龍鳳呈祥火鍋雞煲

一入去已經好似返回70、80年代的感覺。連招牌都用霓虹燈做成，牆上貼滿好多70-80年代嘅舊poster、電話、唱片。仲有以前喺酒樓會見到嘅結婚龍鳳雕像。要熱水時，餐廳都會使用70-80年代的熱水壺。現場更大播70-80年代的懷舊香港經典歌曲。現在有客人生日，更會播福壽歌同比個壽字你幫你去中式背景到影相。西班牙黑毛豬：播歌脂肪分布靚到像大理石紋，淥10秒即刻撈起，入口即化仲帶住果木香。同普通豬肉完全唔同層次，個肉汁甜到漏，點少少豉油已經夠晒吊味。必食推薦！無骨風翼釀雞煲：廚師手工了得！雞翼拆骨釀入西芹紅蘿蔔蝦膠，咬落「索索聲」又彈牙。食完熱辣辣嘅雞煲再放湯就可以打邊爐。龍鳳呈祥雜菜拼盤：擺盤精緻到唔捨得淥！有生菜、油麥菜，娃娃菜，蓮藕、白蘿蔔、蕃茄、粟米、金菇及雲耳。全部蔬菜都非常新鮮最下面綠色蔬菜竟然塞到成個盤都滿晒，非常足料龍鳳呈祥牛肉拼盤：一次過試勻本地手切牛肉，顶级雪花牛肉，南非和牛金錢𦟌，牛舌片，骰子牛肉粒，牛胸尖共6款。牛味濃到像在草原奔跑，淥耐啲都唔韌，抵讚！自家製陳年鹹檸七：打邊爐絕配！鹹檸檬醃到黑過墨汁，一啜落去鹹、酸、甜完美平衡，仲有陣陳皮香。夠氣夠冰，解膩一流，飲完成個胃順返晒！最緊要係小時候嘅味道。…查看更多

懷舊老香港火鍋店，淨係個門面都已經覺得返左去70,80年代，入到去餐廳仲更加feel到個陣口舊香港風，播住D舊歌加埋個氣氛同裝修簡直就以為穿越左返左幾十年前咁期間限定 - 秘製榴槤雞煲 $268雞煲可以自選多醬少醬同辣度，半隻雞嘅雞件都唔少，揀左榴槤雞煲真係有兩大舊榴槤撈埋落個雞煲到。辣度揀左少辣容易接受到，個榴槤同辣味都好濃香，見到有唔少香料同辣椒唔怪知愈滾愈香食雞煲食到咁上下加埋個湯入去打邊爐，個湯底都唔會因為加左湯而變得太淡。龍鳳呈祥牛肉拼盤(細) $388牛肉拼盤一大盤有6個唔同部位嘅牛肉幾抵食，雪花感都夠多，肉香得黎幾有油香，正的！龍鳳呈祥豐盛雜菜拼盤 $138用左個好靚嘅杯裝D蔬菜，個份量非常多。芋絲 $32另外無叫粉麵，反而叫左芋絲，吸到湯之餘食落又爽彈D柚子蜜涼拌白玉苦瓜 $48就咁食好好食，白苦瓜加埋柚子蜜又幾香，一D都唔苦仲要有陣陣柚子甜味椒鹽鱔骨 $108起左肉一舊舊炸得夠脆，個鱔肉好彈牙好鮮同埋椒鹽個味夠多好好食自家製陳年鹹檸七 $38個杯幾搞笑，用左以前D紅色膠水杯幾有特色，一大粒鹹柑桔加埋D可樂幾好飲。…查看更多

