Harlan's

都唔係第一次喺The One嘅食肆晚餐，一路都知道The one望到維港嘅夜景好靚，但之前食開都係中菜個氣氛始終唔夠浪漫，最近初體驗Harlan’s Bar & Restaurant，餐廳主打fine western cuisine ，餐廳氣氛配合超過180度無遮擋嘅維港靚景 真係浪漫到無野挑剔我地揀左3 course dinner $788 per pax雖然係走Fine dining路線 但食物份量都唔少 我地揀左唔同嘅菜式 變相可以試到6個course🤭Appetiser🥄煙燻海螯蝦•石榴巴馬火腿清湯蜆汁果凍蝦味濃郁，肉質彈牙，個蜆汁果凍清湯味道好獨特 ，勁鮮味，有驚喜🍴北海道帶子他他配火龍果脆片紅石榴蓉牛肉同三文魚他他食得多，帶子他他第一次食，配火龍果脆片同紅石榴蓉，好新穎🍴日本帝王蟹蛋泡沫 配24個月法國康帝芝士脆片及海膽餐廳職員話呢個係Harlan’s嘅得獎菜式，賣相有少少似啲分子料理，上層嘅芝士脆片整碎mix埋杯內嘅帝王蟹蛋泡沫一齊食，每一啖都食到好多蟹肉，唔單止好有口感，味道仲超濃郁，真心出色！Main Course 🍽️ 黑松露北非小米配和牛牛舌及牛小排• 鵝肝龍蝦汁北非小米細細粒口感煙韌 每啖都食到龍蝦汁既精華，牛舌同牛小排肉味濃郁，肉質軟腍🍽️ 慢煮伊比利豬肋眼上蓋肉配柚子沙律、日本柑橘及杏桃果蓉伊比利豬豬肋眼上蓋肉口感幾特別，由於好有肉味，有一刻懷疑緊係咪真係食緊豬😆配菜柚子沙律 有別平日食到嘅 有少少中菜feel 加上日本柑橘及杏桃果蓉 清新嘅Dessert🥄香檸檬芝士蛋糕配酸柑•楓糖醬•糖漬檸檬皮•碧根果曲奇不太嗜甜嘅吃貨小妹表示對呢個甜品極為滿意❤️一啖檸檬cheese cake再配一啖雪葩 成件事好fresh，加埋側邊啲脆餅更加好味，好慶幸有揀到甜品🤭題外話，餐廳有位短髮嘅女職員 全晚除左好清晰介紹菜式，仲密密主動fill水，服務同笑容都滿分…查看更多

📍【海景Fine Dining｜港式優雅食評】今次嚟到一間坐擁海景嘅高級餐廳，餐廳設計簡約高雅，服務細緻入微，係一場視覺同味覺嘅雙重享受。🦪 *北海道帶子他他配火龍果脆片，紅石榴蓉*帶子鮮甜滑嫩，切粒後混合少許酸香調味，入口清爽；火龍果脆片輕脆微甜，加埋紅石榴蓉嘅果香同微酸，層次分明，開場已經令人驚喜。🦞 *煙燻海螯蝦，石榴巴馬火腿清湯，蜆汁果凍*海螯蝦煙燻香氣撲鼻，肉質彈牙；清湯以巴馬火腿為底，鹹香中帶果甜，蜆汁果凍則如海洋精華凝結，入口即化，鮮味層層遞進。🦀 *日本帝王蟹蛋泡沫配24個月法國康帝芝士脆片及海膽*蛋泡沫輕盈如雲，蟹肉鮮味濃郁，康帝芝士脆片帶出堅果香，海膽則如點睛之筆，甘香濃郁，整體味道高貴而不浮誇。🥩 *黑松露北非小米配和牛牛舌及牛小排，鵝肝龍蝦汁*小米吸晒黑松露香氣，粒粒分明；牛舌軟腍入味，牛小排油香四溢，鵝肝龍蝦汁濃郁奢華，每一啖都係滋味交織。🐖 *慢煮伊比利豬肋眼上蓋肉配柚子沙律，日本柑橘及杏桃果蓉*豬肉慢煮至嫩滑，油脂分佈均勻，入口即化；柚子沙律清新解膩，杏桃果蓉微甜果香，令整道菜更有層次。🍰 *香檸檬芝士蛋糕配酸柑、楓糖漿，糖漬檸檬皮，碧根果曲奇*芝士蛋糕質地綿密，香檸味清新不膩；糖漬檸檬皮帶微苦回甘，楓糖漿甜度恰到好處，碧根果曲奇酥脆香濃，完美收尾。#港式食評 #海景餐廳 #FineDiningHK #高級料理 #海鮮盛宴 #美酒佳餚 #香港美食 #食好西 #打卡必去 #味覺藝術…查看更多

