影片
更多
2025-06-12
331 瀏覽
呢間嘅牛扒一直都好想試，終於可以一嚐佢嘅牛係咪真係咁正。佢食物嘅款式好多，簡直花多眼亂，樣樣都想食，下午茶勁抵，40幾蚊就有個飯加烏冬嘅set，又有幾款拉麵可以揀，但係我嘅目標係食牛，其他嘢食等我食埋呢餐先再諗。我地點咗封門柳同牛柳兩款，我地加錢轉套餐，包一隻溫泉蛋、和風湯同汽水，一人平均160幾蚊都OK。牛肉係即叫即切，保證新鮮封門柳嘅牛味比較出，肉質都夠淋，即便响個鐵板度慢煮，都唔會影響咗佢嘅肉質。蒜味夠香，我冇諗過佢會比咁多。牛柳就真係比下去，店內都有介紹過封門柳嘅牛味係第一，牛柳係爭啲嘅，但係冇理由兩個人叫同一款嘢。雖然佢個牛味係冇咁突出，但係肉質同樣都夠淋。我哋改set加多兩個小食同汽水，我哋同樣都係點咗個溫泉蛋、和風湯 ，溫泉蛋就正常嘢，和風湯就麻麻地，感覺似一堆下欄嘢煲出嚟嘅湯，味道一般。店內唯一嘅特色係NO SERVICE，由攞餐到食完放去回收架都係自己嚟，唔好諗住比百幾蚊會有咩服務，所以大家要學習一下自律。有機會我反而會想試下佢個下午茶餐，希望會再為大家報導。
我地點咗封門柳同牛柳兩款，我地加錢轉套餐，包一隻溫泉蛋、和風湯同汽水，一人平均160幾蚊都OK。牛肉係即叫即切，保證新鮮
封門柳
$154
28 瀏覽
0 讚好
0 留言
封門柳
260 瀏覽
0 讚好
0 留言
封門柳嘅牛味比較出，肉質都夠淋，即便响個鐵板度慢煮，都唔會影響咗佢嘅肉質。蒜味夠香，我冇諗過佢會比咁多。
牛柳
$171
17 瀏覽
0 讚好
0 留言
牛柳就真係比下去，店內都有介紹過封門柳嘅牛味係第一，牛柳係爭啲嘅，但係冇理由兩個人叫同一款嘢。雖然佢個牛味係冇咁突出，但係肉質同樣都夠淋。
我哋改set加多兩個小食同汽水，我哋同樣都係點咗個溫泉蛋、和風湯 ，溫泉蛋就正常嘢，和風湯就麻麻地，感覺似一堆下欄嘢煲出嚟嘅湯，味道一般。
店內唯一嘅特色係NO SERVICE，由攞餐到食完放去回收架都係自己嚟，唔好諗住比百幾蚊會有咩服務，所以大家要學習一下自律。
有機會我反而會想試下佢個下午茶餐，希望會再為大家報導。
張貼