就咁聽餐廳名已經覺得好有氣氛，位於尖沙咀嘅龍鳳呈祥雞煲火鍋專門店。豐富嘅室內設計，每個角落都花盡心思，有老香港特色情懷。招牌無骨鳳翼釀雞煲非常創新嘅雞煲，味道濃淡適中，唔會愈食愈口渴，花椒八角洋蔥芫茜樣樣嘅香氣都好配合，最好重點係用去骨墨魚滑釀雞翼去代替普通雞件，就最啱啖啖內嘅人去食，雞油同底料味完全滲入墨魚滑。真係好好食。龍鳳呈祥牛肉拼盤一個大包圍嘅組合，多個部位都可以食到，各個部位都有唔同肉味同口感，整體來講都係高質嘅牛肉，食落唔會有雪味同埋肉質係靚嘅。兩個人食份量亦都算抵食。龍鳳呈祥手打鮮蝦丸（6粒）蝦丸口感夠哂彈牙，味道方面海鮮味相對之前嘅墨魚滑更加濃，所以食落嘅感覺完全唔同。牛骨濃汁牛丸（6粒）超級爆汁嘅牛丸，食嘅時候真係要小心熱，牛丸夠彈牙之餘，濃汁個陣牛油脂味又可以俾到滑嘅口感。魚皮餃（6粒）個人最愛，火鍋必食。size 夠大粒好滿足。龍鳳呈祥雜菜拼盤賣相極打卡嘅蔬菜籃，好有老香港嘅風格。嘅材料又塞到滿一滿真係夠晒抵食。自家製陳年鹹檸七清熱順喉，鹹酸甜嘅味道消滯解油膩之餘，又有夠哂解渴。…查看更多

最近同朋友想搵個地方食火鍋，仲要係有特色既地方！上網見到好多人提到「龍鳳呈祥雞煲火鍋」，話係復古風設計，滿滿七八十年代既懷舊feel，仲有秘製榴槤雞煲，作為一個榴槤控，點忍得住吾去試？😋 餐廳由裝修到餐具都係濃濃既復古風，牆上有老香港既霓虹燈招牌，播住懷舊廣東歌，仲有個婚禮舞台，隨手一影就係社交平台打卡點，氣氛岩晒我胃口！.秘製榴槤雞煲 半隻 $268主角登場！秘製榴槤雞煲真心係今晚既亮點！半隻雞煲份量多到誇張，砂煲入面有腐竹、洋蔥、芫荽、辣椒，滿滿既雞煲醬裹住雞肉，香到不得了！😍 上面仲放左成堆榴槤肉，店員會幫手將榴槤同雞煲撈勻，再煮一陣，入口係濃濃既雞香同微微既榴槤果香，辣辣地又好夾，估吾到兩種味道咁合拍！食完雞煲仲可以加高湯打邊爐，簡直係一鍋兩食，抵到爆！🔥.龍鳳呈祥牛肉拼盤細 $388牛肉控有福啦！拼盤有牛舌片、牛肉粒、雪花肥牛、手切牛肉、牛胸尖同牛頸脊，每款都新鮮到飛起！😋 牛舌片爽脆、雪花肥牛入口即化，手切牛肉同牛頸脊咬落好有嚼勁，沾點雞煲湯汁一齊食，簡直係人間美味！份量都好足，2人share都夠晒滿足.手工韭菜豬肉餃 $62作為餃子控，點會吾試下手韭菜豬肉餃？即叫即包，餃皮薄到透光，入面滿滿既韭菜同豬肉，肉眼見到綠油油既韭菜好新鮮！😍 豬肉肥瘦岩岩好，咬落汁水豐富，味道濃而不膩，真心推介比餃子迷，食完一個想再食十個！🥟.醬爆芝士腸 $38一碟有16條，份量多到傻眼！😳 芝士腸外脆內軟，芝士爆漿感一流！.香脆厚切午餐肉 $68切得厚身，煎到外層香脆，內裡仲保持軟嫩口感，單食已經好正，浸落火鍋湯底食更加係另一種滋味！😋.龍鳳呈祥雜菜拼盤 $138雜菜拼盤真心有心思，擺盤靚到似藝術品！有油麥菜、生菜、金菇、娃娃菜、黑木耳同淮山，仲有蘿蔔同蕃茄砌成心型，影相一流！🥗 蔬菜新鮮爽脆，食落清甜又健康！.出前一丁 $28出前一丁用火鍋湯汁拌成撈麵，簡直係神來之筆！麵條吸滿湯汁既濃香，入口彈牙又夠味，每啖都係滿足感！😍 .自家製陳年鹹檸七/無糖可樂 $38味道真心濃郁，酸酸甜甜好解膩！仲有買三送一優惠，幾抵！無糖可樂清爽，配火鍋岩岩好，飲完真係舒服到飛起！🥤…查看更多

