影片
更多
2023-11-27
36 瀏覽
老公生日book咗呢間食omakase，呢個全日餐$698/位，性價比幾高，唔怪之得平日都幾full。點完餐好快店員就拎嚟沙律同埋茶碗蒸，蒸蛋裏面有啲雞肉、冬菇、蟹柳、銀杏，好多料，加上一啲三文魚子，幾香滑。生蠔配果醋啫喱生蠔新鮮，幾大隻，一啲都唔腥，配上果醋啫喱，味道清新好夾。白魚刺身配黑松露、柚子汁，食嘅時候可以加啲紫蘇花一齊食，味道幾清香。甜蝦他他配鱈魚餅，蝦肉他他灑上岩鹽同埋一啲柚子皮，口感脆口又綿密，清新好開胃。和食係香煎油甘魚配黃芥辣，幾香魚油味，啖啖肉，伴碟有日本青椒仔，少少辣幾惹味。跟住開始食壽司，新鮮帶子壽司加左啲青檸汁，好鮮。鮫鰈魚壽司魚肉上面再有一件火炙過嘅鮫鰈魚裙邊，火炙過嘅魚油脂好香，配咗啲酸汁蘿蔔蓉。秋刀魚壽司配上紫蘇花，魚味好濃郁，油脂豐富，甘香甘香。醋漬鯖魚壽司上面有青蘋果漬物，魚味都好濃郁，肉質柔軟creamy。炙燒左口魚裙邊壽司油脂豐富，入口即溶，火炙香味勁香，用脆脆紫菜包住食。清酒蒸鮑魚壽司，鮑魚片超級柔軟，一啲𡁻橡筋嘅感覺都冇，有淡淡的酒香。大拖羅壽司絕對冇得輸，又知勁香，一啲渣都冇，入口即溶，配上黃芥末子，酸酸哋中和油膩感。北海道馬糞海膽軍艦，
點完餐好快店員就拎嚟沙律同埋茶碗蒸，蒸蛋裏面有啲雞肉、冬菇、蟹柳、銀杏，好多料，加上一啲三文魚子，幾香滑。
生蠔配果醋啫喱
生蠔新鮮，幾大隻，一啲都唔腥，配上果醋啫喱，味道清新好夾。
白魚刺身配黑松露、柚子汁，食嘅時候可以加啲紫蘇花一齊食，味道幾清香。
甜蝦他他配鱈魚餅，蝦肉他他灑上岩鹽同埋一啲柚子皮，口感脆口又綿密，清新好開胃。
和食係香煎油甘魚配黃芥辣，幾香魚油味，啖啖肉，伴碟有日本青椒仔，少少辣幾惹味。
跟住開始食壽司，新鮮帶子壽司加左啲青檸汁，好鮮。
鮫鰈魚壽司魚肉上面再有一件火炙過嘅鮫鰈魚裙邊，火炙過嘅魚油脂好香，配咗啲酸汁蘿蔔蓉。
秋刀魚壽司配上紫蘇花，魚味好濃郁，油脂豐富，甘香甘香。
醋漬鯖魚壽司上面有青蘋果漬物，魚味都好濃郁，肉質柔軟creamy。
炙燒左口魚裙邊壽司油脂豐富，入口即溶，火炙香味勁香，用脆脆紫菜包住食。
清酒蒸鮑魚壽司，鮑魚片超級柔軟，一啲𡁻橡筋嘅感覺都冇，有淡淡的酒香。
大拖羅壽司絕對冇得輸，又知勁香，一啲渣都冇，入口即溶，配上黃芥末子，酸酸哋中和油膩感。
北海道馬糞海膽軍艦，海膽新鮮好鮮甜，Creamy。
最後海膽和牛卷勁正，有齊我最鍾意食嘅兩樣嘢，和牛火炙過，油香充分散發，飯中間夾住一啲酸蘿蔔片中和油膩，再加上面頭嘅海膽，口感綿密，成個壽司口感好豐富。
最後來一碗熱辣辣嘅麵豉湯，入邊有啲蜆肉同埋海帶，味道香得來帶少少鮮甜。
甜品係日本開心果雪糕，唔好睇個樣平平無奇，又真係幾好食喎，開心果味好濃郁好香。呢餐我同老公都食得好滿意。
張貼
