影片
更多
2024-08-03
6513 瀏覽
我自己本身好鍾意去太古，因為有兩個大商場連住，無論食嘢買嘢都好方便。最近發掘到太古戲院樓上有間FIGS Bistro Midterranean & Apero Terrace Bar ，樓層較高，比較隱蔽寧靜。適逢假日，就試咗brunch ，brunch menu 選擇都十分多，頭盤都分為凍頭盤熱頭盤，仲要每款揀兩個，再加一款主菜和甜品，再配餐包同飲品，好豐富。凍頭盤有三款選擇，最後我哋每款都有試!「普利亞水牛城芝士蕃茄沙律」水牛芝士滑溜溜,配埋番茄粒又酸又甜，夠開胃。「西班牙風乾火腿配蕃茄蓉包」就化身成經典西班牙前菜，蕃茄蓉包有啖啖清香的滋味，配上鹹香的風乾火腿，十分夾。「法國芬迪奇2號生蠔」,新鮮，簡單淋少少檸檬汁就岩岩好。每款份量適中，夠食又可以試到不同的食物。熱頭盤亦都出色!「松露芝士三文治」三文治煎得夠脆，熱辣辣加埋濃郁嘅芝士做到拉絲效果，松露醬亦令到整體香味更突出。「香煎蒜蓉蝦」煎香的蝦配蒜蓉再加脆包，夠晒滋味。最後「香煎鵝肝牛油包配無花果醬」係我最喜歡，一份有兩件，可以share ，鵝肝又濃又滑,配上無花果可以中和油膩，加上脆卜卜多士，口感豐富。主菜,「香蒜蕃茄香草牛油炒
我自己本身好鍾意去太古，因為有兩個大商場連住，無論食嘢買嘢都好方便。最近發掘到太古戲院樓上有間FIGS Bistro Midterranean & Apero Terrace Bar ，樓層較高，比較隱蔽寧靜。適逢假日，就試咗brunch ，brunch menu 選擇都十分多，頭盤都分為凍頭盤熱頭盤，仲要每款揀兩個，再加一款主菜和甜品，再配餐包同飲品，好豐富。
凍頭盤有三款選擇，最後我哋每款都有試!「普利亞水牛城芝士蕃茄沙律」水牛芝士滑溜溜,配埋番茄粒又酸又甜，夠開胃。
「西班牙風乾火腿配蕃茄蓉包」就化身成經典西班牙前菜，蕃茄蓉包有啖啖清香的滋味，配上鹹香的風乾火腿，十分夾。
「法國芬迪奇2號生蠔」,新鮮，簡單淋少少檸檬汁就岩岩好。每款份量適中，夠食又可以試到不同的食物。
熱頭盤亦都出色!「松露芝士三文治」三文治煎得夠脆，熱辣辣加埋濃郁嘅芝士做到拉絲效果，松露醬亦令到整體香味更突出。
「香煎蒜蓉蝦」煎香的蝦配蒜蓉再加脆包，夠晒滋味。
最後「香煎鵝肝牛油包配無花果醬」係我最喜歡，一份有兩件，可以share ，鵝肝又濃又滑,配上無花果可以中和油膩，加上脆卜卜多士，口感豐富。
主菜,「香蒜蕃茄香草牛油炒海鮮扁意粉」海鮮有大蝦、青口同蜆, 意粉Al dente，掛汁 ，再加埋蒜蓉蕃茄和香草牛油,令到整個意粉十分香。
「風乾和牛腹側扒配露絲瑪利薯仔和有機小甘荀」,和牛嫩滑多汁，肉味濃郁。
甜品方面，選擇了「意大利雪糕(開心果味)」做甜品,雪糕濃滑香滑,開心果味道好突出。
飲品選擇了咖啡和熱朱古力，味道濃郁，有靚靚拉花。
另外仲額外叫了龍蝦海鮮湯，龍蝦湯味道濃郁，配上多士上面鋪滿了龍蝦肉，沾上龍蝦湯再吃，滋味十足。
FIGS Bistro嘅環境十分舒適，地點又方便，食完嘢又可以行街睇戲，最重要係性價比高，款式選擇多！
張貼
