - “Summer Lover” 同 ”Fruit Paradise”，兩款賣相都非常之靚，要打一把卡先，好飲解渴！！令到呢餐更加完美！！十分滿意呢度嘅晚餐，會再嚟幫襯，因為非常之抵食同有質素，下次想試吓呢度嘅pizza。