我完全冇諗過自家製陳年鹹檸七配小辣的日本廣島蠔雞煲係咁夾😋誠意推介大家嚟食佢嘅雞煲，真心正! 今次我同朋友就嚟到位於尖沙咀上樓嘅龍鳳呈祥餐廳，係一間主打70-80年代懷舊主題火鍋店(啱我80後)，仲可以一路食火鍋聽到好多七八十年代嘅音樂，例如張國榮、葉倩文、劉德華等經典歌曲，仲有好多打卡位，中間仲有個龍鳳好啱擺酒招待賓客。 皇牌雞煲有多款特色口味，如「秘製鹹蛋黃醬雞煲」、「招牌無骨鳳翼釀雞煲」及期間限定「秘製榴槤雞煲」等，由於我最鍾意食蠔，叫了日本廣島蠔雞煲(約4隻蠔）另加50蚊可多半隻雞)一個雞煲嘅分量已經足夠兩至三個人享用，味道啱啱好，又做到掛汁嘅效果。而雞煲嘅雞肉好滑溜，即使連胸肉都好好味😘😘 食火煱怎少得牛肉，雞煲食完之後再加返上湯去食火鍋，另一款係龍鳳呈祥牛肉拼盤(細) 有牛舌片、手切牛肉、牛胸尖、牛金錢展、牛肉粒、雪花肥牛等，當中嘅牛金錢展最為出色，重牛味! 而牛胸尖好油潤味濃，而四方牛肉粒煮過後都唔會鞋。 .身為芫茜紅嘅我，叫左手打海量芫荽墨魚丸，墨魚丸非常新鮮有彈牙，好重芫茜味!而豐盛雜菜拼盤，就好似一束鮮花噉，菜分量多，足夠多人享用。 ⭐飲品方面，必試「自家制陳年鹹檸七」 我認為陳年嘅分別就係，夠鹹! 夠鮮! 會上有氣雪碧，會令人飲上癮! 唔咳叫多罐汽水唔好嘥😂😂 …查看更多

尖沙咀有間懷舊火鍋店，唔知你哋又知唔知❓龍鳳呈祥🐲餐廳充滿7，80年代裝修風格，設有超多打卡位，直係好經典咖，記得一定要book 位，長期都好full ☺️🔺日本廣島蠔雞煲呢個雞煲超足料，未食已經聞到好香，自家製雞煲醬超級濃郁，每件雞肉都沾滿晒醬汁，廣島蠔好大隻，吸晒醬汁精華，加入大量紫洋蔥，洋蔥，雞脾菇等，非常惹味👌🏻🔺龍鳳呈祥牛肉拼盤(細)呢個拼盤乜都有啲，滿足曬你需求，本地手切牛肉，頂級雪花牛肉，牛舌片，骰仔牛肉粒，牛胸尖，牛肉味道濃郁，油花均勻，正啊✔️🔺龍鳳呈祥雜菜拼盤呢個蔬菜拼盤好靚，有齊生菜，油麥菜，娃娃菜，蕃茄，粟米，淮山，金菇，木耳，蓮藕，仲要每款份量都好多，最鍾意浸落個湯底索晒啲汁🤤🔺自家製即炸響鈴響鈴比平時見到嘅份量更加大，即炸脆卜卜👏🏻🔺龍鳳呈祥丸餃拼盤好可愛擺盤，手打鮮蝦丸，芫茜丸，鵪鶉蛋燒賣，沙嗲牛餃，最鍾意食芫荽丸，爆曬焰👍🏻🔺自家製陳年鹹檸七食完雞煲，飲返杯鹹檸七，爽啊🙌🏻…查看更多