工作咁辛苦，梗係要食返餐Fine dining開心吓就決定去尖沙咀The One 19樓Halan’s Bar and Restaurant我地叫咗佢嘅Tasting Menu，任選三道菜都係$788 /人，唔算貴而呢度環境當然就一流啦，對正維港靚景， 180度海景，仲有落地大玻璃，無論係室內定室外都可以欣賞到香港嘅一流夜景而室內就更加比人一種高貴同安靜嘅感覺，彷彿進入咗另一空間，非常舒服講返食物，前菜：1️⃣北海道帶子他他配火龍果脆片、紅石榴蓉呢款北海道帶子他他入口滑溜舒服，都算新鮮加上酸酸甜甜嘅火龍果脆片，泰國紅石榴醬調味食落就覺得更多層次，Fresh感倍增2️⃣日本帝王蟹蛋泡沫配24個月法國康帝芝士脆片及海膽呢款一聽個名就知係正嘢啦！佢係大廚嘅得獎作品，⁠食材靚料，用帝王蟹肉打做泡沫口感食落似金華火腿，鹹鮮十足海膽用咗北海道海膽，仲有魚子醬同24個月芝士脆片將脆片駁落去混合泡沫一齊食，好有層次，Creamy得嚟亦好有儀式感3️⃣煙燻海蜇蝦石榴巴馬火腿清湯蜆汁凍湯質地睇落薄身，但入口有好濃郁嘅煙燻金華火腿味，又估佢唔到喎！海蜇蝦彈牙，蜆有刻意炙燒過，處理食材上都見得出好有心機而⁠配埋九層塔同脆米令味道變得更豐富主菜：4️⃣西班牙八爪魚配意式薯仔麵團西班牙八爪魚燒得幾香，食落好有膠質，好軟熟，外皮仍然好焦脆，係好特別嘅texture加上自家醃醍魚脆，酸甜又開胃主食有意大利Gnocchi配上辣肉腸甜椒汁，甜甜辣辣咁，又飽肚又好食5️⃣黑松露北非小米配和牛牛舌及牛小排首先呢款嘅汁料都好抌本，係用咗鵝肝龍蝦汁同雞皮脆片嚟調味而和牛牛舌烤肉，慢煮炮製，煮得非常軟熟，而且好入味牛小排質比較有咬口，同樣好食到牛肉嘅濃香黑松露北非小米索晒啲牛汁，好juicy甜品：6️⃣香檸檬芝士蛋糕配酸柑、楓糖漿，糖漬檸檬皮，碧根果曲奇呢款芝士蛋糕就超級refreshing檸檬同酸柑嘅配搭好突出到嗰種酸香同時用咗貴價嘅碧根果，更能帶出烘焙嘅香氣，整體配搭好好，仲配咗個小小嘅雪葩令人十分滿足…查看更多

