龍鳳呈祥火鍋雞煲

龍鳳呈祥，位於尖沙咀既出名港式雞煲店🐔距離地鐵站1分鐘，晚市超爆排晒隊，真係記住要Book位😂Sell懷舊路線，裝修、音樂、擺設都氣氛一流👍🏻食物選擇超多而好有特色日本廣島蠔雞煲，係你面前翻炒好香，大肥美既蠔實在太吸引😌即食，好濃蠔味，加埋雞煲汁勁惹味😘食雞件，肉質都幾嫩滑，醬汁係入味既，枝竹同雞髀菇都好正，吸晒汁😋加左水魷魚同芋絲，港式雞煲識食標配，享受大升級，好爽🤤龍鳳呈祥牛肉拼盤(細)，細既份量都好大，好多唔同部位，金錢展大大塊口感幾好，牛肉粒牛味濃有咬口，手切牛肥美相當好味🫨牛舌片濃味，配湯汁好味😋沙爹牛肉餃，港式味道，濃味有特色既餃，唔錯👍🏻大大盤豆苗，好嫩，冬天打邊爐既福音😆生啤Stella定藍妹都無得輸🍻龍鳳呈祥就係正🐲食材高質服務又好，咁啱好多人生日，除咗播中式生日歌之外，上生日蛋糕嘅時候仲會拎住超大個壽字過嚟😂啱晒可以叫啲社恐朋友嚟玩吓😈佢雞煲、生蠔、牛肉都係必食，未食過真係要試試🤗…查看更多

仲未有秋涼嘅感覺不過天氣明顯已經冇咁熱啦，咁就同朋友一齊嚟咗呢間火鍋店打邊爐🤣依家食午餐仲有啲優惠🤣$298「招牌無骨鳳翼釀雞煲」：將雞翼去骨後填入餡料包括墨魚滑、紅蘿蔔及其他蔬菜等製成嘅特色雞煲，雞翼啖啖肉唔使噒骨口感豐富，雞煲仲充滿濃郁的醬汁味，我哋揀咗《稍減調味（少雞煲醬）同埋 走辣》已經好夠味🤩食完雞煲加湯開始打邊爐，$62「手工粟米粒豬肉餃」：一共有6隻，隻隻都大大隻🤩，裏邊充滿豬肉仲有啲粟米粒，所以食落有少少爽口，好食🤣$388「龍鳳呈祥牛肉拼盤(細)」：包括有手切牛肉、牛肉粒、牛舌片、雪花肥牛、牛胸油、牛柏葉 等，全部都好牛味兼肉質軟熟🤣$138「新鮮龍躉腩片」：龍躉腩新鮮、好食、肉質夠滑，仲係厚切所以口感特別豐富🤣$138「龍鳳呈祥豐盛雜菜拼盤」：蔬菜有好多包括 白蘿蔔、黑木耳、蓮藕、娃娃菜、油麥菜、蕃茄、菜心、粟米 、生菜 等，全部都夠新鮮😋$38「自家製鹹檸七」：轉咗要無糖可樂，凍冰冰嘅可口可樂加埋鹹檸檬飲落非常清新🤣；要咗兩杯一人一杯😁…查看更多

一入去已經好似返回70、80年代的感覺。連招牌都用霓虹燈做成，牆上貼滿好多70-80年代嘅舊poster、電話、唱片。仲有以前喺酒樓會見到嘅結婚龍鳳雕像。要熱水時，餐廳都會使用70-80年代的熱水壺。現場更大播70-80年代的懷舊香港經典歌曲。現在有客人生日，更會播福壽歌同比個壽字你幫你去中式背景到影相。西班牙黑毛豬：播歌脂肪分布靚到像大理石紋，淥10秒即刻撈起，入口即化仲帶住果木香。同普通豬肉完全唔同層次，個肉汁甜到漏，點少少豉油已經夠晒吊味。必食推薦！無骨風翼釀雞煲：廚師手工了得！雞翼拆骨釀入西芹紅蘿蔔蝦膠，咬落「索索聲」又彈牙。食完熱辣辣嘅雞煲再放湯就可以打邊爐。龍鳳呈祥雜菜拼盤：擺盤精緻到唔捨得淥！有生菜、油麥菜，娃娃菜，蓮藕、白蘿蔔、蕃茄、粟米、金菇及雲耳。全部蔬菜都非常新鮮最下面綠色蔬菜竟然塞到成個盤都滿晒，非常足料龍鳳呈祥牛肉拼盤：一次過試勻本地手切牛肉，顶级雪花牛肉，南非和牛金錢𦟌，牛舌片，骰子牛肉粒，牛胸尖共6款。牛味濃到像在草原奔跑，淥耐啲都唔韌，抵讚！自家製陳年鹹檸七：打邊爐絕配！鹹檸檬醃到黑過墨汁，一啜落去鹹、酸、甜完美平衡，仲有陣陳皮香。夠氣夠冰，解膩一流，飲完成個胃順返晒！最緊要係小時候嘅味道。…查看更多