好耐無食過雞煲🐔,嚟呢間好有舊香港味嘅餐廳食雞煲再打邊爐🫕!佢哋有好多款雞煲揀~我就揀咗呢款日本廣島蠔雞煲🦪,啲蠔大大粒好鮮味~佢個雞煲炒得好香,怕辣嘅我叫咗bb辣🌶,少少辣味更惹味~佢哋啲牛肉拼盤好吸引🐮~啲肉非常新鮮,而且有一定厚度🤏,食落口唔會一陣風咁🌬~除咗牛舌,我個人最鍾意個牛𦟌,有咬口又有肉香👍~另外個雜菜拼盤都好靚🥬~用個好有香港味道嘅mug裝住,非常夠玩味🤩~而且份量多又新鮮,兩個人食唔晒~佢哋杯陳年鹹檸七都好正🍋~用漱口mug嚟裝,真係香港味到底~我哋仲叫咗少少火鍋料🍡~食完雞煲加啲湯打邊爐好夠味,不過油咗少少~但雞煲味道真係無得彈😋,同成班朋友嚟飲啤酒食雞煲啱晒~…查看更多

呢間邊爐鋪主打一個香港懷舊風，一面大大嘅龍鳳牆就已經感覺到舊派酒樓嘅氣勢🤩 成間鋪頭裝修都係走一個舊式香港風，周圍都見到好多舊時香港嘅物品，成個Fᴇᴇʟ都好正😌（細）招牌無骨鳳翼釀雞煲 $298我哋叫咗BB辣，個底係非常濃稠，每隻雞翼入邊除咗雞肉外，仲釀咗墨魚滑！🤯 好食到痴線，惹味嘅雞煲醬再加埋啖啖肉，巨癲❗️成煲嘢都係主角嚟，配料都變主角，枝竹啊雞髀菇啊洋蔥果啲，越煮越辣，越食越入味🤤龍鳳呈祥牛肉拼盤（細） $388一盤有齊好多部位，有本地手切牛肉、頂級雪花牛肉、南非和牛金錢𦟌、牛舌片、骰子牛肉粒，同埋比較少食到嘅牛胸尖，每款都有4-5件不等，手切牛牛味最濃，雪花肥牛最滑，牛舌片最爽😚龍鳳呈祥雜菜拼盤 $138個Pʀᴇsᴇɴᴛᴀᴛɪᴏɴ真係不得了，成束花咁🤣🤣 但入面都真係真材實料，有金菇，蘿蔔，蓮藕，蕃茄片，油麥菜，仲有比較少見嘅山藥，一直食都食唔哂🤣即製經典沙嗲牛肉餃 $88呢個必點‼️大推‼️ 一咬開，好似成碗極濃厚嘅沙嗲牛肉都係個口到大爆發，好食到要問店員有無生餃買走，你哋自己諗下叫唔叫啦😏😏懷舊蝦餃皇 $48邊個會諗到蝦餃都可以用嚟打邊爐，佢呢款邊爐用嘅蝦餃皮係同普通蝦餃唔同嘅，佢會軟糯好多，但個味道同普通蝦餃係一模一樣，仲要係屬於好好味嘅蝦餃，蝦肉又夠大夠爽，必點Aɢᴀɪɴ‼️自家製陳年鹹檸七 $38鹹檸七就好多地方有得飲，呢到特別在係用漱口盅上😂 仲可以揀可樂或者七喜，可樂又真係另一番風味😆…查看更多

裝修超級懷舊，歌曲都係舊時代🎶每個角落都有唔同嘅裝飾品，非常有氣氛🎶🎤〽️日本廣島蠔雞煲🍲一上枱已經有香味了，廣島蠔肥美飽滿，鮮味十足，雞件滑嫩，吸收了蠔的鮮香與煲底的醬汁精華。湯底濃郁卻不膩，而且入面仲有洋蔥，菇，支竹😛😛😛自家製炸魚皮入口酥脆，完全唔油膩，可以就咁食或者放入湯3秒，更添層次龍鳳呈祥牛肉拼盤（細）🥩整體份量都多，拼盤嘅好處係可以一次過食唔同款式，今次嘅拼盤就有六款，當中最鍾意本地手切牛肉，牛肉切片厚薄適中，肉質鮮嫩 鬼馬滑雙拼「鬼馬」之名果然名副其實😍😍😍墨魚滑口感爽脆彈牙，鮮味濃郁，咬下去能感受到墨魚粒的實在感。蝦滑細膩滑順，入口鮮甜，蝦味突出，海鮮愛好者的必點之選龍鳳呈祥雜菜拼盤色彩繽紛，蔬菜新鮮，而且種類好多，仲有淮山、蘿、蕃茄等等，整體口感更有層次，既有清新感，又有飽足感自家製陳年鹹檸七🥤🥤🥤鹹檸味道濃郁但不過鹹龍鳳呈祥火鍋雞煲 (尖沙咀)尖沙咀加拿芬道16號金輝大廈2樓…查看更多

