聖誕節book咗餐廳慶祝未呢🎄 如果未book餐廳嘅就一定要睇埋落去啦，有好介紹🥰


🌃 環境
銅鑼灣嘅Zeng位於Time Square附近嘅登龍街V Point 30樓～ Zeng坐擁270度維港無敵海景🌊 天氣涼涼哋坐outdoor真係好有feel㗎☺️ 室內環境好大，全部採用梳化座位夠曬舒適，難怪咁多人包場開party🎉


😋 食物
✨ Zeng Tasting Menu $998/pp ✨
今次試咗Zeng嘅Tasting menu，宜家餐廳做緊第二位半價優惠，快啲一齊黎享受視覺同味覺嘅盛宴🤩


🍽️ Appetizer 🍽️

😋 開胃小食
開胃小食無固定嘅菜式，為客人保留新鮮感😙 小食將鵪鶉蛋舖喺炸脆絲上面，整成鳥巢嘅樣，非常別緻🪹


🍣 三文魚刺身麵
Chef將三文魚刺身切成條狀，再放入冰碗裡面保持溫度，好似食冷麵咁🧊 冰碗出面仲圍咗一圈香草，賣相精緻🌿 三文魚撈咗胡麻醬，面頭放上三文魚籽，十分開胃🤤


🐮 紅酒燴牛尾肉配酥皮盒
🔥會噴火嘅牛尾酥皮盒🔥視覺效果一流🤩 紅酒牛尾肉質好腍夠入味，酥皮盒小巧玲瓏，兩個人share唔怕食滯😙


🥣 Soup 🥣

🥔 薯仔大蒜忌廉湯
薯仔忌廉湯好質地好thick，除咗有薯仔嘅甜味之外仲飲到大蒜🧄同各種香料味，一啲都唔馬虎👍🏻


🦞 龍蝦海鮮湯
龍蝦湯誠意十足，味道鹹鮮濃郁，真係好似食緊龍蝦咁🦞 湯裡面仲加咗車厘茄同其他海鮮，令味道更balance更有層次☺️


🍝 Starches 🍝

🍝 新鮮海膽伴帶子海鮮粒扁意粉
黎到主食環節，每一道菜都好有驚喜❤️‍🔥 新鮮海膽+帶子呢個combo一定唔會出錯😎 香甜嘅海膽汁均勻地沾滿每一條意粉，口感creamy，每一啖都好滋味😛


🌟 Main Courses🌟

🐟 西京燒黑鱈魚
黑鱈魚好厚肉，魚皮燒得焦脆🐟 底下魚肉肉質幼嫩，入口細膩油潤～ 面頭淋上白味噌高湯，淡淡嘅味噌味可以釣出魚鮮味，但又唔會喧賓奪主，配搭得好好👍🏻


🦆 匈牙利鴨胸伴藍莓紅酒醋汁
平時食鴨胸好怕韌，好彩呢度嘅鴨胸處理得just right😌 切開鴨胸裏面仍然帶少少粉紅，唔會過老，味道唔腥🦆 蘸少少藍莓紅酒醋汁中和鴨肉嘅油脂感，令鴨胸味道昇華😛


🍨 Dessert 🍨

🍫 朱古力心太熱配雪糕
Outdoor實在太chill啦，所以甜品轉咗出室外一路食一路飲嘢🥂 心太軟朱古力味濃厚，味道偏黑朱古力味唔會死甜🍫 加埋雪糕一冷一熱一啖食真係perfect match❤️‍🔥


🍾 Cocktails 🍾
除咗食物有水準之外，Zeng嘅cocktail都好高質🤩


🍸 Rosemary Orchard $128
偏fruity清新嘅Gin-based cocktail🍸 混合咗咗紅桑子，熱情果，菠蘿汁同青檸汁，飲落好refreshing🍍


