賀天

營業中

休息中

從來冇寫過食評，第一次獻俾呢間日式餐廳會寫食評嘅原因係真心希望呢間日本餐廳可以繼續做落去-喺將軍澳試過好多唔同嘅餐廳，有好多間都係中庸冇驚喜，而且價錢貴-呢間餐廳雖然講唔上係好平，屬於中價位，但係刺身真係好新鮮，份量同質素算對得住呢個價錢每個丼飯都係$200左右，有湯品同漬物我哋今次選擇咗嚟食晚餐，坐喺露天位置，遠望將軍澳南拱橋，食住美食傾吓偈，過咗一個愉快嘅週末晚上-相信遲啲樓下嘅公共空間工程完成，呢度嘅景色一定更加靚

五人聚會, 點了天婦羅, 炙燒三文魚, 壽喜燒, 廚師精選,超過四人埋單還有85折優惠, 另外設有即場抽獎, 送了三文魚刺身一份和 一蚊換雪糕。 性價比嘅高的用心日本菜， 開業幫襯到而家，一直都沒令我失望 ，會繼續再去.......

When it comes to Japanese cuisine, there's no compromise for quality and freshness. This recently frequented sushi restaurant in Tseung Kwan O ticked all these boxes in an extraordinary way.Sushi, the main event here, is a true delight to the senses. The rice, an often-underappreciated component of sushi, is cooked to perfection. It maintains a delicate balance between firmness and fluffiness, subtly seasoned with the right amount of vinegar. This provides a wonderful base for the seafood that i

今日同老公2人撐枱腳食日本野，都未試過呢一間，所以就揸車入咗去試吓囉咁個停車場都好闊落嘅同埋都冇乜車泊大把位，嗰個商場呢消費滿$100已經有兩個小時免費泊車㗎喇！所以我就揸車入去囉！我見佢啲set就好似都唔係好抵食。跟住散叫就叫啲自己鍾意食嘅嘢囉，唔使夾硬食佢一次過拼埋嘅嘢！所以呢我哋就散叫其實呢散叫真係叫咗好多嘢食同埋好鬼飽！食到捧住個肚走，爭啲想嘔飽到😆😆😆香港女仔眼闊肚窄個個都係咁😌我老公都話OK。不過如果佢嗰個吞拿魚蓉嘅手卷就唔係幾好食囉！好似唔係好夠新鮮😅佢都出咗啲coupon扱印仔，儲夠15個可以減$150總之每10個好似-50 😌唔記得係咁上下！其實晏晝食就抵啲，因為都係每人食一個set。咁如果佢可以儲埋一次過用啲人仔積分嘅話就抵啲囉，一次過可能減$150.1個set等於買兩個set兩個人去都係等於1個set嘅費用！

將軍澳站近海皮好多餐廳揀但大都比較貴，賀天暫時仲係我最愛食的又食最多嘅日本餐廳之一（可以說是首選日本菜）地方：寬敞開陽（有室外方便帶狗狗人士）食物質素：高（新鮮魚生）飽足程度：10分 （尤其係中午抵食仲有茶碗蒸）優惠：100蚊一個印仔（5個可以當50蚊用）地點：商場地點雖不眾（其實好簡單將軍澳站A 出口向海皮直行差不多到尾，向右行入巷子就會發現商場）晚餐都有set 都唔算貴但就無午餐咁多選擇，午餐真係無得頂啊，勝價比特別高

第一次黎賀天呢間日本餐廳食飯，今次黎慶祝母親節🥰入到去之後到完餐，服務態度很好，店員都十分幫忙，安排咗榻榻米房俾我哋。環境舒適，都乾淨，同屋企人一齊食，感覺幾好👍🏻好有氣氛！食物黎講，都算可以啦。我哋無叫套餐，都係單點，4個人食最後埋單hkd$1700左右，比想像中貴。先黎嘅有2份前菜，餸下啤酒不錯👌🏻刺身同壽司算新鮮，價錢唔係貴，但質素比外面食的一般。我哋有叫到燒牛舌，反而幾岀色😛仲有叫和牛炒飯，我哋都覺得係全部食物入面最好食的🤣雖然有啲咸，但熱辣辣咁食，十分之好味😋

