影片
更多
2023-05-04
51 瀏覽
Bookmark咗呢間龍鳳呈祥火鍋雞煲好耐終於去到打卡🐲 火鍋雞煲平時食得多，但呢間真係好有特色，如果有朋友喺外國黎想體驗香港特色餐飲嘅絕對值得帶佢地黎試😚🌃 環境 (5/5)龍鳳呈祥火鍋雞煲店如其名，裝修格局同氣氛都非常有7-80年老香港嘅懷舊風味🇭🇰 懷舊白綠色格仔磁磚，紅色霓虹燈，綠色通花鐵閘，龍鳳聯婚背景，處處都係打卡位🤩餐廳除咗普通卡位同圓枱之外仲有一張兵乓波枱造型嘅大餐枱，好搞鬼😆 餐廳仲會播住懷舊經典粵語歌，真係好似時光倒流到老香港咁😚😋 食物 (4.5/5)🍗 招牌無骨鳳翼釀雞煲(細) $278🐮 龍鳳呈祥牛肉拼盤(細) $338🥟 經典沙嗲牛肉餃(6粒) $78🥬 豐盛雜菜拼盤 $128😋 鮮鮑魚 $98/ 2隻🍺 醇滑嘉士伯 $68/杯龍鳳呈祥火鍋雞煲有好多款唔同嘅特色雞煲，最正嘅係佢有款無骨鳳翼釀雞煲，啱晒我呢啲懶人😆 雞煲好多香料同配料，超惹味🔥 花生同沙嗲味極重，後勁帶有麻辣味，好正🌶️ 雞翼起晒骨，再釀入墨魚滑，蘿蔔粒，咬落爽口又彈牙，加埋濃郁嘅雞煲醬食到停唔到口😛雞煲食到咁上下店員就會幫你加湯邊火鍋🍲 佢地好有誠意，火鍋湯底真係加雞湯/ 豬骨湯，唔會加滾水咁
🌃 環境 (5/5)
龍鳳呈祥火鍋雞煲店如其名，裝修格局同氣氛都非常有7-80年老香港嘅懷舊風味🇭🇰 懷舊白綠色格仔磁磚，紅色霓虹燈，綠色通花鐵閘，龍鳳聯婚背景，處處都係打卡位🤩
餐廳除咗普通卡位同圓枱之外仲有一張兵乓波枱造型嘅大餐枱，好搞鬼😆 餐廳仲會播住懷舊經典粵語歌，真係好似時光倒流到老香港咁😚
😋 食物 (4.5/5)
🍗 招牌無骨鳳翼釀雞煲(細) $278
🐮 龍鳳呈祥牛肉拼盤(細) $338
🥟 經典沙嗲牛肉餃(6粒) $78
🥬 豐盛雜菜拼盤 $128
😋 鮮鮑魚 $98/ 2隻
🍺 醇滑嘉士伯 $68/杯
龍鳳呈祥火鍋雞煲有好多款唔同嘅特色雞煲，最正嘅係佢有款無骨鳳翼釀雞煲，啱晒我呢啲懶人😆
雞煲好多香料同配料，超惹味🔥 花生同沙嗲味極重，後勁帶有麻辣味，好正🌶️ 雞翼起晒骨，再釀入墨魚滑，蘿蔔粒，咬落爽口又彈牙，加埋濃郁嘅雞煲醬食到停唔到口😛
雞煲食到咁上下店員就會幫你加湯邊火鍋🍲 佢地好有誠意，火鍋湯底真係加雞湯/ 豬骨湯，唔會加滾水咁hea👍🏻
牛肉拼盤有6款唔同嘅部位：牛肚，牛舌，牛肉粒，牛胸爽，雪花肥牛同牛頸脊🐮 其中牛胸爽比較少見😮 佢係牛胸前肋骨嘅一塊脂肪，輕輕淥十幾秒就食得，食落幾爽口，牛香味同牛脂感都好重，幾特別～
經典沙嗲牛肉餃幾有驚喜，本身個湯底已經好夠味，膽估唔到粒餃嘅沙嗲味可以更加濃🥜 沙嗲嘅花生味好香又甜甜地，味道唔錯，唯一可惜嘅係沙嗲太勁令到牛肉味唔係好出🙈
雜菜拼盤賣相好有心思，用充滿港式風味嘅花花鐵碗裝住各式各樣嘅菜🥬 上面再用竹籤插住心型白蘿蔔同番茄片，打卡一流🍅 呢個拼盤嘅菜夠晒新鮮，仲有我打邊爐最鍾意食嘅食娃娃菜同皇帝菜🥰 白蘿蔔片煮到完全吸晒個湯汁，味道好甜，好好食😋
我哋仲加咗一份鮮鮑魚🤩 一份兩隻鮮鮑魚超大隻，食落幾有咬口又唔會腥，好滿足❤️
最後，打邊爐點少得啤啤佢呢🍺 食啖雞煲飲啖啤酒，爽啊🍻
💰 價錢 (4/5)
Average price $600/pp
今次我哋得兩個黎食，而且我哋一時興奮嗌得太豐富，人均價錢會高啲🤣 呢間咁有特色嘅火鍋雞煲最適合一班朋友黎食，如果4個或以上黎食估計人均應該大約$4-500， 絕對物有所值😛
張貼