🍶 Jap Jap $128
Jap Jap用咗日本清酒做base🍶 再加入綠茶🍵 同荔枝liqueur～ 清酒嘅米味同茶味令杯酒飲落非常有日本風情🇯🇵 酒身口感圓潤，酒精感唔會太重，幾特別👍🏻


🍹 Earl Grey Long Island $145
Long Island當然唔少嘢，雖然飲落甜身但酒精濃度好強🤪 Earl Grey infused gin令杯酒帶茶香，幾balanced🍹


🥂 Earl Grey Gin & Tonic $128
鍾意earl grey又唔想飲酒精咁強嘅可以試吓Earl Grey Gin & Tonic😚 Gin嘅草藥味同earl grey嘅茶味好夾㗎～


💰 價錢
Average price $1000/pp
品嚐美酒佳餚配上醉人嘅維港景色，have a perfect night 🥰🥂

要數香港最有特色最玩味嘅Cafe， Mamaday一定榜上有名🥳 Mamaday靠住搞鬼嘅菜式同有水準嘅食物質素喺短短幾年間開咗幾間分店，非常受歡迎😚 🌃 環境 今次就試咗尖沙咀分店GoodDay BadDay Mamaday😆 餐廳喺尖沙咀地鐵站B1出口附近，行3-4分鐘就到～ 餐廳裝修一貫Mamaday嘅作風，新潮又搞怪😆 好唔同嘅擺設同neon light可以打卡📸️ 😋 食物 🫕 瑞士名物芝士火鍋 $298 估唔到Mamaday都有得食芝士火鍋🧀️ 芝士火鍋配有薄牛扒🥩 大蝦🦐 西蘭花🥦 薯仔🥔 麵包粒🍞 好鬼豐富～ 芝士火鍋味道濃郁，食完已經飽咗一半🤣 🦀️ 蟹gogo甲羅燒龍蝦汁燉飯 $125 蟹全部都係蟹🦀️ 燉飯好creamy，蟹膏滿滿，撈勻一齊食好香口～ 面頭仲有成條蟹腳，賣相吸引🤩 🍕 點解個個都叫軟殼蟹比薩㗎(仲要有菠蘿) $145 呢個香港style自創pizza放咗大大隻軟殼蟹喺pizza上面，好搶鏡🍕 Pizza皮好薄，食落唔會好膩😚 上面仲有cheese同菠蘿等配料，味道唔錯👍🏻 🍟 薯薯薯薯薯條 (明太子) $48 薯條就正常發揮啦🍟 明太子醬另上，可以隨意轉換口味🤪 🍫 73.5% 朱古力 $48 呢個超IG-able嘅朱古力真係極邪惡😈 朱古力奶上面仲加咗cream同真。朱古力🍫 味道香甜可口，不過底層嘅朱古力奶香濃多少少就會更好🤏🏻 🍷 Sangria $96 Sangria甜甜酸酸好fruity，酒精味唔會太強，幾清新🍷 飲完仲可以食裏面嘅生果添🍓 💰 價錢 Average price $400/pp

