影片
更多
2024-12-08
466 瀏覽
原本滿心歡喜打算帶長輩到秋田食慶生飯，但是次用餐過程感覺非常急趕，充滿壓迫感。第一次感到享用中檔食物好似食緊快餐的感覺。從點餐到烹調，用餐，食甜品，無論經理普通職員或者廚師都係好趕，令人有壓迫感。（還是好趕住想休趕客收工？！）中途我們真的忍不住跟廚師講了慢少少，幸好廚師係有聽取意見放慢咗落嚟，但由於前幾度菜我哋都未食得切，所以已經唔熱甚至變凍，無論食物多美味也大打折扣。而且我哋未食完飯同炒菜，職員已經急住問食咩甜品，食緊甜品之後已經喺度收拾枱面，根本冇理會我哋喺食用緊食物。其實上次光顧已經有覺得好急既感覺，但明白可能是習慣了平時打工仔一個鐘至個半鐘嘅用餐時間，所以要快！但是日星期六，全店只有四台食客，並不是急着要交還枱，而且我哋預約12點未食夠一個鐘已就要我們食完咁濟😢 今次係為咗遷就老人家到港島區所以先至再到灣仔分店，但整體感覺依然令人不太滿意，令人感到尷尬，不想再給予機會！平時其實去開尖沙咀秋田，無論服務節奏食物質素都非常之好，就算公司周年晚宴亦都曾經多次包場也絕無此問題。自問好少寫食評，但見到原來有其他食客也有同樣評論。真心唔希望香港飲食業服務會變得質素咁差，亦都唔希望秋田呢間咁
從點餐到烹調，用餐，食甜品，無論經理普通職員或者廚師都係好趕，令人有壓迫感。（還是好趕住想休趕客收工？！）中途我們真的忍不住跟廚師講了慢少少，幸好廚師係有聽取意見放慢咗落嚟，但由於前幾度菜我哋都未食得切，所以已經唔熱甚至變凍，無論食物多美味也大打折扣。而且我哋未食完飯同炒菜，職員已經急住問食咩甜品，食緊甜品之後已經喺度收拾枱面，根本冇理會我哋喺食用緊食物。
其實上次光顧已經有覺得好急既感覺，但明白可能是習慣了平時打工仔一個鐘至個半鐘嘅用餐時間，所以要快！但是日星期六，全店只有四台食客，並不是急着要交還枱，而且我哋預約12點未食夠一個鐘已就要我們食完咁濟😢
今次係為咗遷就老人家到港島區所以先至再到灣仔分店，但整體感覺依然令人不太滿意，令人感到尷尬，不想再給予機會！
平時其實去開尖沙咀秋田，無論服務節奏食物質素都非常之好，就算公司周年晚宴亦都曾經多次包場也絕無此問題。
自問好少寫食評，但見到原來有其他食客也有同樣評論。真心唔希望香港飲食業服務會變得質素咁差，亦都唔希望秋田呢間咁好既餐廳會執笠。希望公司可以正視呢個問題。
1） 帶子燒得金黃，新鮮有咬口，但比較凍
2） 鵝肝入口即溶，有腥味
3）鮑魚不韌，火候適中，但是食嘅時候冷卻了，味道還可以
4） 薄燒牛肉卷 煮得太久，肉質由薄牛變薄脆。裡面夾住蒜片，味道不錯
張貼