我今天去咗一間日式餐廳，試咗佢哋嘅三色刺身丼。這道菜式係由三種不同嘅生魚片，即三文魚、吞拿魚同埋甜蝦，配以白飯、海苔、醬油同埋芥末而成。首先講講壽司飯，我覺得飯的口感比較緊實，但有啲偏硬，可能因為我本身喜歡較軟身嘅飯，所以有啲不習慣。不過，飯粒都煮得恰到好處，不會太硬或太軟。至於生魚片，三文魚同甜蝦都新鮮，質量都好，而吞拿魚就有啲普通，質感有啲粗糙。但係，我覺得呢個菜式嘅優勝之處在於三種魚片嘅調味，因為唔會太鹹或太淡，食落味道平衡，而且加上啲芥末，更增加啲風味。不過，我都想提返意見係啱啱嗰啲配料嘅份量好少，只有一啖啖嘅份量，有啲令人失望。同樣地，醬油同芥末嘅份量都少咗啲，可能需要要求服務員加多啲嘅份量。總括而言，我認為三色刺身丼係一個不錯嘅選擇，價格合理，味道平衡，但啲配料同份量可以再加強啲。如果你係魚生愛好者，你可能會喜歡呢道菜。

唔知係咪因為坐室外，我哋點了一客爐端燒牛肉套餐，每隔五分鐘爐下面嘅酒精塊已經得返一點火焰，根本已經不能再煮食。食左一個鐘左右，已經無火左四次，每次要求更換都要等五至十分鐘先有人過嚟換。可想而知啲牛肉由浸油再吸返曬d油變成乜嘢狀態。仲要每次都只係肯換半塊酒精塊。我哋曾要求可否多一點酒精塊或大塊一點，唔使每舊肉都未熟又要再換，但待應卻無視。其中一次要求完更換後，待應掛住同另一張枱落單，完全忘記咗我哋既要求，直至要再襟鐘先有人記得。好啦，到第四次，同個待應反影想搵經理講吓個情況但完全冇理我哋。再襟鐘另一個女待應走埋嚟，我又問佢可唔可以搵經理傾吓？佢話今日冇經理。咁我就直接同佢反映個情況，話俾佢聽啲火根本就唔夠力燒啲牛肉，每嚿肉未燒熟已經要換酒精塊。佢竟然答我，呢啲爐端燒碟傳熱係冇咁好。真係激死！講緊嗰火嘅問題，佢答我隻碟！人哋個設計原本就係可以燒熟啲牛肉，只不過係佢個火力唔夠，又遲遲唔更換先會有咁嘅問題！跟住個待應仲要話其實佢已經問咗同事，嗰幾次更換既時候，都仲有火。我答佢，火柴咁大嘅火吖嘛，點燒呀？！啲肉已經完全冇晒反應，完全唔係喺一個煮食嘅狀態！佢講左句唔好意思就走左。個時我d 肉都未食

這天和朋友到賀天吃午餐，平日午餐定食款式好多，熱食和刺身都有，價錢由$100至$300左右。我們選擇了牛肉壽喜鍋套餐，另外散叫了五款壽司，剛好餐廳有買一送一優惠，非常抵食安格斯牛肉壽喜鍋：這個套餐其實還有前菜沙律和茶碗蒸，壽喜燒好足料，牛肉和蔬菜份量都好多，材料都新鮮，湯底好甜 壽司買一送一：我們點了油甘魚、火焰右口魚裙邊、三文魚子、玉子和北海道海膽，全部都好好味 特別推介玉子壽司，因為質感好特別，好像海綿蛋糕的口感，蛋味濃郁 另外油甘魚和右口魚裙邊都充滿油香，每次食壽司都會點 北海道海膽亦非常鮮甜，份量好多，買一送一真是超值兩個人埋單連加一只需要$365，大滿足，相信好快又會再過來 encore

炸野超厚粉，可以同黃夏惠比過，真心難食。蠔仔鍋正常有好多隻冇味蠔同大量娃娃菜相伴。經歷完上面既野，最後魚生飯冇晒心機影，啲飯落左好多壽司醋，酸到好怪，魚生係正常。餐廳裝修同環境真係唔錯，真心搞下個廚房，唔好浪費左個位。

賀天這間日式西餐廳環境頗舒適，而且裏面有兩間大房可以坐榻榻米，和家人一起來吃，環境感覺新鮮又有趣，而且家人在一間日式房內進食晚餐，吃飯談天，非常好氣氛！食物都非常高質素，先來的刺身都是非常新鮮，而且有不同款式的壽司，作為前菜都是十分不錯的選擇！我們甚至點了燒牛肉，他會提供一個小爐讓我們自己燒，材料新鮮，燒後都是非常入味👍🏻假若帶同小朋友去，都不用擔心，因為他們都有很多美味的拉麵、烏冬等提供，小朋友都非常適合❤️❤️❤️