🔹️今次到尖沙咀 “龍鳳呈祥火鍋雞煲” 食火鍋🫕 店內以特式傳統情懷装修, 播放着懷舊經典歌曲🎶🎵 環境舒適衛生🤠 食物種類多🧐食材優質👍 服務稱心🧑‍💼👩🏻‍💼 價錢合宜💰🔸️雙雞煲🐔🥘三黃雞田雞煲三黃雞味道鮮美、肉質細嫩、皮薄脆口, 骨細味濃🥢 田雞味道鮮香甘甜、口感嫩滑有彈性, 配上香口芫茜、惹味洋蔥、 秘製醬汁Yummy😋🔸️龍鳳呈祥牛肉拼盤（細）🥩本地手切牛肉 ~ 濃郁牛肉味、豐盈油香、肉質細緻軟滑, 味道鮮甜🥢頂級雪花牛肉 ~ 味道鮮嫩多汁、口感順滑、肉味香濃, 脂肪與瘦肉交織如雪花般, 絕不油膩🥩南非和牛金錢 ~ 肉質細膩、油花均勻、分布細密, 味道鮮甜, 口感脆彈👍牛舌片 ~ 味道濃郁、鮮美多汁、口感彈牙🤤骰子牛肉粒 ~ 口感Q彈、鮮嫩多汁充滿牛香🎲牛胸尖 ~ 油香十足, 口感軟嫩、含細緻油花😋🔸️龍鳳呈祥雜菜拼盤🥬🍲拼盤份量滿滿有：爽脆生菜、水潤多汁油麥菜、清甜可口娃娃菜、鮮嫩蕃茄、粉甜蓮藕、清甜白蘿蔔、甘香金菇、甘香粉糯淮山片、爽脆木耳、香甜栗米🌽🔸️龍鳳呈祥丸餃拼盤🧆🥟清香彈牙芫茜丸、滋味芝心旦旦燒賣、鮮香彈牙蝦丸、惹味沙嗲牛肉餃🥟🔸️山水滑豆腐 🥧豆腐幼滑香嫩、充滿豆香, 啖啖滋味👍🔸️爽滑豬潤🐷豬潤味道鮮美回甘、粉嫩嫩滑, 口感細緻, 入口爽滑😋🔸️自家製陳年鹹檸七🍹味道甜中帶鹹、冰涼清爽、解渴潤喉👍…查看更多

上網留意到呢間火鍋店嘅裝修好特別，充滿70至80年代嘅裝修風格，好有懷舊嘅感覺，晚市時間都坐滿晒人，建議大家嚟之前先book定枱！🐓招牌無骨鳳翼釀雞煲（細）雞煲有好多款揀，每款都好吸引🤩，最後揀咗呢款好似糯米飯包雞翼嗰種雞嘅口感，有得揀稍減調味（少雖煲醬），一上枱已經見到個醬汁好正！入面有多種香料同埋八角嘅味道👅，揀左BB辣，食落好惹味！連啲洋蔥同芫荽索完個汁之後都好好味🤤。雞肉口感都幾軟嫩入面仲包住d雜菜粒。🥩龍鳳呈祥牛肉拼盤（細）呢個拼盤好豐富，有本地手切牛肉，頂級雪花牛肉，南非和牛金錢𦟌，牛舌片，骰子牛肉粒，牛胸尖共6款。每款牛都入口好新鮮同埋充滿濃郁嘅牛味。蔬菜🥬：水蓮，my favourite 🤩 ！賣相好翠綠，煮完之後入口好爽脆，加上索晒啲雞煲嘅湯汁之後食落更juice!🥬🍅龍鳳呈祥雜菜拼盤🥒超級大盤嘅蔬菜拼盤！蔬菜種類好多，多到食咗我成個星期嘅菜量🫢🥟龍鳳呈祥丸餃拼盤最欣賞佢個花枝丸，口感夠晒彈牙又有花枝粒！餃子就個肉餡好香！🥤自家製陳年鹹檸七配可樂職員用個紅色嘅膠杯裝住粒鹹檸，咁樣飲法必有一番風味😆！好夠鹹的鹹檸配可樂，解辣一流💯💯…查看更多

