WM咖啡廳

朋友推介，山長水遠去西貢食自助晚餐。果然冇介紹錯冇咗蟹做主題，冇焗蟹蓋、燉湯等。雖然海鮮只有幾款，但麵包蟹大隻多羔、蟹腳新鮮清甜、翡翠螺好淋、大蝦同龍蝦仔就普普通通啦！生蠔唔算飽滿，冇乜海水味。熱食以炆鴨掌最好食夠晒入味，羊架燒得啱啱好，唔會太硬或太生，可惜冇蒸魚、印度咖哩。壽司魚生就一般，沙律有幾款。當晚只有攞和牛漢堡要排隊煎得香香哋，但冇乜牛味。廚師強調係日本米，牛肉有醬汁加埋啲飯一齊食就好味好多臨近聖誕，甜品都有聖誕裝飾。其中呢款白蘭地櫻桃布甸，酒味濃，酸酸哋、暖暖哋，唔太甜幾好食餐廳環舒適，枱與枱之間有距離。坐室外亦可帶寵物。以$5xx的價錢，食物質素唔差，細食嘅朋友都話一定會再嚟