十八夢

好多朋友都介紹過呢間餐廳，見到呢度嘅環境好靚，而且仲有live Band，一直都好想嚟試吓，今日終於有機會啦。適逢聖誕節仲有聖誕套餐，而且價錢都好平，仲有樂隊演奏聖誕歌，好有聖誕氣氛。我哋今日叫咗呢個聖誕套餐有五道菜，而我自己最欣賞嘅就係呢個魚子醬意粉，魚子醬濃郁嘅味道加埋意粉到好夾，而且意粉煮得啱啱好，口感同味道上都令兩者大大加分，本身朋友唔太鍾意食魚子醬都大讚啊。另外，佢嘅主菜豬肋骨都好出色。佢唔係用咗好重嘅調味，但係本身已經煎得好香，雖然係豬排，但咬落竟然有牛肉入口即化嘅感覺，真係好難忘。最喜出望外嘅係，估唔到聖誕節佢除咗有演奏之外，仲有聖誕老人出嚟派禮物同埋影相，而且仲一人有一份，我同朋友各自拎咗一套好靚嘅聖誕碗碟套裝，真係好開心。估唔到咁平嘅價錢可以食到咁高質素嘅食物，而且仲有禮物收，下次節日都一定會再嚟啊。