呢間主打70-80年代懷舊風嘅雞煲火鍋店，真係由裝修到氣氛都充滿舊香港味道～ 店內唔止有得食多款勁惹味雞煲，仲設有多個打卡位📸！其中最正係以龍鳳雕像做背景、模仿舊式婚宴嘅場景，一坐低就覺得自己穿越返去舊時，夠晒經典又好玩✨！今次叫咗佢哋嘅 秘製鹹蛋黃醬雞煲（半隻），鹹香濃郁，超級惹味😋！仲有唔少配料值得一試：• 龍鳳呈祥牛肉拼盤（細）：包括牛舌片、牛金錢𦟌、牛頸脊同牛肉粒，款款肉質鮮嫩，牛味香濃～ • 🧊 蜂巢冰豆腐：口感特別，滑得嚟又有咬口，吸盡湯汁超正！ • 🦐 鬼馬滑雙拼：墨魚滑＋蝦滑，鮮味彈牙，回味無窮～ • 🥬 龍鳳呈祥蔬菜拼盤：色彩豐富，打邊爐必備，健康又解膩！飲品方面，一定要飲自家製陳年鹹檸七🍋！清新解渴，而家仲有買一送一優惠，真係抵到爛～…查看更多

朋友外國回來，主要都想食中菜， 即時諗起這間經常來的 火鍋 雞煲。 經典懷舊香港風， 勁多影相打卡位。這裏最出名係雞煲，但我 特別鍾情於 椰子雞湯鍋。清熱椰子雞湯鍋砂鍋打邊爐真係好正， 鮮嫩肉厚的雞肉， 皮爽嫩滑， 黃油雞雞味真係濃， 加埋新鮮椰子粟米， 清熱清潤湯頭，真係好鮮味。龍呈祥牛肉拼盤(細)牛肉拼盤 豐盛配搭 ，牛展～ 牛脊肉～ 牛舌 ～牛胸爽 ～牛肉粒～ 最鍾意牛脊肉，肉味香濃肉質軟熟， 涮幾下已經食得。龍厦呈祥手打鮮蝦丸(8粒)+沙白蜆鮮蝦丸爽口彈牙， 沙白蜆 粒粒厚肉又冇沙， 烚完沙白蜆 ，記得飲啖湯真係好鮮甜。龍鳳呈祥雜菜拼盤蔬菜拼盤擺得好靚， 而且非常豐富， 樣樣都好新鮮， 心形蘿蔔好有feel， 仲有蕃茄～粟米 ～淮山～木耳～娃娃菜～油麥菜～生菜 ～南瓜。飲品方面 ，必點自家製陳年咸檸七，仲有Hoegaarden 夠曬冰凍舒爽。 假期夜晚就比較多人，星期六中午過來就最優悠， 慢慢食慢慢傾。…查看更多

