岩盤牛扒 ミディアムレア ステーキ (將軍澳中心)

呢間嘅牛扒一直都好想試，終於可以一嚐佢嘅牛係咪真係咁正。佢食物嘅款式好多，簡直花多眼亂，樣樣都想食，下午茶勁抵，40幾蚊就有個飯加烏冬嘅set，又有幾款拉麵可以揀，但係我嘅目標係食牛，其他嘢食等我食埋呢餐先再諗。我地點咗封門柳同牛柳兩款，我地加錢轉套餐，包一隻溫泉蛋、和風湯同汽水，一人平均160幾蚊都OK。牛肉係即叫即切，保證新鮮封門柳嘅牛味比較出，肉質都夠淋，即便响個鐵板度慢煮，都唔會影響咗佢嘅肉質。蒜味夠香，我冇諗過佢會比咁多。牛柳就真係比下去，店內都有介紹過封門柳嘅牛味係第一，牛柳係爭啲嘅，但係冇理由兩個人叫同一款嘢。雖然佢個牛味係冇咁突出，但係肉質同樣都夠淋。我哋改set加多兩個小食同汽水，我哋同樣都係點咗個溫泉蛋、和風湯 ，溫泉蛋就正常嘢，和風湯就麻麻地，感覺似一堆下欄嘢煲出嚟嘅湯，味道一般。店內唯一嘅特色係NO SERVICE，由攞餐到食完放去回收架都係自己嚟，唔好諗住比百幾蚊會有咩服務，所以大家要學習一下自律。有機會我反而會想試下佢個下午茶餐，希望會再為大家報導。…Read More

呢間餐廳成日响門口經過，但一次都未食過，因為人太懶，唔係好鍾意去啲要自己serve自己嘅餐廳食，難得同事有興趣試，就試一試吧。門口有點餐機，可以自己點餐又或者去counter搵姐姐落單。我們點了鰻魚丼和牛肉溏心蛋烏冬，跟餐要了沙律。鰻魚丼幾好，鰻魚厚實，口感同味道都唔錯，份量剛好。不過同事對牛肉溏心蛋烏冬卻有些失望。雖然牛肉的質感不錯，溏心蛋也OK，但整體的份量似乎不夠，吃不飽。沙律菜都算新鮮，但醬汁似乎加得有些多，偏鹹。見隔離枱好多人食鐵板餐，下次試下。…Read More

午市選了去岩盤牛扒食lunch叫咗牛肉烏冬麵，超級抵食$35仲要加埋嘢飲，整體感覺好有誠意牛肉烏冬湯底清爽，牛肉切得薄身，咬落去有口感，但唔會好韌，吸收湯味後更好味烏冬煙韌，咁抵嚟講質素唔錯飲品方面仲要配埋峰提子，甜度適中，配搭牛肉料理有解膩效果。整體唔花巧，但食得舒服，適合想靜靜地食一餐、唔需要太多裝飾多…Read More

平時見呢間嘢都唔少人幫襯，聞落好似好香咁，今日行過見到就試一試。職員即時切牛肉，切完之後佢會問你呢個克數得唔得，得嘅話就會話俾你聽幾多錢，可以加$32轉套餐，份量都唔少。塊鐵板上嚟嘅時候都幾熱，話有300度，但塊牛柳未切完就已經冇晒渣渣聲了，比想像中凍得快，但係都夠熱了。我鍾意牛柳係比較瘦，但係佢牛味就冇封門柳咁重，醬汁偏重味，同埋個湯嘅牛肉都係重味嘅，但係我就唔係太鍾意個湯。撈埋個溫泉蛋一齊食唔錯。封門柳牛味比較重，口感比較腍身，朋友鍾意食呢個多啲。成個套餐份量都幾多大家食完都好飽，總括嚟講呢間嘢可以試一次😁…Read More

上次食咗覺得好難食，今次諗住比第2次機會佢以為係外賣先失準首先，食咗舊肉好老好鞋，同上次食外賣一樣，另外牛冇味，啲醬係冇味，飯都冇味，最好食係隻蛋，起碼叫有啲味，呢碗飯仲要80幾😓😓，不如去S記仲開心，唔知點評論呢碗野，非常失望，下次唔會再幫襯唯一可以讚嘅係擺盤算整齊（？唔明點解會禁多人排隊食，定其實係我唔好彩總括而言，就係好難食🙏🏻🙏🏻📍岩盤牛扒 ミディアムレア ステーキ (將軍澳)將軍澳唐德街9號將軍澳中心1樓173號舖…Read More