香港有很多新派日式居酒屋，日式料理款式選擇多元化，基本上你想得到的日式料理都有，種類之多，日本當地的居酒屋也及不上。歸根究底，香港的日式居酒屋其實已經超出居酒屋的範疇，更正確地說，已經是一間綜合日式餐廳。【賀天】也是其中一間。採用淺色木材作為主要裝修材料，加上天花的日系風格圖案，突顯了居酒屋嘅裝修風格。靠近門口一邊又有三間榻榻米個室，加重了東瀛風味。秋冬時分，如果碰巧室外有陽光、又沒有海風，露天長廊的座位區也是一個相當不錯的選擇。打開餐牌，差不多每款日式料理都有齊。雖然每種料理的款式選擇不多，但已夠花多眼亂，如果有選擇困難症，也要考慮一段時間才能決定。六本壽司拼海鮮太卷（$168）採用赤醋飯制作壽司，食材分別係三文魚腩、帆立貝、中とろ、火炙左口魚裙邊、熟蝦及油甘魚。壽司外型幾好，食材新鮮度及味道方面亦相當不錯，固然好吃過迴轉壽司店，亦好味過很多同級居酒屋。太卷的食材也不差，除了漬蘿蔔、青瓜及玉子之外，亦有其他魚生，但就冇必要地加入人造蟹柳，影響了太卷的級數。未試過在居酒屋吃過真正好味的日式拉麵，今次也沒有例外。鹿兒島雞白湯拉麵（$118）的湯底竟然呈現啡色，同雞白湯完全無法聯想有任何關

新年菜單没有图片, 點了壽喜鍋及燒活鳗鱼飯. 壽喜鍋没配白飯, 鳗鱼飯没蒸蛋而且鳗鱼也不新鲜, 埋單價錢是平日差不多两倍, 店家菜單玩嘢, 不老實, 勁失望, 以後不会再幫襯.

將軍澳新開嘅日料，味道比想像中好，環境又幾靚，價錢都算親民絕對cantry🫶🏻。室內有榻榻米和室位，室外坐露天位吹下風一樣咁chill，好啱家人聚餐呢😝。✏️美國牛小排壽喜燒鍋 $188 🍎8/10湯底甜味更重一點，牛小排不算非常嫩滑，使用日本蛋嘅緣故，味道並唔腥，配菜嘅大蔥、金菇、蔬菜都屬正常發揮，配珍珠米飯很飽足，美中不足係冇一個爐熱住🥹。✏️軟殼蟹卷 $88 🍎8/10軟殼蟹很酥，外層嘅蟹子很鮮脆，包住青瓜絲同沙律醬，簡單的配搭已經很fresh，✏️賀天卷 $68 🍎8/10賀天卷以燒汁鰻魚做topping，包住牛油果、香甜燒玉子同蟹柳，炙燒的味道很重很香，魚肉頗滑，唔會食到成口軟刺，大滿足❤️。✏️燒牛舌 $58 🍎10/10大推哩個牛舌，一啲都唔韌，外脆內軟滑，超級惹味香口。✏️露荀豚肉卷 $48 🍎6.5/10豚肉較薄，露荀有點過淋，同牛舌比大相逕庭🫡。

將軍澳真係多餐廳到食唔晒😜次次放假過黎又人多車多，揾到呢面嘅停車場係冇乜人嘅，所以通常泊呢邊揾食再行下新世界超市同Donki今次試下呢間有海景又裝修仲好新淨嘅日本餐廳，竟然星期六日都有lunch set，睇個價錢都幾抵食，都係$100頭咁樣，選擇亦都有好多，有刺身、壽司、天婦羅或者壽喜燒🍤天婦羅蕎麥麵去親日本餐廳都會叫天婦羅😆我覺得天婦羅整得好食嘅話，其他嘢都應該唔差，因為天婦羅嘅技巧比較多😁呢個天婦羅有兩隻蝦、冬菇、南瓜、番薯，份量算係幾多，炸粉好薄同埋好脆，上枱嘅時候熱辣辣，隻蝦size正常，肉身彈牙，都新鮮嘅，其他蔬菜都整得好好，餐仲有沙律、蒸蛋、麵豉湯，好飽飽總括來講呢間餐廳係幾好食，要讚下佢嘅餐具都好靚，下次嚟試吓夜晚set😋