今日有啲值得開心嘅事，去咗尖沙咀慶祝。Harlan’s 環境好好，居高臨下，望住尖沙咀夜景同埋海景，真係好好feel☺️Tasting menu選擇好多，個個都好吸引！我哋嗌兩個餐梗係食唔同嘅嘢啦～第一個starter揀咗 🤤法國藍龍蝦他他配鵝肝脆雞皮，醃製蛋黃及生蠔葉 - 賣相精緻，脆雞皮令佢嘅口感好特別，同平時嘅tartare好唔同!另一個starter揀咗 🤤日本帝王蟹蛋泡沫配24個月法國康帝芝士脆片及海膽 - 呢個味道清淡啲，都幾好食！之後再揀多咗一個starter 🤤荔枝車厘茄凍湯配西班牙紅蝦及酸甜西瓜皮 - 味道好清新，係一個好開胃嘅選擇～主菜好有驚喜！熟成本地雞胸肉笣配龍蝦汁脆炸鵝肝及菊芋蓉 - 呢個真係必食推介，好欣賞餐廳選用本地食材，雞胸肉處理得非常嫩滑，配埋鵝肝同埋菊芋蓉，味道好豐富👍👍👍白鱈魚配風乾火馥鹽，甜瓜薄荷香草醬，金橘泡沫 - 係一個比較輕盈嘅主菜，火馥鹽同香草醬呢個配搭幾好，帶出魚嘅鮮味。甜品都好有香港嘅特色 - 腐皮法式千層配豆腐忌廉芝士桂花茶，我自己本身好鍾意豆製品，食到用腐皮做嘅千層酥好滿足！呢度真係好適合慶祝活動，下次再嚟。…查看更多

Perched with a stunning view of Tsim Sha Tsui, Harlan’s offers exceptional value with its three-course set meals, priced at $788 per head, which two of us enjoyed sharing.Starter:The Brittany Blue Lobster Tartare with Crispy Foie Gras Chicken Skin, Salt Cured Egg, and Oyster Leaves delivers a delicate lobster sweetness balanced by the rich, buttery foie gras crunch.The Japanese Red King Crab Egg Foam with 24 Months Comte Cheese Flakes and Uni combines the crab’s subtle brininess with the nutty, aged cheese and creamy uni depth.The Chilled Lychee & Cherry Tomatoes Consommé with Carabinero, Sweet and Sour Watermelon Rind offers a refreshing lychee tartness paired with the carabinero’s robust prawn flavor.Main:The Dry-Aged Local Chicken Breast with Lobster Sauce, Crispy Foie Gras, and Jerusalem Artichoke Purée features tender chicken enhanced by the luxurious lobster sauce and earthy artichoke notes.The White Cod Fillet with Parma Ham Salt, Mixed Melon, Mint Pesto, and Tangerine Foam presents a flaky cod with savory ham salt, bright melon sweetness, and a zesty mint-tangerine finish.Dessert:The Yuba Mille-Feuille with Tofu Cream Cheese & Osmanthus Tea impresses with its silky tofu cream balanced by the floral, aromatic osmanthus tea infusion.This dining experience at Harlan’s is a culinary highlight worth revisiting.…查看更多

Harlan’s位於尖沙咀The ONE 19樓 地點非常方便餐廳最大嘅特點就係佢個270度無遮擋維港夜景🌃加上柔和嘅燈光 氣氛舒服又有格調🌹非常適合節日慶祝 享受有情調嘅獨光晚餐🥂而且有室內同室外座位 想靜靜地又得 想戶外望住海景Chill下都得當晚揀咗佢哋嘅Dinner Tasting Menu可以按需要選擇3/4/6-course Appritizer \ 🐚 Hokkaido Scallop Tartare with Crispy Dragon Fruit & Pomegranate Purée /來自北海道嘅帶子味道鮮甜 加上火龍果脆片酥脆微酸口感層次豐富 十分開胃而且擺盤好精美用心\ 🦐 Smoked Langoustine, Pink Guava & Param Ham Consommé, Clam Jelly /煙燻有助提升海螯蝦嘅鮮味加上以Parma Ham煮成嘅清湯層次感強 鮮甜美味\ 🦀 Japanese King Crab Egg Foam with 24 Months Comté Cheese Flakes and Uni /用蛋打成嘅泡沫輕盈細膩日本帝王蟹肉鮮甜 芝士脆片香濃海膽creamy 加上啖啖蟹肉 完美配搭Main\ 🐙 Spanish Octopus with Gnocchi, Crispy Sour Anchovy, Chorizo & Bell Pepper Sauce /西班牙八爪魚煙韌適中 薯仔麵糰軟滑鯷魚脆肉質有口感加上辣肉腸甜椒汁增添鹹香與微辣味道豐富\ 🐂Black Truffe Cous Cous with Wagyu Ox Tongue & Short Rib, Foie Gras Lobster Sauce /濃郁黑松露香氣 和牛牛舌及牛小排口感細膩軟腍配合鵝肝龍蝦汁 味道層次深厚同北非小米都好夾Dessert\ 🍰Bergamot Lemon Cheese Cake, with Maple Syrup, Candied lemon Peel, Pecans Cookies /清新嘅香檸檬味 楓糖漿同糖漬檸檬皮增添層次 甜度適中加上清新嘅sobert 同酥脆嘅曲奇為晚餐幽默地畫上句號❤️…查看更多

