如意

營業中

休息中

今日同朋友慶祝生日～ 食廚師發板～～前菜三點，個蛋好滑，食落好香，仲有魚干仔～ 開胃得嚟又唔會太膩。跟住上刺身四款，白身魚薄切真係切得好薄，入口即化，鮮味十足。火灸時令魚生蠔同赤貝都好新鮮，蠔肉肥美，赤貝爽口，食落好有層次感。大吞拿魚中吞拿魚三文治好特別，吞拿魚肉質鮮嫩，夾住麵包食好有口感。北海道帆立貝配松葉蟹葵，帆立貝鮮甜～ 兩者夾埋好夾。壽司四款都係精選，季節鯛魚好鮮甜，牡丹蝦肉質彈牙，火灸時令魚帶點焦香，海膽三文魚籽好濃郁，食落好滿足。手卷碎蔥吞拿魚腩好香口，吞拿魚腩油脂豐富，碎蔥帶點清新，食落唔會太膩。野菜烏冬好清爽，烏冬彈牙，野菜清甜，食完刺身壽司之後食返啲烏冬，感覺好平衡。最後甜品係水玄餅，口感好特別，清甜得嚟又唔會太甜～ 好味！