Shift

營業中

休息中

約咗朋友出嚟食晏，路經謝斐道，見到有間新開 café & bar，半落地玻璃窗，環境好 chill，開揚光猛，感覺悠閒舒適👍🏻餐廳主打西式美食，有沙律、主菜、fusion tapas 同 甜品等供應。點咗兩份午餐，套餐奉送餐湯及飲品。今日嘅餐湯係南瓜湯，湯身濃厚綿密，入口幼滑香甜。元氣全日早餐：All-day Breakfast 用料好豐富，有啖啖肉嘅豬肉腸、鹹香煙肉、脆薯堡、蒜蓉多士、流心太陽蛋、三色車厘茄同沙律菜。所有配搭都好出色，絕對係誠意之作。開心果香烤法式薄切小羊架：羊架燒得啱啱好，超級嫩口，帶輕微羊膻味，加上面頭鋪滿開心果，能鎖住肉汁，入口充滿堅果香。跟餐飲品：凍檸茶、Iced Latte 杜拜開心果脆絲法式吐司：吐司賣相非常吸引，面頭放了一大球雪糕，旁邊伴以大量炸過嘅開心果絲和雜莓，再淋上朱古力醬，入口外酥脆內鬆軟，甜而不膩。