一心嚟到Harlan's諗住享受個高級晚餐，點知頭盤一上枱就已經被佢征服咗！呢道「北海道帶子他他」配火龍果脆片同紅石榴蓉，絕對係視覺同味覺嘅雙重享受，未食已經睇到人心花怒放！賣相精緻到好似藝術品咁，粉嫩嘅帶子他他堆成小山丘，上面蓋住塊薄得透光嘅粉紅火龍果脆片，旁邊仲有艷紅色嘅紅石榴蓉畫出優美線條，成個畫面靚到真係唔捨得破壞佢！一啖放入口，個口感碰撞真係驚為天人！帶子他他嘅鮮甜軟滑，瞬間被火龍果脆片「咔嚓」一聲嘅清脆同微甜打破，兩種截然不同嘅質感同時爆發，個層次豐富到令人眼前一亮！最正係底層嘅紅石榴蓉，酸酸甜甜嘅果香即刻喚醒咗成個味蕾，將帶子嘅鮮味進一步昇華，食完成個口腔都保持住一種好清新嘅感覺。成道菜由淡到濃、由軟到脆、由甜到酸，每個細節都配合得恰到好處。廚師將簡單嘅食材變成充滿玩味嘅料理，呢份心思同功力實在令人佩服。食完之後成個人心情都靚晒，絕對係近期食過最令人難忘嘅頭盤體驗！…查看更多

一坐低嗌咗呢道「北海道帶子他他配火龍果脆片」，粉嫩嘅帶子他他砌到好似座小山，上面鋪住塊薄到透光嘅粉紅色火龍果脆片，旁邊仲有啲鮮紅色嘅紅石榴蓉同綠色苗苗點綴，成個畫面精緻到唔捨得郁手！急不及待一啖擺入口，個口感真係不得了！北海道帶子他他食落冰涼軟滑，鮮甜味十足，完全無筋，帶子嘅原味發揮得淋漓盡致。跟住係「咔嚓」一聲，塊火龍果脆片應聲碎裂，微甜清脆嘅口感同帶子嘅軟糯形成瘋狂對比，個層次感即刻出曬嚟！最正係底層嘅紅石榴蓉，酸酸甜甜咁，完美帶起咗帶子嘅鮮味，令成個味道更加清新立體，一啲都唔會膩。三種唔同質感——軟滑、脆口、酸甜——係口腔裡面碰撞融合，個感覺真係驚為天人！成道菜由賣相到食味都係滿分之作，絕對係近期食過最印象深刻嘅頭盤。無論係情侶慶祝定係特別日子犒賞自己，呢度嘅帶子他他都絕對值得你一試，保證令你一試難忘！…查看更多

食物一般般不重要，但服務態度惡劣，絕對不能接受。當日現場有即切烤牛肉，大家都排隊去拎，我被分發了一塊好生嘅牛肉，正當我想問可唔可以換塊冇咁生嘅時候，在我旁邊嘅同行人，同一時間禮貌地問了一句「可以拎多一份嗎？」（而我仲係未出過一句聲）。點知2個職員就開始你一句我一句，不斷對我指指點點，話呢話路，我完全唔知自己做錯啲咩，要被你哋2位當眾係度話囉。現場嘅人都以為我好貪心，喺度死都要拎都份。原諒我心靈弱小。但事隔2星期我諗返起都仲係心心不忿。…查看更多

