岩盤牛扒 ミディアムレア ステーキ (將軍澳中心)

呢間嘅牛扒一直都好想試，終於可以一嚐佢嘅牛係咪真係咁正。佢食物嘅款式好多，簡直花多眼亂，樣樣都想食，下午茶勁抵，40幾蚊就有個飯加烏冬嘅set，又有幾款拉麵可以揀，但係我嘅目標係食牛，其他嘢食等我食埋呢餐先再諗。我地點咗封門柳同牛柳兩款，我地加錢轉套餐，包一隻溫泉蛋、和風湯同汽水，一人平均160幾蚊都OK。牛肉係即叫即切，保證新鮮封門柳嘅牛味比較出，肉質都夠淋，即便响個鐵板度慢煮，都唔會影響咗佢嘅肉質。蒜味夠香，我冇諗過佢會比咁多。牛柳就真係比下去，店內都有介紹過封門柳嘅牛味係第一，牛柳係爭啲嘅，但係冇理由兩個人叫同一款嘢。雖然佢個牛味係冇咁突出，但係肉質同樣都夠淋。我哋改set加多兩個小食同汽水，我哋同樣都係點咗個溫泉蛋、和風湯 ，溫泉蛋就正常嘢，和風湯就麻麻地，感覺似一堆下欄嘢煲出嚟嘅湯，味道一般。店內唯一嘅特色係NO SERVICE，由攞餐到食完放去回收架都係自己嚟，唔好諗住比百幾蚊會有咩服務，所以大家要學習一下自律。有機會我反而會想試下佢個下午茶餐，希望會再為大家報導。…查看更多

午市選了去岩盤牛扒食lunch叫咗牛肉烏冬麵，超級抵食$35仲要加埋嘢飲，整體感覺好有誠意牛肉烏冬湯底清爽，牛肉切得薄身，咬落去有口感，但唔會好韌，吸收湯味後更好味烏冬煙韌，咁抵嚟講質素唔錯飲品方面仲要配埋峰提子，甜度適中，配搭牛肉料理有解膩效果。整體唔花巧，但食得舒服，適合想靜靜地食一餐、唔需要太多裝飾多…查看更多

平時見呢間嘢都唔少人幫襯，聞落好似好香咁，今日行過見到就試一試。職員即時切牛肉，切完之後佢會問你呢個克數得唔得，得嘅話就會話俾你聽幾多錢，可以加$32轉套餐，份量都唔少。塊鐵板上嚟嘅時候都幾熱，話有300度，但塊牛柳未切完就已經冇晒渣渣聲了，比想像中凍得快，但係都夠熱了。我鍾意牛柳係比較瘦，但係佢牛味就冇封門柳咁重，醬汁偏重味，同埋個湯嘅牛肉都係重味嘅，但係我就唔係太鍾意個湯。撈埋個溫泉蛋一齊食唔錯。封門柳牛味比較重，口感比較腍身，朋友鍾意食呢個多啲。成個套餐份量都幾多大家食完都好飽，總括嚟講呢間嘢可以試一次😁…查看更多

上次食咗覺得好難食，今次諗住比第2次機會佢以為係外賣先失準首先，食咗舊肉好老好鞋，同上次食外賣一樣，另外牛冇味，啲醬係冇味，飯都冇味，最好食係隻蛋，起碼叫有啲味，呢碗飯仲要80幾😓😓，不如去S記仲開心，唔知點評論呢碗野，非常失望，下次唔會再幫襯唯一可以讚嘅係擺盤算整齊（？唔明點解會禁多人排隊食，定其實係我唔好彩總括而言，就係好難食🙏🏻🙏🏻📍岩盤牛扒 ミディアムレア ステーキ (將軍澳)將軍澳唐德街9號將軍澳中心1樓173號舖…查看更多

從來未食過咁難食嘅牛肉飯，叫咗兩個櫻花丼兩碗飯嘅牛肉都係過熟，超級硬🤯🤯啲飯濕到好似食粥咁樣，唔計飲品嘅話要$91一碗😨😨😨 呢個質素$30都唔值🫠當時一見到碗飯嘅時候，即刻俾佢好似乾柴柴咁樣嘅牛肉嚇親😓 雖然係圖片只供參考，但都唔洗相差咁遠掛？碗飯基本上我只係食咗三啖就冇再食過⋯⋯真係冇食過質素咁差嘅食物完全唔建議大家嚟食，希望餐廳可以正視一下食物質素嘅問題咁樣完全係唔尊重食客，絕對不能夠接受，非常失望！…查看更多