尖沙咀都幾多抵食日本嘢😚 如果喺尖沙咀肚餓不妨可以去Heath慶方搵食😆 Heath慶方新裝修完之後進駐咗好多特色小店，其中呢間臻一鮨就好唔錯👍🏻 🌃 環境 臻一鮨喺重慶大廈隔離嘅Heath慶方裏面，位置好方便，一出地鐵站行1-2分鐘就到🤩 餐廳設計好和風，一入餐廳就見到張長吧檯，整體顏色以淺木色為主調🪵 餐廳座位大部份都係卡位，有私隱又坐得舒服😌 😋 食物 🍣 特上壽司盛八貫 $148 赤身吞拿魚｜三文魚｜油甘魚｜八爪魚 赤海老｜北寄貝｜帆立貝｜馬刀貝 鍾意食壽司又想咩都食啲嘅可以揀特上壽司盛🍣 魚料幾新鮮，油甘魚粉嫩肥美，帆立貝大大粒，赤海老好鮮甜，質素唔錯👍🏻 壽司飯偏大舊，味道較淡，如果酸返少少會更好🤏🏻 🍽️ 晚市二人餐 $328 🍽️ 🥗 田園沙律 🍣 三點刺身：三文魚/ 油甘魚/ 帆立貝 🍙 加州卷 🍗 日式炸雞塊 🍱 蟹籽鰻魚炒飯 🍺 飲品 - 啤酒+$28 當日超肚餓😆 所以嗌完壽司盛之後再加多個二人餐，食到飽一飽先走🤣 沙律一啲都唔hea，一大碗份量超多🥗 沙律菜夠新鮮爽脆，加埋沙律醋食好清新～ 三點刺身比壽司嘅魚料更厚身更大塊，食得開心😛 除咗刺身之外仲有加州卷，味道就正常發揮啦，呢個配搭都好穩陣嘅😚 食完生嘢就係時候食熱食啦😋 炸雞塊啖啖肉，一口size可以一啖一塊😛 炸雞炸漿幾薄，唔會食到成口粉🍗 最後仲有個主食蟹籽鰻魚炒飯，飽足感滿滿～ 二人套餐包兩杯餐飲，加$28仲可以轉做啤酒添🍻 💰 價錢 Average price $300/pp 以平民日本餐廳黎講質素都唔錯～ 套餐好豐富，性價比高🤩

入秋之後唔知點解成日想食燒肉😆🔥 燒肉黎講識食緊係食和牛啦🐮 今次去咗銅鑼灣YAKINIKU KAKURA呢間專食和牛嘅日式燒肉店，牛魔王必去🔥 🌃 環境 YAKINIKU KAKURA喺銅鑼灣世貿廣場隔離嘅Tower 535上面，同我之前介紹過嘅牡蠣酒場side by side😆 餐廳幾大，乾淨企理坐得闊落，無論兩個人定同三五知己一齊黎燒肉都得🔥 油煙味唔算好重，抽風系統都做得唔錯👍🏻 😋 食物 🥩 大判燒！黑毛和牛西冷 $178 必食推介😛 大判燒！黑毛和牛西冷色澤粉嫩，滿滿油花均勻分佈喺一大片西冷上🤩 店員會幫手燒西冷，確保和牛烹調時間just right👍🏻 西冷本身有燒肉汁，蘸上蛋漿，入口即溶，有啲sukiyaki嘅風味，超滿足❤️‍🔥 🍣 火炙黑毛和牛壽司 $58/件 食完大判燒之後店員就會幫手製作和牛壽司🥩 黑毛和牛依然肥美，夾埋壽司飯食可以中和油膩感～ 🐮 黑毛和牛腹柳小排 $148 食完大判燒同和牛壽司之後，其他肉肉就要自己燒啦😆 牛腹柳小排幾厚身，雖然油花多但食落依然有口感🐮 🔥 黑毛和牛上肋骨中肉 $198 牛肋骨中肉用一個日式陶瓷壺裝住，牛肉事先用咗面豉醬，洋蔥🧅 同蔥粒醃製調味🧂 一抽出黎成條肋骨肉咁燒🔥 牛肋肉質地厚實，牛味香濃惹味，正🥰 🦐 海鮮拼盤 $178 海鮮拼盤超豐富🤩 有海老🦐 帆立貝🐚 同烏賊🦑 海老超超超大隻而且好新鮮，完全唔洗多加調味，直接品嚐蝦嘅鮮甜😚 帆立貝用錫紙兜裝住，牛油燒融咗完全比帆立貝吸收，邪惡又好味🧈 烏賊口感爽彈，落少少檸檬汁已經好鮮味🦑 🐤 若鷄雞脛柳 $80 雞脛柳一啲都唔韌，肉質細嫩彈牙🐣 而且食落真係有雞味，唔錯👍🏻 🍇 巨峰提子乳酸梳打 $42 🍵 凍綠茶 $25 巨峰提子乳酸梳打酸酸甜甜🍇 凍綠茶健康又解膩🍵 🍮 甜品 (free) 餐廳仲送咗每人一客甜品😍 杏仁豆腐超有驚喜💕 杏仁好香而質地非常滑溜😛 雲尼拿雪米糍甜蜜蜜🥰 💰 價錢 Average price $500/pp 超高質和牛燒肉，價錢合理，好過食放題🤪

