影片
更多
2023-09-14
76 瀏覽
上星期朋友為左慶祝我辭職踏入「財自」生活，揀左間Harlan's同我食，真心受寵若驚。Harlan's要Fine Dining有Fine Dining，要夜景有夜景，我入到去第一個感覺係，情人節呀，女朋友生日必去！當晚我地兩個人都要左個 4 courses 既 Dinner set $888/person，我雖然係一個三十出頭大男人，但係有個女人胃，4 courses就夠。頭盤三揀二，見到生蠔我就直接飛左，但朋友就覺得個生蠔好得！最後會講兩句。第一道Appetiser我揀左Parma ham, Melon 呢一道係將Parma ham同哈密瓜呢個配搭融份凍湯入面，個以哈密瓜汁做base，加左Parma ham造成嘅鹽，呢個體驗都幾新鮮清新，再加上面數點嘅薄荷油，最後以兩種煮法嘅龍蝦肉作為載體，真係唔錯！２件龍蝦肉分別用左２種韶味的，我保持一下神秘感，又睇睇大家黎試果陣，食唔食得出？Japanese Matsuba Crab第二個我揀嘅係蟹肉蒸蛋，當然，又係一個我估唔到嘅presentation啦！大家見到上面有海膽同埋一啲芝士作底的脆片，佢個食法係除上面果塊脆片整脆放落杯入面同蒸蛋混合
頭盤三揀二，見到生蠔我就直接飛左，但朋友就覺得個生蠔好得！最後會講兩句。
第一道Appetiser我揀左Parma ham, Melon 呢一道係將Parma ham同哈密瓜呢個配搭融份凍湯入面，個以哈密瓜汁做base，加左Parma ham造成嘅鹽，呢個體驗都幾新鮮清新，再加上面數點嘅薄荷油，最後以兩種煮法嘅龍蝦肉作為載體，真係唔錯！２件龍蝦肉分別用左２種韶味的，我保持一下神秘感，又睇睇大家黎試果陣，食唔食得出？
Japanese Matsuba Crab
第二個我揀嘅係蟹肉蒸蛋，當然，又係一個我估唔到嘅presentation啦！大家見到上面有海膽同埋一啲芝士作底的脆片，佢個食法係除上面果塊脆片整脆放落杯入面同蒸蛋混合拌均勻。首先呢度菜食嘅就係多重口感，有蟹肉蒸蛋嘅滑又有脆片香脆。味道就係以蟹肉同海膽嘅鮮甜，配以蛋同脆片作平衡。我相信呢個口味，適合大部份人士，個人建議用呢個做膽，配凍湯／生蠔是旦一個。lberico Pork Pluma
兩款主菜分別係一牛一豬，大家都知啦！我一定揀牛。但我地最後都share一半食。伊比利亞豬配日本燒菠蘿加蘋果蓉提味。再配燒過嘅生菜鬯加一份爽脆口感，豬係最岩以果味配搭嘅肉類主食，成件事就好乎合食材嘅平衡！
-A4 Wagyu Striploin
睇相都知一定唔會衰，油脂分布平均，火候控制得宜。薯蓉配左個經典蘑菇汁，味道就一定AA+，不過份量就少左d。不過唔好食，我又點會覺得份量唔夠呢?
上甜品之前，餐廳安排咗檸檬雪葩俾我地清一清個口，的確飲落去好冰涼清新，特別係我食完個紅肉，可以完全轉mood食甜品！同店員傾佢地仲擔心個沙冷唔夠甜，偏酸。我反而覺得可以唔駛太甜。
Brie Cheese Cake
甜品又係玩左好多細節野。Blue Cheese 整嘅蛋糕，淋上微溫嘅雲呢拿醬，旁邊配上自家製手工朱古力、加上原片松露同埋手工爆谷。我自己就唔鍾意松露。但我都幾沾沾自喜我食得出佢手工朱古力嘅細節同心機。一件少少嘅甜品大廚都係咁俾心機！
朋友覺得今餐個MVP係個生蝝！佢提到用佐西瓜沙冰同埋 Feta cheese 為生蠔調味，生蠔Creamy自帶海水味，果個海水味同西瓜沙冰嘅甜味襯托到佢大叫Amazing!
同大廚阿Ken傾左2句，都覺得佢幾花心思去reform一d經典口味，對味道配搭拿捏恰到好處，要講少少意見就可能係，我覺得佢地２個main course都好明顯比其他菜式黎得保守。一豬一牛都係好安全好少風險嘅出手，我認為大廚可以大膽少少喺main course大玩特玩。
張貼
