嘉麟樓

營業中

休息中

放假飲茶就係要好好享受，呢度除咗環境舒適之外， 點心嘅造型亦都好別緻， 由於人數小， 所以只係能夠試到幾款點心， 但都已經好滿足喇 🥰 春風得意蝦腸 最外層有軟軟嘅腸粉包住 脆脆嘅油炸鬼再包住原隻嘅爽蝦咬落去就係有三重口感個灌湯餃都好足料㗎，塊花膠吾細㗎 😄 個湯底就梗係冇得彈啦，好香金華火腿味👍正呀至於個龍蝦金魚餃，除左龍蝦同蝦肉鮮甜彈牙外， 就連底下塊蘿蔔都令人回味，因為索曬啲汁，好滋味㗎 🤭今次有驚喜嘅地方， 就係茶錢包埋好食到停唔到口嘅鬆化合桃 🤩可謂超值。