盛記粥麵

營業中

休息中

狀元及第粥$52次次嚟親都必點及第粥，一如既往咁足料，大大碗，配料新鮮又唔腥，豬心有嚼勁，豬粉腸軟腍唔韌，最愛嘅豬膶夠爽脆，個粥亦都好綿滑😍皮蛋瘦肉粥 $36朋友想清啲就揀咗皮蛋粥，味道都唔錯，發揮正常。🐓蒜香南乳雞翼炸鯪魚球$33雞翼即叫即炸脆卜卜，肉質嫩亦醃得好入味，唔會好鹹。鯪魚球大大粒又彈牙，就咁食味道比較寡，蘸上鹹鮮嘅蜆介醬，味道層次即升級不少。🥬蠔油生菜$18新鮮爽脆，撈蠔油係最正。桑寄生蛋茶 $10加十蚊就有喇😱😱，補肝腎，有原隻雞蛋，女仔必加呢十蚊叫番碗補下🤗。