影片
更多
2023-11-03
65 瀏覽
性價比高平民上海菜館🤩新北江係我心目中嘅天水圍小型葵廣，不過老實講，近排開咗好多菜檔同水果檔，但都有好多有心嘅小店選擇喺度開舖，走平民路線。平時好少留意到呢條小巷，咁啱見到有間新開嘅上海菜館，價錢優惠，食物種類亦多，小店竟然有新鮮即整嘅小籠包，決定俾個機會試一試！ 食遇上海料理地址: 天水圍天湖路1號嘉湖新北江商場地下A93號舖電話: 95894878=====================粵菜嚟講，我好鍾意上海菜，佢冇北京菜嘅油膩，但要重口味又得，清淡又得，炒麵煨麵菜飯任君選擇😋去得上海菜舖，花雕醉雞係我嘅必選，其次就係擔擔麵！呢度嘅花雕醉雞有例牌同半隻俾大家選擇，我哋兩個人食叫左份例牌，花雕雞汁我帶少少香甜，飲落唔會覺得嗆口，食完舊雞仲偷偷地不左幾啖黎飲🙈唔錯，稍為覺得如果在凍多少少就更好🧊擔擔面湯底嚟講絕對係佢嘅主打，平時食擔擔面最怕就係啲麵食到半路會淋哂，同埋個湯底變成好糊，一pat pat,呢間嘅份量好足夠，要一碗兩個人每人識到兩三碗仔，亦冇出現麵條好林嘅情況，而且我哋叫中辣味道啱啱好，湯底亦濃郁，值得一讚！👍🏻👍🏻我哋嚟嘅時間係晏晝3:30，咁啱係佢哋嘅午餐時間，午餐套餐
新北江係我心目中嘅天水圍小型葵廣，不過老實講，近排開咗好多菜檔同水果檔，但都有好多有心嘅小店選擇喺度開舖，走平民路線。
平時好少留意到呢條小巷，咁啱見到有間新開嘅上海菜館，價錢優惠，食物種類亦多，小店竟然有新鮮即整嘅小籠包，決定俾個機會試一試！
食遇上海料理
地址: 天水圍天湖路1號嘉湖新北江商場地下A93號舖
電話: 95894878
=====================
粵菜嚟講，我好鍾意上海菜，佢冇北京菜嘅油膩，但要重口味又得，清淡又得，炒麵煨麵菜飯任君選擇😋
去得上海菜舖，花雕醉雞係我嘅必選，其次就係擔擔麵！
呢度嘅花雕醉雞有例牌同半隻俾大家選擇，我哋兩個人食叫左份例牌，花雕雞汁我帶少少香甜，飲落唔會覺得嗆口，食完舊雞仲偷偷地不左幾啖黎飲🙈唔錯，稍為覺得如果在凍多少少就更好🧊
擔擔面湯底嚟講絕對係佢嘅主打，平時食擔擔面最怕就係啲麵食到半路會淋哂，同埋個湯底變成好糊，一pat pat,呢間嘅份量好足夠，要一碗兩個人每人識到兩三碗仔，亦冇出現麵條好林嘅情況，而且我哋叫中辣味道啱啱好，湯底亦濃郁，值得一讚！👍🏻👍🏻我哋嚟嘅時間係晏晝3:30，咁啱係佢哋嘅午餐時間，午餐套餐會奉送黑白豆漿一支，$44嚟講有碗大大份嘅擔擔麵，一份酥炸上海排骨，同埋一支豆漿，覺得扺！
呢度嘅點心同甜品係即叫即蒸即製，估唔到一間小店都有小籠包，$32/1份有四隻，皮薄爆汁新鮮熱辣好味！😋😋我哋仲嗌咗鍋貼四隻，亦都係新鮮製造，熱辣辣一有爆汁個底仲脆卜卜，扺食又好味！
食上海野又點少得菜飯？我哋叫咗蒜泥白肉菜飯套餐，多蒜重口味呢啲嘢啱晒我，不過食完個擔擔麵發現自己眼闊肚窄，最後要打包收場，份量好足夠不論係個飯定係啲餸，都食到滿載而歸，醬汁同蒜泥嘅配搭亦好好👍🏻
雖然小店嘅座位一定冇連鎖店食上海嘢咁好坐㗎喇，不過呢間絕對係良心有心小店，大家黎開呢邊不妨黎支持一下，私心推介係即叫即蒸小籠包同埋擔擔面！
#新北江美食 #天水圍美食 #上海菜 #天水圍上海菜 #小籠包 #擔擔面
張貼
