Mata Japanese Cuisine

營業中

休息中

今晚去左 長沙灣廣場三樓搵嘢食呢度有一間好特別好靚嘅日本餐廳，叫meta Japanese cuisine， 入到去裝修好靚，有個大嘅吧檯，客人可以坐喺度同師父食野同傾偈 ，望住個酒櫃同埋吊住啲酒杯好有格調。另外仲有大枱，一班朋友坐底食都得。我同老公2人坐對住師傅，佢好好，可以望住廳房整好食物就拎出嚟，會講解食物，仲係我地面前調酒，幾欣賞啊。先食了炸雞皮，佢都特別揀雞上脾嘅皮，炸到好似薯片咁脆同薄，厲害，加左味粉，香脆惹味。另外仲有木魚，用左西京醋麵豉來做醬，酸甜咁同新鮮木魚好正！第一次咁食，食得出是用心嘅手工菜，好夾好味道。仲嗌左碟腐乳雞肉串，估唔到都好好味，雞肉又燒得岩岩好，吾會老，腐乳味又幾夾，正丫！最後食埋個招牌炒飯，有炸豬皮，豬肉脆，好香又炒到d飯粒粒分明，超好味呀！都好大碟，分2人食都夠飽啊，最後送左2件花生酥，超好味是自製啊，性價比高，推介。