偷得浮生半日閒😚 喺鬧市中想享受片刻寧靜？不妨發掘一下樓上小店，放慢腳步感受一下悠閒嘅氣息🍵 🌃 環境 Groovy藏身於銅鑼灣富明街寶明大廈，大廈喺利舞臺對面～ 餐廳簡單企理又不失溫馨，餐枱上擺放咗乾花做點綴🌹 由窗口望出去可以俯瞰街上人來人往嘅景色☺️ 餐廳得一位大廚，菜式需要多少少時間處理，建議大家最好得閒嘅日子去chill😌 😋 食物 🍽️ Set Dinner 🍽️ 🥗 前菜 - 素食雜果沙律 🥣 是日濃湯 - 薯仔蒜頭香草湯 🐮 慢煮安格斯封門柳配炸薯條 $299 🐽 慢煮香料油封豬鞍配炸薯條 $288 🍮 意式奶凍佐雪糕 ☕️ 咖啡或茶 Weekend都有Set Dinner供應，每個set有4個course，包括前菜🥗 是日餐湯🥣 主菜🥩 甜品🍮 同餐茶☕️ 跟set嘅雜果沙律新鮮爽脆🥬 混合咗少量嘅乳酪汁同鮮果，食落酸酸甜甜好refreshing🥗 薯仔蒜頭香草湯誠意滿滿❤️ 飲得出好香嘅茴香味，薯仔打得好綿滑，質地濃厚🥔 Groovy有好幾款主菜都係慢煮菜式，慢工出細貨，要比啲耐性等待☺️ 慢煮安格斯封門柳比例均勻，唔會太肥太油膩🐮 慢煮牛肉呈半熟嘅粉紅色澤，生熟程度啱啱好～ 牛肉味香濃，即使加埋阿根廷青醬一齊食都唔會失色🥩 仲有炸薯條同炒雜草做配菜添🍟 慢煮香料油封豬鞍份量十足，成條豬鞍連骨咁上碟🐽 廚師好細心咁事先切好牛柳同豬鞍，唔洗怕麻煩😆 豬鞍香料味好重，食得出用過唔同嘅香菜醃製🌿 不過可惜肉質稍微乾身咗啲，入口有啲韌🤏🏻 甜品意式奶凍佐雪糕好好味😋 Earl Grey味嘅奶凍茶味清新濃郁，連埋甜甜嘅雲尼拿雪糕一齊食好正🍮 💰 價錢 Average price $300/pp

