築地日本料理 (金百利廣場)

營業中

休息中

Item: 築地日本料理 (金百利廣場)
Rating: 5
Author: a0201776

Tsukiji Japanese Restaurant (Island Beverley)

993 食評

味道

環境

服務

衛生

抵食

24549

銅鑼灣

$101-200

日本菜壽司/刺身烏冬咪嘥嘢食店

881

資訊:
餐廳:	築地日本料理 (金百利廣場)

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

a0201776

等級4

108

朋友即興約食飯，地點選擇銅記，經過一番篩選後最終決定食呢間築地日本料理 (金百利廣場)。記得呢間餐廳存在已久，但早前大裝修，開返之後一直都未有機會試，今次終於可以一試。餐廳位於金百利廣場7樓，記得係喺地下直接搭lift上去，千祈唔好上扶手電梯，因為上咗扶手梯之後就會係shopping mall，好難搵到lift直上7樓。一出lift，最右嘅餐廳就係築地日本料理，當晚大概6:30pm入座，人流未算多，walk in都即時有位。一打開餐牌，就見到我最鍾意嘅二人餐dinner set ，食物選擇非常多，包括：A：沙律x1 (蟹子沙律)、B：小食x1 (日本芝士年糕)、C：主食x2 (叉燒拉麵、牛肉野菜壽喜燒)、D：甜品x2 (抹茶雪糕、Tiramisu)、串燒拼盤x1同特飲x2，盛惠$298(另收加一)。味道方面，款款菜式味道都唔錯，絕無難食之選，其中最令我驚喜嘅係「牛肉野菜壽喜燒」，牛肉鮮嫩、湯底充滿壽喜燒嘅香味，加上浸滿濃湯嘅娃娃菜，成個火鍋都非常高質，而且賣相靚、份量足，絕對值得推薦。服務方面亦值得一讚，因為我地座位係喺餐廳最入位置，侍應走入嚟送餐都要時不時將就先成功送到，但侍應們仍

朋友即興約食飯，地點選擇銅記，經過一番篩選後最終決定食呢間築地日本料理 (金百利廣場)。記得呢間餐廳存在已久，但早前大裝修，開返之後一直都未有機會試，今次終於可以一試。

餐廳位於金百利廣場7樓，記得係喺地下直接搭lift上去，千祈唔好上扶手電梯，因為上咗扶手梯之後就會係shopping mall，好難搵到lift直上7樓。一出lift，最右嘅餐廳就係築地日本料理，當晚大概6:30pm入座，人流未算多，walk in都即時有位。

一打開餐牌，就見到我最鍾意嘅二人餐dinner set ，食物選擇非常多，包括：A：沙律x1 (蟹子沙律)、B：小食x1 (日本芝士年糕)、C：主食x2 (叉燒拉麵、牛肉野菜壽喜燒)、D：甜品x2 (抹茶雪糕、Tiramisu)、串燒拼盤x1同特飲x2，盛惠$298(另收加一)。

味道方面，款款菜式味道都唔錯，絕無難食之選，其中最令我驚喜嘅係「牛肉野菜壽喜燒」，牛肉鮮嫩、湯底充滿壽喜燒嘅香味，加上浸滿濃湯嘅娃娃菜，成個火鍋都非常高質，而且賣相靚、份量足，絕對值得推薦。

服務方面亦值得一讚，因為我地座位係喺餐廳最入位置，侍應走入嚟送餐都要時不時將就先成功送到，但侍應們仍然多次走入嚟為我地斟水同收走食完嘅餐盤，十分殷勤，服務水平奇高；而且每一次都有先詢問客人仲需唔需要，而唔係一嘢收走，呢一點的確值得讚賞！

整體而言，餐廳食物質素、性價比同服務水平都甚高，係絕對值得推薦嘅好餐廳！