影片
更多
2019-10-14
326 瀏覽
臨時臨急尖沙咀吹雞食飯，見到呢間元朗名店啱啱搬咗去天文台道，就膽粗粗打去問下即日夜晚有無位，又咁好彩book到，星期五晚仲唔會限時限刻趕人走，非常不錯。去到先知原來只係開咗幾日，而且舖位都幾大，呢個時勢食肆要commit擴張真係唔易，所以蒸海鮮menu都係仲有折，最貴個餐標價唔駛500蚊，都有成13-4款食物，都幾豐富。打工招牌食蟹，可以每人喺頂膏肉蟹/膏蟹/奄仔之中揀一款，老闆極力推介要試頂膏肉蟹，話非常罕有，我最早一台坐底都話只有兩隻，即管試下。隻蟹真係好香甜，多肉得嚟又好多膏，非常之滿足，而奄仔亦都好肥美。食海鮮最重要係材料，老闆揀貨的確有啲料到。蝦方面每人都可以揀一隻琵琶蝦或者龍蝦，兩者都好出色，不過幾隻蟹實在太好食，蝦反而顯得無咁驚豔。至於其他刀貝，蜆，牛，豬等等都好唔錯，而海鮮的確係非常新鮮，樓面幫忙蒸嘅時間亦非常準確，搞到一個二個食到隻手都污糟晒無人得閑影相。最後碗粥亦都非常鮮味，不過三位女士最後飽到只能食到一碗，我同另一位男士每人食兩碗粥都仲有一大窩剩，浪費咗有啲可惜。餐廳環境中規中矩，唔算豪華但乾淨企理，電視播港台32，不過可能店仲係新，樓面人手唔係好夠，啲嘢都係比較
去到先知原來只係開咗幾日，而且舖位都幾大，呢個時勢食肆要commit擴張真係唔易，所以蒸海鮮menu都係仲有折，最貴個餐標價唔駛500蚊，都有成13-4款食物，都幾豐富。
打工招牌食蟹，可以每人喺頂膏肉蟹/膏蟹/奄仔之中揀一款，老闆極力推介要試頂膏肉蟹，話非常罕有，我最早一台坐底都話只有兩隻，即管試下。
隻蟹真係好香甜，多肉得嚟又好多膏，非常之滿足，而奄仔亦都好肥美。食海鮮最重要係材料，老闆揀貨的確有啲料到。
蝦方面每人都可以揀一隻琵琶蝦或者龍蝦，兩者都好出色，不過幾隻蟹實在太好食，蝦反而顯得無咁驚豔。
至於其他刀貝，蜆，牛，豬等等都好唔錯，而海鮮的確係非常新鮮，樓面幫忙蒸嘅時間亦非常準確，搞到一個二個食到隻手都污糟晒無人得閑影相。最後碗粥亦都非常鮮味，不過三位女士最後飽到只能食到一碗，我同另一位男士每人食兩碗粥都仲有一大窩剩，浪費咗有啲可惜。
餐廳環境中規中矩，唔算豪華但乾淨企理，電視播港台32，不過可能店仲係新，樓面人手唔係好夠，啲嘢都係比較慢，6點半坐底，7點開始食，都要11點先埋到單，好在係星期五大家第二日唔駛返工，慢慢hea住食吹下水都幾寫意。
絕對會返轉頭，加油！
頂膏肉蟹
5 瀏覽
1 讚好
0 留言
琵琶蝦
9 瀏覽
0 讚好
0 留言
張貼