尖沙咀 Harlan’s Bar 主打靚景加美食，坐戶外可以望到成個維港，夜晚燈光一亮起，成個view 即刻加晒分，影相打卡完全無難度。即使坐室內，坐喺大玻璃窗旁邊，氣氛都好好。餐廳環境幾靚，枱距唔逼，配合窗外景色，約會、慶祝生日都幾有儀式感。食物方面都有驚喜，並唔係淨係靠景。龍蝦湯味道濃郁，入口好順滑，海鮮味幾突出，唔會得個鹹字。薯條炸得金黃乾身，外脆內軟，趁熱食好滿足。主菜唔記得影，但整體水準對得住價錢，如果本身就鍾意西餐、又想一次過享受高空海景同fine dining 氛圍，Harlan’s 係值得一試嘅地方。P.S.絕對唔係下欄野…查看更多

Ⓨの Harlan's 生日夜維港夜景下同閨蜜嘅約會 🥂 🍄📍環境位於The ONE頂層，全玻璃幕牆俯瞰維港夜景🌃我地被安排到窗邊卡座，勁多打卡位之餘私隱度十足！🍽 👯女生最愛．精緻菜式逐道歎✨ 頭盤 濃郁開胃• Caesar Salad 凱撒沙律 🥗新鮮羅馬生菜爽脆可口，麵包粒香脆，巴馬臣芝士份量足，醬汁調配恰到好處～• Sautéed Mushroom炒蘑菇 🍄蘑菇juicy入味，簡單卻令人回味！✨ 湯品• Porcini Mushrooms Soup 牛肝菌湯配白松露油 🍲菌香濃郁，湯質綿滑，白松露油令整體香氣提升另一個層次！✨ 海鮮主打• Hokkaido Scallop 北海道帶子 🌊帶子大大粒，煎到表面金黃，內裡保持半生熟，肉質鮮甜嫩滑，一啖一粒超滿足！• Grilled Whole Live Lobster 香燒原條龍蝦配焦糖青檸，龍蝦牛油汁 🦞原條龍蝦燒得剛剛好，蝦肉爽彈鮮甜，焦糖青檸汁同龍蝦牛油汁帶來雙重享受！• Pan-fried Black Cod Fillet 香煎黑鱈魚柳伴鹽鱈魚及黑松露黑蒜蓉 🐟全場最高分！魚皮煎得香脆，魚肉嫩滑到入口即化，搭配黑松露薯蓉同黑蒜蓉，味道層次豐富！✨ 肉類主菜• Foie Gras 鵝肝 🦢外層煎到微脆，內裡軟滑如絲，入口即化唔膩• Sous Vide U.S Prime Flank Steak 慢煮美國極級牛腹扒配牛肝菌及黑松露薯泥 🥩慢煮技術將牛腹扒做到粉嫩多汁，肉質軟淋，搭配香濃松露薯泥簡直絕配！• Ibérico Baby Lamb Rack 西班牙小羊架配甜粟米芝士蛋糕伴青瓜酸乳酪汁 🐑羊架外層香脆，肉質粉嫩無羶味，旁邊嘅粟米芝士蛋糕口感綿密，配青瓜乳酪汁清新解膩！✨ 配菜• Grilled Asparagus 燒蘆筍配檸檬荷蘭汁 🌱蘆筍粗身無渣，檸檬荷蘭汁清新🍾餐酒搭配我哋點咗支Sauvignon Blanc 🍸，清爽果香同海鮮類菜式非常搭配，尤其係黑鱈魚同龍蝦，更加突出鮮味！💵價錢四位總共$4323（已計加一）💰以Fine Dining加無敵夜景來講，絕對物超所值！💡小貼士◦ 窗邊位需提前3-5日預訂📅◦ 切餅費$150總結今次生日飯無論環境、服務同菜品都令人難忘🥰，三位閨蜜已經約定明年再嚟encore😹…查看更多

