The Grill Room (The Humphreys)

營業中

休息中

之前都嚟過一次同朋友慶祝生日，上次已經覺得好好食，地點又方便，近地鐵站。 今次再嚟感覺更好，店員很親切，細心詢問上菜嘅方式同次序。坐嘅位置有梳化都好舒服，上次食過牛肉他他，今次再encore。千層薯係我食過當中做得最好，本人認為係黎呢度必須試嘅一個dish，真係做到好似酥皮嘅感覺，牛肉他他有少少紅辣，微辣調味加強口感同咬口。天氣凍凍地揀咗個香煎帶子配南瓜雲呢拿籽忌廉湯，個湯好impressive, 夠熱、帶子亦都認真煎過，同出邊南瓜湯最大分別就係有香甜嘅雲呢拿味👍。主菜今次揀咗蕃茄牛面肉扁意大利粉，賣相擺碟嫁靚到似sausage roll，當然無失望啦，應該都係用全旦麵，質地都有cipriani的柔軟度，牛面肉連根好腍，醬汁充滿麵條好入味及濃郁。甜品揀咗Tiramisu, Tiramisu食落去d cream好幼滑，cream、蛋糕和可可粉比例配合得好平均，唔鍾意正宗tiramisu 手指餅太多，呢度做得好好，亦唔覺有酒味。今晚Overall都食得好開心，價錢又合理，相信好快會再encore🤭🤭。