爖月串燒居酒屋

營業中

休息中

如果要食日式串燒，不論食物、環境、定服務態度我都推薦。鐵板牛小排 - 賣相唔算特別靚，但味道一流！牛小排肉質柔軟，油脂豐富而且多汁，配上甜甜地嘅醬汁好好味。雞皮餃子 - 口感外脆內嫩，而且餡料好豐富，係食過最好味嘅雞皮餃子之一。咸牛肉飯團 - 好少見日式日飯團有咁嘅面配搭，更估唔到味道可以咁Match，令整體昇華，呢道菜已經足以令我回頭。橫隔肌- 要左蜜糖芥末同日本芥味，幾有嚼口，味道濃郁。明太子燒饅頭 - 脆香饅頭配上鹹香明太子，別有一番風味，趁熱食更理想。油甘魚鮫 - 魚油香極濃，而且魚肉好柔嫩，就算唔點醬汁都非常好食。燒牛骨髓 - 口感軟嫩細滑，配上蔥末更添香味。