Grill ขุนทอง (和安里)

營業中

休息中

同老公落左蘭桂坊附近，經過被烤肉味吸引住。一入已座滿哂人，幸好角位有2個位。串燒菠蘿勁大粒勁多汁勁甜，仲好新鮮。魷魚鬚好吸引，一串都好多鬚，爽口唔靭，好惹味。牛仔骨勁Juicy，濃味滑嫩有機露筍甘樣燒都唔錯，幼嫩。白鱔燒得唔乾身，但細件左。泰式串燒配燒飯及雜菜串燒係雞、豬、牛，同單叫串燒既份量一樣，肉嫩。炒飯內有豆角、香葉，辣椒仔等炒，味道可以。配既沙嗲醬，好好味。泰式酸辣鳳爪沙律都幾大份，對我黎講好辣，但我食唔停仲食哂。泰國生啤🍺龍眼冰我發覺生啤好解辣，一定要飲，唯一不足係唔夠凍。