Kampoeng

營業中

休息中

今日同朋友係銅鑼灣做facial，做完之後去IKEA行下，之後發現地庫有一間泰國餐廳，所以試下。餐廳嘅食物選擇都幾多～嚟食泰國食物，點少得飲椰青呢😋椰汁清甜，椰肉都好香👍🏻首先上嚟嘅係蝦醬炒通菜，上面有D炸蒜，通菜好嫩，爽口，而蝦醬嘅份量適中，唔會過鹹👍🏻然後嚟嘅係煎粟米餅，雖然佢話係煎，但我同朋友覺得似炸多D，因為喉嚨痛，所以只試咗一小口，好香脆，但係太熱氣了，所以唔敢食。之後係我地嘅主食，炒貴刁，一拿上嚟好香，我一直都覺得貴刁好似河粉，佢唔會太油膩，每條貴刁都好入味，配合埋爽口嘅芽菜，我最愛呢道菜，推介👍🏻再嚟嘅係串燒，我哋叫咗三串雞，三串牛，個人覺得牛燒得比較入味，餐廳附上唔會太辣嘅沙爹醬，兩者好夾，平時好少食牛嘅我都忍唔住食咗兩串。😝最後上嘅係醬燒爐魚，鱸魚皮燒得好香脆，但唔會乾爭爭，魚肉入味嫩滑，我同朋友兩個女仔竟然食曬成條，哈哈。試過沾旁邊嘅兩款醬，唔好辣嘅我覺得唔沾醬已經好好味。