賀天

營業中

休息中

繼續喺將軍澳海天晉匯商場，呢個新商場發掘下有咩好嘢食。見到有間開咗冇耐嘅日本壽司店「賀天」，即刻有衝動入去試吓🤤呢間壽司店，環境好寬敞，裝修幾靚。除咗有大廳之外，仲有三間榻榻米房，另外仲有戶外嘅座位，方便讓寵物嘅人士。我同朋友叫咗兩個午餐定食，另外加咗一個時令刺身😚🥢時令刺身包括有蝦🦐、帶子、三文魚腩🔹刺身非常新鮮、好厚身好鮮甜🤤🥢松 . 江戶前手握 . 七本時令壽司🍣七本時令壽司包括有海膽、右口魚、三文魚腩、甜蝦、拖羅魚腩、油金魚、吞拿魚🔹吞拿魚小卷三件🔹安格斯牛肉烏冬🔹和風沙律、日式蒸蛋🥢竹 . 手握精選六本日替壽司🍣 六本日替壽司包括有帶子、右口魚、三文魚、油金魚、甜蝦、吞拿魚🔹安格斯牛肉烏冬🔹和風沙律、日式蒸蛋壽司件件都好好食，最有驚喜就係「右好魚」，左口魚就食得多，師傅話原來「右口魚」先至係最滑最正，入口即溶嘅感覺係無法形容😆安格斯牛肉烏冬都唔錯，烏冬好彈牙，安格斯牛肉好滑好有肉味😚呢間壽司店，食物質素整體不錯，特別係環境一流。如果一大班朋友，可以坐喺榻榻米房，一定食得好盡興❤️