一年一度嘅Oktoberfest又到啦🍻 德國啤酒節最適合約埋一班朋友一齊飲啤酒🍺食豬手🐽 帝樂餐廳 King Ludwig嘅Oktoberfest活動已經正式開鑼🇩🇪 由宜家到10尾都可以去盡情食盡情飲🥳 🌃 環境 銅鑼灣嘅King Ludwig位於銅鑼灣Fashion Walk，仲要喺正轉角位，搶眼又方便😚 餐廳好大，有室內同室外位置～ 餐廳設計好有傳統德國風情，好似去咗歐洲小酒館咁🇩🇪 😋 食物 🧀️ 傳統瑞士燒芝士配金華火腿牛角窩夫 $138 🐮 德累斯頓燴牛肉配煎薯餅 $268 🍺 德國生啤 Franziskaner Weissbier $80 🍺 德國生啤 Maisel's Weisse $80 🍻 Hoegaarden 蜜桃/西柚啤 (啤酒節限定) 今次黎就專登試咗Oktoberfest special menu🤩 一入餐廳已經聞到好香濃嘅芝士味🧀️ 原來係黎自大大餅嘅傳統瑞士芝士🇨🇭 餐廳首先會用火爐將瑞士芝士嘅表面燒融🔥 等到芝士燒到熱辣辣帶微焦之後就一嘢鏟落火腿牛角窩夫度，好IG-able😛 芝士底下係牛角窩夫配金華火腿，同芝士絕配🍖 熱熔芝士超濃厚好鹹香，帶濃郁嘅發酵同「腐乳」味，都幾過癮🧀️ 呢道菜要趁熱食，凍咗啲芝士就會硬㗎啦～ 另一個special dish係德累斯頓燴牛肉配煎薯餅🐮 燴牛肉超腍超入味，連埋底下煎香咗嘅薯餅同醃椰菜一齊食會更豐富惹味，油香十足😛 啤酒節緊係要啤啤佢🍻 今次飲咗兩款德國生白啤🇩🇪 Franziskaner Weissbier 味道偏甜，幾light，花香味重🌹 另一款Maisel's Weisse 就麥味較出，後勁帶酸🍺 兩款都唔會好苦澀，好easy drinking，飲多杯都唔怕😆 另外仲試咗啤酒節限定，Hoegaarden 新出嘅蜜桃啤🍑 同西柚啤🍊 兩款味道都甜甜地，似飲緊cider咁，尤其是蜜桃味個果香好出😍 唔鍾意飲啤酒嘅女仔可以一戰😚 鍾意飲啤酒嘅朋友唔好錯過佢地Oktoberfest嘅Beer Pass🍻 $260蚊就可以飲5杯，超抵🤩 💰價錢 Average price $350-400/pp 抵食抵飲又好玩，快啲約埋朋友一齊黎啦🤩

生蠔唔一定淨係法國蠔先好食㗎😋 亞洲地區黎講日本蠔都好唔錯🦪 有啲品種大隻得黎超creamy，性價比高☺️ 如果想專攻日本蠔嘅話一定要試牡蠣酒場，全部生蠔由日本新鮮直送，一定有款啱你食🇯🇵 🌃 環境 牡蠣酒場喺銅鑼灣世貿廣場隔離嘅Tower 535上面～ 餐廳光猛新淨，一入去就見到大大個oyster station，夠晒搶眼🦪 餐廳都幾大，大部份都係梳化位，坐得闊落又舒服😚 😋 食物 🦪 廣田灣蠔 $118/pc 🦪 五島列島蠔 $98/pc 🍣 胡麻油甘魚刺身 $98 ❤️‍🔥 吉列廣島蠔 $78/2pc 🐽 豚平燒 $68 🐟 汁燒鰻魚 $48 🍝 海膽忌廉意大利麵 $198 今次試咗兩款日本蠔，分別係廣田灣蠔同五島列島蠔🦪 呢兩款都係中大size嘅蠔，大大隻食起黎先過癮😛 廣田灣蠔口感creamy，海水味好重🌊 蠔嘅鮮味係海水味過咗之後慢慢出黎，餘韻繚繞喺口腔久久唔散❤️ 五島列島蠔口感較為脆口，同樣地呢款嘅海水味都好出😚 蠔肉肥美，有濃郁嘅蠔味同礦物味，令人回味無窮😋 胡麻油甘魚刺身大塊又新鮮🐟 胡麻醬帶檸檬嘅酸味，中和返油甘魚嘅油膩感～ 另外仲配有洋蔥絲可以撈埋一齊食😚 除咗生蠔之外仲嗌咗兩隻吉列廣島蠔🦪 吉列蠔炸得酥脆，皮薄肉厚❤️‍🔥 廣島蠔炸完都仲好大隻同多汁，一啖咬落去滿嘴油香🤤 居酒屋料理豚平燒嘅五花肉幾香，雞蛋唔會過老，簡簡單單味道都唔錯🏮 汁燒鰻魚厚身無骨有咬口，表皮燒得微微焦脆夠香口🔥 海膽忌廉意大利麵嘅芝士味極極極濃郁🧀️ 厚身嘅忌廉芝士均勻咁沾滿每一條意粉，真係邪惡到一個點🍝 海膽幾鮮甜，不過略顯比芝士味搶咗味，如果海膽份量再多d會更好🤪 💰 價錢 Average price $500/pp 生蠔新鮮肥美，生蠔以外嘅菜式都有水準，食日本蠔嘅首選🥳

