Sol House Oyster Bar and Restaurant

位於荃灣 Sol House Oyster Bar and Restaurant 係2024小妹到訪多次嘅餐廳，生鮮嘅生蠔，金黃香脆嘅雞翼，炸日本甜蕃薯條，每次都係必食指定菜式😂。今次主菜就點了慢煮法式牛根腩配農夫包，牛根腩好腍好入味；西班牙辣椒蒜片紅蝦有驚喜，蝦鮮甜彈牙，薏米粒粒分明有嚼口，沾上濃郁醬汁，惹味可口😋。餐廳推廣凡惠顧晚市單一菜式超過$150，優惠價$10/6隻生蠔，加上用膳環境寛敞舒適，性價比極高💯。