從來未食過咁難食嘅牛肉飯，叫咗兩個櫻花丼兩碗飯嘅牛肉都係過熟，超級硬🤯🤯啲飯濕到好似食粥咁樣，唔計飲品嘅話要$91一碗😨😨😨 呢個質素$30都唔值🫠當時一見到碗飯嘅時候，即刻俾佢好似乾柴柴咁樣嘅牛肉嚇親😓 雖然係圖片只供參考，但都唔洗相差咁遠掛？碗飯基本上我只係食咗三啖就冇再食過⋯⋯真係冇食過質素咁差嘅食物完全唔建議大家嚟食，希望餐廳可以正視一下食物質素嘅問題咁樣完全係唔尊重食客，絕對不能夠接受，非常失望！…Read More

第一次覺得難食到要寫評論😠 原本見到有差評，但價錢好抵，差評又唔係咁多，以為唔會中伏…呢間野真係唔會再幫襯，3個人叫左3樣嘢食，3樣都超唔掂😣 牛排起碼有1/3係筋，硬到切唔到；牛肉丼飯更加係又乾又無味，啲牛肉過晒火，老身到唔想食；烏冬就好少少，起碼正常味。雖然餐廳係免加一，我對服務態度都唔會有任何期望，但係職員態度真係差到離譜。難聽啲講，去食大x樂仲好過佢… 總結就係 大家如果有太多錢 想買難受就去食～🙌 …Read More

牛柳丼飯，飯淋到似食糊仔 ，牛柳well done 加無味。要九十蚊，連三十蚊都覺得唔抵事後諗返星期日午餐時間，入面都唔使等位，隔離啲舖頭就排曬長龍就知道出事估唔到間餐廳喺度咁多年但係都係咁嘅水準，完全唔明白點解仲可以生存到。。。。。。。。。。。。難食到最後尾都食唔曬，寧願再去第二間餐廳再買。餐廳的確係比較乾淨。之後真係好肚餓唔想排隊嘅時候入願意比高出幾倍價錢嘅選擇。但係我應該唔會有第二次。希望餐廳可以轉另一間餐廳有更好嘅選擇。…Read More

這家在將軍澳中心的無加一抵食牛扒飯，這裡的一大亮點是餐廳不收取加一服務費，頗抵食。連最近大熱的挽肉都有。⭐️現煎和牛挽肉配夢王蛋飯現煎和牛挽肉配夢王蛋飯。和牛挽肉鮮嫩，搭配上溏心的夢王蛋，蛋黃流出的瞬間，與米飯和肉類相互融合，口感十分滑順。⭐️富士山石板牛扒餐餐廳最近還推出了富士山石板牛扒餐，富士山飯非常吸睛，牛柳經過烹調，外焦內嫩，搭配上熱石板，粟米墊底，今日我哋保持最佳的食用溫度。每一口都充滿了牛肉的香氣當。⭐️鐵板牛扒及司華力腸這道菜的牛扒火候掌握得恰到好處，搭配香脆的腸，口感豐富，⭐️雙溫泉蛋牛丼 有兩隻流心蛋，配搭牛肉，不過牛肉有些乾，如果加些醬汁會更好。⭐️薯條薯條炸得香脆。⭐️橙汁⭐️檸蜜罐裝果汁飲品配牛肉飯最好。…Read More

之前經過門口都想食呢間既鐵板但感覺可能有d貴今晚收工見到門口既餐牌 又唔貴啵 就叫埋屋企人一齊過去食星期五既夜晚 特別多人 要排隊orderMenu款式都幾多 睇到好難🤯選擇😆另一個叫左呢排新推出既”和牛漢堡扒配夢王蛋配白飯”漢堡扒表面少許煎香 入口軟綿又夠Juicy! 配埋夢王流心蛋正黃 加埋飯一齊食 更顯蛋味香另外再額外加左三文魚子, 鵝肝, 帆立貝富士山石板牛扒飯套餐封門牛柳預先透過廚師高溫煎香兩邊，再放上鐵板加熱，已經好香,拎餐後即刻淋上醬汁，食落牛肉鮮嫩帶juicy! 飯都幾特別 設計成富士山咁 幾靚! …Read More