前排生日去左一間高質西餐廳慶祝，邊食邊望住全景維港夜景，氣氛真係浪漫又有格調💫🦀 日本帝王蟹蛋泡沫｜濃郁蟹肉配半熟溫泉蛋加上鹹香芝士脆片、鮮甜海膽，味道層次超豐富。🦞 法國藍龍蝦他他｜鮮甜龍蝦肉搭配鵝肝、脆雞皮，口感對比好驚喜。🍅 荔枝車厘茄凍湯｜清爽酸甜，夏天飲一口超解暑！🦞 龍蝦配魚子醬配清酒忌廉汁｜肉質緊緻鮮甜，配上酥脆條同青豆醬，口感滿滿層次。🍗 熟成本地雞胸肉卷｜意外嫩滑多汁，加埋脆炸鵝肝，健康與邪惡一次滿足。🍰 腐皮法式千層｜超特別！配搭豆腐忌廉芝士同桂花茶，清甜不膩。✨ 無論係慶祝特別日子，定純粹享受一餐高質fine dining，呢度都好值得嚟一次。…查看更多

今日放假妹妹同我午餐慶祝生日🎉，妹妹一早訂左The one 「Harlan’s」，19樓高望曬成個維港～今日天色⛅️👍🏻。因為早訂位所以比左靓景corner我地，其實outdoor景都好好不過真的太熱。食物方面每人一個半自助餐+主菜；主我點了牛扒，7成熟剛剛好，而妹妹點了魚，份量吾算太大份，不過其實半自助餐已經都好多野食😜😂。 有湯 （超夠熱），面包（但稍為硬左啲），甜品，沙律。最後妹妹都特意安排甜品並寫上生日名 （不過甜品是在半自助餐區挑選的）。職員服務都好好，更會主動幫我地合照。 價錢合理地方舒服食物不錯，可以考慮再來。…查看更多

上次嚟到Harlan's試咗佢哋呢道北海道帶子配火龍果同鵝肝，真係令人眼前一亮。一上枱個擺盤已經好精緻，三種唔同質感同味道嘅食材放埋一齊，睇落已經覺得好有心思。首先講吓個北海道帶子，煎得啱啱好，外面微微金黃，裡面保持住半透明嘅狀態。咬落去鮮甜彈牙，帶子本身嘅海水味好突出，完全冇比其他調味蓋過。至於鵝肝，處理得相當唔錯。表面煎到香脆，入口即化，個種豐腴嘅油脂香慢慢喺口腔入面散開，但又唔會覺得膩。最驚喜係佢同帶子一齊食嘅時候，兩種唔同層次嘅鮮味竟然出奇地夾。火龍果嘅出現就更加係神來之筆。清甜多汁嘅火龍果正好平衡返鵝肝嘅油膩感，而且佢嘅天然果香同帶子嘅鮮味互相襯托，令成道菜嘅味道更加立體。整體嚟講，呢個組合真係做得好好，三種食材各自發揮所長，但又唔會搶咗對方風頭。每一啖都食到廚師嘅心思同功力，係近期食過最令人印象深刻嘅菜式之一。…查看更多

餐廳寬敞明亮，夜晚仲可以欣賞美麗的尖沙咀維港美景。我和朋友點左3 course.,首先登場的是北海道帶子他他搭配火龍果脆片，紅石榴蓉。新鮮的果香帶出帶子的嫩滑清甜，層次細緻，口感清爽。碟中鋪滿了玫瑰🌹花乾，既高貴又美麗。日本帝王蟹蛋泡沫配24個月法國康帝芝士🧀脆片及海膽。泡沫細膩綿密，芝士脆片的濃郁與海膽的甘香，鹹鮮與乳香交織，餘韻悠長，充滿高級感。黑松露北非小米配和牛牛舌及牛小排，鵝肝龍蝦汁。香氣馥郁，與牛小排的油脂完美結合，鵝肝龍蝦汁融化成絲滑的鹹甘，添上鮮美深度，豐滿而不膩。最後的慢煮伊比利豬肋眼上蓋肉軟嫩粉多汁，脂香馥郁，佐以柚子沙律與日本柑橘及杏桃果蓉，帶有香甜果氣，咬落帶牛肉質感，創新而不失厚重，每口都充滿驚喜。…查看更多