影片
更多
2021-12-23
33 瀏覽
同朋友行開將軍澳周圍搵食，發現呢間新開餐廳，門面好得意咁就決定入去一試。我地8點入座，估唔到都仲有好多人。呢度係自助形式，自己搵位然後出去櫃檯落單揀好要食咩部位同份量職員會喺你面前即切同磅，都幾清晰。 我就揀左西冷牛扒(300gx$0.58)，朋友就叫左封門柳(300gx$0.64)。可以揀蔥油﹑洋蔥油同蒜油，另外加$28可以要埋套餐，有沙律﹑白飯﹑雪糕飲品﹑味噌湯同溫泉蛋 (揀3款) 西冷牛扒330g套餐 ($219)牛扒直接放喺燒熱咗嘅石板上碟，炸炸聲勁吸引，燒到5成熟岩岩好肉質好鬆軟而且有肉汁，好香肉味。上面仲有一大堆我最鐘意既蒜，香味十足。隨餐附有甜甜地嘅燒汁，但我自己比較鐘意原汁原味就冇落，加少少黑椒同喜馬拉雅山岩鹽已經夠。沙律比我想像中好味，因為落咗大量芝麻醬，解膩一流！封門柳336g 套餐 ($243)封門柳不嬲都係打邊爐食多，石板燒真係第一次，出奇食好食！一樣燒到5成熟，肉味非常香濃，岩晒Meat lover。唯獨封門柳筋位較多，比較難切同有D位太硬唔食得，感覺就冇西冷咁抵食啦不過整體尼講都好值得一試。朋友嗌左味噌湯，不過不失，唔會太稀/太咸。食得多肉可以飲啖湯解解膩。
我地8點入座，估唔到都仲有好多人。
呢度係自助形式，自己搵位然後出去櫃檯落單揀好要食咩部位同份量職員會喺你面前即切同磅，都幾清晰。 我就揀左西冷牛扒(300gx$0.58)，朋友就叫左封門柳(300gx$0.64)。可以揀蔥油﹑洋蔥油同蒜油，另外加$28可以要埋套餐，有沙律﹑白飯﹑雪糕飲品﹑味噌湯同溫泉蛋 (揀3款)
西冷牛扒330g套餐 ($219)
牛扒直接放喺燒熱咗嘅石板上碟，炸炸聲勁吸引，燒到5成熟岩岩好
肉質好鬆軟而且有肉汁，好香肉味。上面仲有一大堆我最鐘意既蒜，香味十足。隨餐附有甜甜地嘅燒汁，但我自己比較鐘意原汁原味就冇落，加少少黑椒同喜馬拉雅山岩鹽已經夠。
沙律比我想像中好味，因為落咗大量芝麻醬，解膩一流！
封門柳336g 套餐 ($243)
封門柳不嬲都係打邊爐食多，石板燒真係第一次，出奇食好食！
一樣燒到5成熟，肉味非常香濃，岩晒Meat lover。
唯獨封門柳筋位較多，比較難切同有D位太硬唔食得，感覺就冇西冷咁抵食啦
不過整體尼講都好值得一試。
朋友嗌左味噌湯，不過不失，唔會太稀/太咸。食得多肉可以飲啖湯解解膩。
除左牛扒，都有好多款丼飯: 牛丼、鰻丼、櫻花丼等等。適合細食既朋友或者小朋友。
整體尼講性價比算高，2百幾蚊食到高質石燒牛，有埋side dishes，推薦大家一試。
張貼