小時候已經很喜歡吃鐵板餐，喜歡醬汁澆上鐵板上的ja ja聲，非常有儀式感！最近吃了這家岩盤牛扒餐廳，重拾了我的童年回憶！富士山石板牛扒餐十分精美，精緻的富士山特色飯🗻打卡拍照一流，顏色很好看！肉類選擇了牛柳，肉質厚厚啖啖肉，牛肉味十分濃，而且用鐵板燒可以自己控制熟度，很滿意👍🏻另外點了最近很hit的和牛漢堡扒，這個不是鐵板餐，比較像丼飯，上菜時更配有夢王蛋。和牛漢堡扒外層烤得很香，但又保留肉汁，很juicy。夢王蛋汁配搭著和牛漢堡真是超讚的味道，口感很豐富，還原日本吃的好味道第一次吃冬甩雪糕，新鮮即炸起的冬甩，配搭冰冰凍凍的雪糕，新鮮組合卻是味覺的享受，喜歡飯後甜品的一定要試試！黑牛是用朱古力雪糕配可樂，而金牛則是芒果雪糕配忌廉汽水，完全是童年的味道，超好味！…Read More

岩盤牛扒新推出挽肉系列以嚴選和牛製成既漢堡扒兩面煎3至4分鐘鎖住肉汁再加隻日本無菌夢王蛋和牛非常香，而且油份重飯粒撈埋夢王蛋蛋香十足富士山封門柳鐵板上放上原粒多汁粟米封門柳預先煎香兩邊再放上鐵板用熱力加熱我們切成小塊，兩邊煎多4分鐘大約8成熟非常有咬口富士山飯非常神似鰻魚飯大大碗鰻魚兩大塊價錢都幾抵飽肚之選另加$19 可以選飲品加湯玄米茶 茶香加埋玄米非常清爽和風牛肉湯昆布湯底夠晒日式雪糕冬甩即叫即炸金黃色非常脆雪糕係芒果味非常香甜…Read More

今日我去咗岩盤牛扒，試咗佢哋嘅富士山石板牛扒餐（牛柳），整體經歷非常滿意！首先，牛柳嘅質素非常出色，肉質鮮嫩，經過石板烹調，保持住咗肉汁，令每一口都充滿鮮味。我選擇咗五分熟，肉面外焦香，內部卻保留咗適當的粉紅色，咬落去既有嚼勁又唔乾柴，真係好享受！搭配上特製嘅醬汁，更加提升咗整個味道，香氣四溢。米飯方面，佢哋精心設計成富士山形狀，不單止好睇，味道亦唔錯。米飯粒粒分明，口感鬆軟，搭配牛肉一齊食，有種完美嘅搭配感。碟邊嘅甜玉米亦係一個好嘅選擇，甜味適中，為整個餐點增添咗一份清新感。店內環境舒適，服務態度亦相當親切，令我有種賓至如歸嘅感覺。每一道菜都上得快，讓我可以盡快享受美味的牛扒。總括來講，岩盤牛扒嘅富士山石板牛扒餐絕對值得一試，不論係牛肉質素、米飯造型，定係整體用餐體驗，都令我非常滿意。下次我一定會再來，期待試更多美味嘅選擇！…Read More

今日同男朋友去咗食石燒牛諗咗好耐都唔知食咩好 因為太多選擇最後我哋揀咗200 g嘅肉眼再加咗$32套餐😎個職員會即場切舊肉俾我哋佢切多咗 就貴咗😒不過overall覺得幾好食牛肉係Lam嘅🤪蒜蓉有好多啱晒重口味嘅人🤓…Read More

將軍澳中心有隱世、按g 計算食的牛肉，又高質性價比又高，岩哂食放題樂易飽既我，它原來是一間連鎖式的牛扒店。燒牛丼（L)$72加$19升級成為套餐 升級套餐選擇了沙律和飲品（可樂），燒牛肉是厚切牛肉，比較煙靭不過牛肉味很重，而且飯量也有很多，男士都很足夠飽！港式鐵板牛扒配司華力腸 $88最近新出了港式鐵板，牛扒又大又鬆軟，再配上司華力腸，很有傳統的港式風味，重點重點！醬汁是另外上，自己加入去的，很懷舊！牛扒（牛板健210g） 加$32升級成為套餐 再加$15 轉木魚絲三文魚子溫泉蛋海苔飯利用300熱度既板，將牛板健煮熟。📍地址：岩盤牛扒 ミディアムレア ステーキ (將軍澳中心) (將軍澳)將軍澳唐德街9號將軍澳中心1樓173號舖 #香港美食 #香港探店 #香港旅游攻略 #香港 #香港生活 ＃我的美食日記 #美食日常 #美食探店 #探店 #人氣打卡餐廳 #香港美食推薦 #將軍澳中心 #將軍澳中心美食 #將軍澳中心探店 #牛扒 #西餐 #石燒牛扒 #岩盤牛扒 #香港旅遊必吃 …Read More