人氣馬拉餐廳蘇媽蘇媽大家就聽得多，但大家又知唔知佢哋開咗自己嘅酒吧？🥳 我都係最近先知佢哋係尖沙咀開咗間So Bar，即刻捉咗朋友去飲返杯鬆一鬆😚 🌃 環境 So Bar喺尖沙咀The One對面，方便又易搵👍🏻 So Bar嘅設計好有格調，高樓底，深木色調加拱形窗嘅設計充滿歐陸風情～ 室內燈光偏暗，座位對住一大幅酒牆，都幾好feel㗎☺️ 😋 食物 🐟 燒鰻魚 $98 🔥 燒地獄麻辣雞肉串 $68 🦀️ 甲必丹軟殼蟹燉飯 $158 🍨 雜莓芭菲 $68 💛 Durian Kiss $118 🍸 Awakening Earl Grey $128 燒鰻魚用咗日式嘅做法，搽滿蒲燒醬再去燒🔥 蒲燒鰻魚甜甜哋，厚肉無骨好味道😋 雖然話係小食，但都有成兩條咁多，份量慷慨🤩 燒地獄麻辣雞肉串麻麻辣辣，燒得好香口🍗 雖然我覺得可以再辣d，不過味道都唔錯，餸酒一流🍻 甲必丹軟殼蟹燉飯好驚艷🥰 大大隻軟殼蟹幾乎cover曬成碟飯，非常架勢🦀️ 底下嘅燉飯有香濃嘅冬陰功味，食落微酸後勁帶辣，好有驚喜❤️‍🔥 香脆嘅軟殼蟹加上惹味creamy嘅燉飯真係絕配，大推🔥🔥 黎So Bar嘅重點當然係要試吓佢哋嘅酒啦🤪 鍾意榴蓮嘅絕對唔可以錯過Durian Kiss💛 呢杯cocktail用咗真。貓山王果蓉，加入baileys同開心果liqueur調製而成😍 成杯cocktail好thick好甜，質地好似smoothie咁😆 飲落有好濃烈嘅榴槤味，真係好滿足❤️‍🔥 另一杯Awakening Earl Grey相比之下酒味就濃好多🥃 杯cocktail首先放喺煙霧瀰漫嘅玻璃樽裏面由店員緩緩打開～ 視覺效果一流，超IG-able🥂 呢杯cocktail用咗earl grey infused嘅Gin做base🍸 整體嘅酒味濃郁好多，帶有微微嘅茶香同煙燻香味，都唔錯👍🏻 甜品雜莓芭菲有兩大球雲尼拿雪糕🍦底下有d海綿蛋糕，混合埋鮮忌廉同雜莓，酸酸甜甜有個perfect ending🍨 最後同bartender傾得興起仲有shot飲，飲得超盡興🥳🥂 💰 價錢 Average price $350/pp 估唔到蘇媽開嘅So Bar都咁高質，淨係個Durian Kiss都值得我無限回頭🤩💛