懷舊老香港火鍋店，淨係個門面都已經覺得返左去70,80年代，入到去餐廳仲更加feel到個陣口舊香港風，播住D舊歌加埋個氣氛同裝修簡直就以為穿越左返左幾十年前咁期間限定 - 秘製榴槤雞煲 $268雞煲可以自選多醬少醬同辣度，半隻雞嘅雞件都唔少，揀左榴槤雞煲真係有兩大舊榴槤撈埋落個雞煲到。辣度揀左少辣容易接受到，個榴槤同辣味都好濃香，見到有唔少香料同辣椒唔怪知愈滾愈香食雞煲食到咁上下加埋個湯入去打邊爐，個湯底都唔會因為加左湯而變得太淡。龍鳳呈祥牛肉拼盤(細) $388牛肉拼盤一大盤有6個唔同部位嘅牛肉幾抵食，雪花感都夠多，肉香得黎幾有油香，正的！龍鳳呈祥豐盛雜菜拼盤 $138用左個好靚嘅杯裝D蔬菜，個份量非常多。芋絲 $32另外無叫粉麵，反而叫左芋絲，吸到湯之餘食落又爽彈D柚子蜜涼拌白玉苦瓜 $48就咁食好好食，白苦瓜加埋柚子蜜又幾香，一D都唔苦仲要有陣陣柚子甜味椒鹽鱔骨 $108起左肉一舊舊炸得夠脆，個鱔肉好彈牙好鮮同埋椒鹽個味夠多好好食自家製陳年鹹檸七 $38個杯幾搞笑，用左以前D紅色膠水杯幾有特色，一大粒鹹柑桔加埋D可樂幾好飲。…查看更多

就咁聽餐廳名已經覺得好有氣氛，位於尖沙咀嘅龍鳳呈祥雞煲火鍋專門店。豐富嘅室內設計，每個角落都花盡心思，有老香港特色情懷。招牌無骨鳳翼釀雞煲非常創新嘅雞煲，味道濃淡適中，唔會愈食愈口渴，花椒八角洋蔥芫茜樣樣嘅香氣都好配合，最好重點係用去骨墨魚滑釀雞翼去代替普通雞件，就最啱啖啖內嘅人去食，雞油同底料味完全滲入墨魚滑。真係好好食。龍鳳呈祥牛肉拼盤一個大包圍嘅組合，多個部位都可以食到，各個部位都有唔同肉味同口感，整體來講都係高質嘅牛肉，食落唔會有雪味同埋肉質係靚嘅。兩個人食份量亦都算抵食。龍鳳呈祥手打鮮蝦丸（6粒）蝦丸口感夠哂彈牙，味道方面海鮮味相對之前嘅墨魚滑更加濃，所以食落嘅感覺完全唔同。牛骨濃汁牛丸（6粒）超級爆汁嘅牛丸，食嘅時候真係要小心熱，牛丸夠彈牙之餘，濃汁個陣牛油脂味又可以俾到滑嘅口感。魚皮餃（6粒）個人最愛，火鍋必食。size 夠大粒好滿足。龍鳳呈祥雜菜拼盤賣相極打卡嘅蔬菜籃，好有老香港嘅風格。嘅材料又塞到滿一滿真係夠晒抵食。自家製陳年鹹檸七清熱順喉，鹹酸甜嘅味道消滯解油膩之餘，又有夠哂解渴。…查看更多