影片
更多
2025-03-26
361 瀏覽
係K11行完街經過見到呢間餐廳好多人排隊，就決定黎試下。我地簡左slow cow招牌～第一款係慢煮熟成牛肉配蒜香醬油炒飯，加左日本蘭王生雞蛋，醬汁簡左芥末籽肉汁同自家製忌廉。牛肉慢煮得好軟熟，熟成嘅味道好濃但唔會膩。蒜香醬油炒飯好香，飯粒分明，蒜味同醬油味搭得剛好，配上牛肉真係一流。加咗個蘭王生雞蛋一撈，滑滑地好正，仲有芥末籽肉汁好惹味，自家製忌廉又香又濃，全部混起來食，層次感好夠，食完好滿足！第二款係慢煮極上熊本豚肉配珍珠白米飯，配半熟日本溫泉蛋同砵酒黑椒昆布汁。熊本豚肉慢煮得啱啱好，肉都幾嫩，呢款油脂相對冇咁重，但完全唔乾。珍珠白米飯配豚肉真係簡單又好食。半熟溫泉蛋一流，蛋黃濃得來夠滑，撈飯食好正。砵酒黑椒昆布汁係亮點，有啲酒香同黑椒嘅辣味，昆布又好出。另外我地仲叫左個薯條，香脆好食～餐廳環境好舒服，地方寬敞，坐得輕鬆，服務又親切，上菜速度都真係幾快。雖然呢度要排隊，不過人流都去得幾快，所以都唔使等好耐～性價比都唔錯，下次會再嚟
第一款係慢煮熟成牛肉配蒜香醬油炒飯，加左日本蘭王生雞蛋，醬汁簡左芥末籽肉汁同自家製忌廉。牛肉慢煮得好軟熟，熟成嘅味道好濃但唔會膩。蒜香醬油炒飯好香，飯粒分明，蒜味同醬油味搭得剛好，配上牛肉真係一流。加咗個蘭王生雞蛋一撈，滑滑地好正，仲有芥末籽肉汁好惹味，自家製忌廉又香又濃，全部混起來食，層次感好夠，食完好滿足！
第二款係慢煮極上熊本豚肉配珍珠白米飯，配半熟日本溫泉蛋同砵酒黑椒昆布汁。熊本豚肉慢煮得啱啱好，肉都幾嫩，呢款油脂相對冇咁重，但完全唔乾。珍珠白米飯配豚肉真係簡單又好食。半熟溫泉蛋一流，蛋黃濃得來夠滑，撈飯食好正。砵酒黑椒昆布汁係亮點，有啲酒香同黑椒嘅辣味，昆布又好出。
另外我地仲叫左個薯條，香脆好食～
餐廳環境好舒服，地方寬敞，坐得輕鬆，服務又親切，上菜速度都真係幾快。雖然呢度要排隊，不過人流都去得幾快，所以都唔使等好耐～性價比都唔錯，下次會再嚟
張貼