香港愈開愈多omakase，不過有時想食壽司都唔係下下想咁貴🙈 如果唔想食連鎖店嘅話都要諗諗去邊好🤔 最近就同朋友試咗銅鑼灣嘅魚一，環境唔錯之餘食物質素都幾好，CP值好高🤩 🌃 環境 魚一喺銅鑼灣京都廣場地庫，銅鑼灣C出口正對面就係，位置一流☺️ 門口掛滿大燈籠，好有和風嘅感覺🏮 行落地庫之後發現餐廳都幾大，店內光猛整潔，牆上印滿可愛嘅日式壁畫，裝修設計都幾有心思🇯🇵 除咗普通座位之外餐廳都設有唔少可以落竹簾嘅卡位，夠晒有私隱👍🏻 😋 食物 🍣 珍寶帶子壽司 $36/件 珍寶帶子壽司真係夠晒jumbo🥰 帶子鮮味甘甜，正❤️ 🐟 火炙左口魚邊壽司 $20/件 火炙左口魚邊壽司微微燒香魚邊，逼出魚油🐟 魚邊好肥美，滿口脂香😋 🦐 玻璃蝦壽司 $14/2件 玻璃蝦壽司就中規中矩啦，不過$14蚊有兩件都算係咁😆 🔥 火龍卷 $88/ 8件 火龍卷姐係炸蝦卷，彎彎曲曲砌成一條龍嘅形狀🍤 賣相唔錯而且卷住嘅炸蝦都夠脆，有成8件飽足感十足🤤 🍣 蔥吞拿魚腩手卷 $35 朋友嗌咗蔥吞拿魚腩手卷，佢話唔多筋都幾好味😚 🤩 北海道海膽手卷 $78 北海道海膽手卷都幾新鮮甘甜，海膽份量都算多😋 🍳 明太子玉子燒 $58 玉子燒一定係我嘅居酒屋至愛🏮 魚一嘅玉子燒甜甜地又帶明太子嘅微辣，夠晒惹味🤩 如果有多流心效果就perfect啦❤️‍🔥 🦪 芝士燒生蠔 $52/2隻 芝士燒生蠔超大隻，蠔殼上鋪滿芝士🧀️ 一啖將芝士同鮮味嘅蠔擺入口，層次分明🦪 🍗 免治雞肉棒串 $38/串 免治雞肉棒上搽滿燒汁，撈勻蛋液一齊食好滿足🥰 🐮 牛舌串 $38/串 牛舌厚身有咬口，正👅 💰價錢 Average price $300/pp 位置方便，環境唔錯～ 食物質素都對得住價錢，性價比之選✌🏻

走過十萬八千里找到你喺港島有分店啦🥳 成日見到人去旺角本店打卡，作為港島人我就去試吓佢喺杏花邨嘅分店質素如何😋 🌃 環境 走過十萬八千里找到你嘅杏花邨分店喺杏花新城裏面，一出地鐵站向右邊行就到商場，好方便😆 餐廳唔算好大不過都幾cozy，dinner time每枱都會放一個自己品牌嘅香薰蠟燭🕯️ 一路食飯一路聞到若隱若現嘅香甜味，幾有feel㗎🥰 😋 食物 🍽️ Dinner Set 🍽️ 🦀️ 帶子蟹膏蟹肉意大利飯 $125 🍝 溫泉蛋海膽汁蟹籽意粉 $128 跟餐連 是日餐湯🥣 + 餐飲☕️ Weekday有dinner set都幾抵食，主菜連餐湯同餐飲基本上都$200有找😚 是日餐湯係甘荀湯🥕 甘荀湯幾香甜，裏面有粒粒甘荀粒～ 質地唔會太過濃稠，飲完唔洗驚即刻飽咗😆 帶子蟹膏蟹肉意大利飯好足料，兩大粒煎香咗嘅帶子粒擺喺risotto上面😘 底下嘅risotto軟硬適中，食落有一絲絲蟹肉同蟹膏🦀️ 呢個risotto飽足感十足，建議兩個人一齊share🤤 溫泉蛋海膽汁蟹籽意粉賣相非常吸引🤩 Creamy嘅意粉上面放咗溫泉蛋同一大勺蟹籽🍝 意粉好掛汁，每一條都掛滿海膽汁，香甜又濃郁，好味道😛 Dinner Set仲有一杯咖啡或茶/柚子蜜添🍯 💰 價錢 Average price $150/pp 簡簡單單嘅dinner，抵食啊～