作為一個榴槤控，突然又想食秘製榴槤雞煲，又約左friend一齊黎回味下🍽️。餐廳整體係濃濃既復古風，由餐具到裝修，由裡到外連擺設都好有年代感：有復古唱片機播緊七八十年代既廣東歌、仲有懷舊婚禮舞台，成間舖隨處都係打卡點，食飯之餘影相都好夠意思📸。.秘製榴槤雞煲 半隻 $268半隻雞煲份量真係多到驚人，用料好足，有腐竹、洋蔥、芫荽、辣椒等，全部被濃濃既雞煲醬包住，放係砂煲上熱住。鍋面上放左大量既榴槤肉，店員會幫手將榴槤同雞煲撈勻再煮多陣先食，入口係香濃又帶辣，仲夾帶一絲微微既榴槤果香！吃完仲可以加高湯變成打邊爐，食法又有變化，對榴槤迷黎講真係吾可以錯過既期間限定菜式😋🔥。.龍鳳呈祥牛肉拼盤 細 $388牛肉拼盤好豐富，包含雪花肥牛、手切牛肉、牛舌片、牛胸尖、牛肉粒、牛頸脊。每款切法同油花分佈都各有特色：雪花肥牛入口即化，手切牛肉同牛頸脊就肉味重d，又有咬口粒狀既牛肉粒夠彈牙。整體份量夠兩三個人share，煮落鍋吸晒湯底既精華，好滿足🥩..龍鳳呈祥雜菜拼盤 $138拼盤擺盤超有心思，鍾意食菜既朋友真係岩晒😍有生菜、油麥菜、黑木耳、金菇、娃娃菜、淮山，性價比高又健康。特別係蘿蔔同蕃茄仲砌成心型，好得意又打卡感十足❤️。雜菜新鮮，煮落湯入面吸收晒雞煲既味道，清爽中和左重口味既菜式。.自家製陳年鹹無糖可樂 $38果然係自家製既鹹檸風味，味道夠濃，帶陳年感既厚度，同一般可樂完全吾同，飲落吾會太甜，鹹檸既層次突出，係解膩既好幫手🥤。.香脆厚切午餐肉 $68午餐肉切得厚身，外層煎到香脆，入面仍然保留幾分juicy，有口感又夠香。即食已經好味，浸湯都吾響錯，係簡單但高回報既小食。.手工韭菜豬肉餃 $88即叫即包，上一次叫左小份，吾夠食，今次叫大份！有成8粒，餡料實淨，肉眼可見到綠油油既韭菜，豬肉吾會好肥，比例控制得好好。餃皮薄而有彈性，煮好之後每啖都有鮮甜同韭菜香，作為餃子控真心推薦👌。.出前一丁 $28出前一丁用湯汁拌勻做成撈麵，完全吸收晒湯底既精華，麵身入味、有彈性，係完美既收檔小吃，簡單但勁好食🍜。.醬爆芝士腸 $38一碟份量好足，有成16條芝士腸，外層醬爆帶微焦香，內裡芝士拉絲夠黏力，係小朋友或者芝士控既必點小食，share住食最抵食🧀.…查看更多

當晚在「龍鳳呈祥雞煲火鍋」的用餐體驗可謂驚喜連連。餐廳位於尖沙咀金輝大廈二樓，環境寬敞舒適，裝潢帶有濃厚港式風味，令人倍感親切。主打的雞煲（中辣）香氣撲鼻，辣度恰到好處，湯底濃郁而不膩，令人一試難忘。蒜頭、洋蔥、乾蔥、豆豉、辣椒等香料炒得火候十足，香味撲鼻，雞肉外焦內嫩，吸收晒醬汁精華，啖啖都係濃郁滋味。等到加湯變火鍋，精華滲入湯底，無論係打邊爐配料定飲湯，都係一絕。呢份龍鳳呈祥牛肉拼盤真係色香味俱全！多款切法，包括油花分布均勻嘅雪花牛、瘦身爽口嘅牛肩片，和牛粒、牛頸脊、牛胸爽，打邊爐一流。每片牛肉切得厚薄適中，入口嫩滑，湯底一滾即吸收精華，滋味無窮。服務方面，店員態度親切，落單迅速，整體用餐流程順暢。雖然加一後總價達到1328港元，但以食材質素與份量而言，性價比仍屬合理。若你是牛肉愛好者，這裡絕對值得一試。下次再訪，或許會挑戰大辣版本，感受更刺激的味蕾冒險。…查看更多