快樂小羊火鍋餐廳

營業中

休息中

好少中午打邊爐，有老友誠意推介一於嚟試吓。地方闊落，招呼好。中午有7折，係幾抵食。因為食物都幾有水準。首推，呢個羊肉串不得了，曾經喺上海食過好好味，好鬼香，有辣味但又唔會辣口。今日呢串算係重溫番箇中味道。呢個唔記得係咩，不過係就咁食既，好食！三種最愛麻辣湯底，香味好濃，但唔會好辣。落到最後幾乎每樣嘢都係落呢個湯底😅不過食到最尾就有少少辣。呢個都好食，不過可能好遲先上，食到有啲飽飽地嘅時候先食，有啲漏漏地。羊肉非常之出色，同湯底好襯！👍👍另外都有叫到一點牛頸脊，不過冇影相，正常水準呀。打邊爐舖頭黎講總體都算有質素，但係如果萬事冇折黎食，可能就要每個人5舊落樓。