喰楽

營業中

休息中

每次黎到駱駝漆呢層都會聞到好香，終於約到今晚嚟試吓。壽喜燒嚟講呢個定價都唔算好貴，叫咗赤身和牛同霜降和牛餐，二人份量會放埋一齊，每一塊店員都會幫手燒埋。霜降和牛淨係睇個樣已經知好食，雪花分布超靚，好似大理石紋咁。 最鍾意沙巴當，即係上肩里脊肉，近乎入口即溶超級香，點埋蘭王蛋好滑。三筋肉，即係牛板腱都唔錯，軟滑得黎中間嘅筋腱有啲彈牙咬口。後腿肉同上肩肉雖然明顯瘦啲，但肉味濃好多。 因為火候控制得好，肉質軟腍，同霜降和牛相比其實都唔遜色。最後嘅濕炒飯用返壽喜燒汁加蛋同牛肉片去炒，以為一樣味會好膩，估唔到風味完全唔同，紫菜飯素好香好夾。